ಈ ಕಚೇರಿಯಲ್ಲಿ ನಗು ಮುಖದವರಿಗೆ ಮಾತ್ರ ಎಂಟ್ರಿ ಸಿಗುತ್ತೆ!

ಹೌದು, ಚೀನಾದ ಕ್ಯಾನನ್‌ ಸಂಸ್ಥೆ ಉದ್ಯೋಗಿಗಳು ನಗುತ್ತಾ ಇದ್ದರೆ ಮಾತ್ರ ಕಚೇರಿಯೊಳಗೆ ಎಂಟ್ರಿ ನೀಡುವ ಪರಿಪಾಠಕ್ಕೆ ಮುಂದಾಗಿದೆ. ಇದಕ್ಕಾಗಿ ಸ್ಮೈಲ್‌ ರೆಕಗ್ನಿಷನ್‌ ಟೆಕ್ನಾಲಜಿ ಪರಿಚಯಿಸಿದೆ. ಇದರ ಮೂಲಕ ಕ್ಯಾನನ್ ಮಾಹಿತಿ ತಂತ್ರಜ್ಞಾನದ ಕಚೇರಿಗಳಲ್ಲಿನ ಎಐ ಕ್ಯಾಮೆರಾಗಳು ನಗುತ್ತಿರುವ ಕಾರ್ಮಿಕರಿಗೆ ಕೊಠಡಿಗಳಿಗೆ ಪ್ರವೇಶಿಸಲು ಮಾತ್ರ ಅವಕಾಶ ನೀಡುತ್ತದೆ. ಪ್ರತಿ ಉದ್ಯೋಗಿಯು ಸಾರ್ವಕಾಲಿಕ 100% ಸಂತೋಷದಿಂದಿರುವುದನ್ನು ಖಚಿತಪಡಿಸಿಕೊಳ್ಳಲು ಬಯಸಿದೆ ಎಂದು ಕಂಪನಿ ಹೇಳಿದೆ. ಹಾಗಾದ್ರೆ ಸ್ಮೈಲ್‌ ರೆಕಗ್ನಿಷನ್‌ ಟೆಕ್ನಾಲಜಿ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಚೀನಾದ ಕ್ಯಾನನ್‌ ಕಂಪೆನಿ ತನ್ನ ಉದ್ಯೋಗಿಗಳ ಸದಾ ನಗುತ್ತಾ ಇರಬೇಕು ಅನ್ನೊದನ್ನ ಬಯಸಿದೆ. ಇದಕ್ಕಾಗಿಯೇ ಹೊಸ ಟೆಕ್ನಾಲಜಿಯನ್ನೇ ಪರಿಚಯಿಸಿದೆ. ಇದು ನಗುವ ನೌಕರರನ್ನು ಮಾತ್ರ ಪ್ರವೇಶಿಸಲು ಅವಕಾಶ ನೀಡುತ್ತೆ. ನೀವು ಸ್ವಲ್ಪ ನಗುವುದನ್ನು ಮರೆತರು ಕಚೇರಿಯೊಳಗೆ ನೋ ಎಂಟ್ರಿ ಇರಲಿದೆ. ಹೀಗೆ ಎಐ ಮತ್ತು ಕ್ರಮಾವಳಿಗಳ ಸಹಾಯದಿಂದ ಚೀನಾದ ಕಂಪನಿಗಳು ತಮ್ಮ ಉದ್ಯೋಗಿಗಳನ್ನು ಹೇಗೆ ಅಸ್ಥಿರ ಮಟ್ಟಕ್ಕೆ ಸಮೀಕ್ಷೆ ಮಾಡುತ್ತಿವೆ ಅನ್ನೊದು ದಿ ಫೈನಾನ್ಶಿಯಲ್ ಟೈಮ್ಸ್‌ನ ವರದಿಯಾಗಿದೆ.

ಚೀನಾದಲ್ಲಿ ಈಗಾಗಲೇ ಉದ್ಯೋಗಿಗಳು ತಮ್ಮ ಕಂಪ್ಯೂಟರ್‌ಗಳಲ್ಲಿ ತಮ್ಮ ಉತ್ಪಾದಕತೆಯನ್ನು ಅಳೆಯಲು ಯಾವ ಕಾರ್ಯಕ್ರಮಗಳನ್ನು ಬಳಸುತ್ತಾರೆ ಎಂಬುದನ್ನು ಸಂಸ್ಥೆಗಳು ಮೇಲ್ವಿಚಾರಣೆ ಮಾಡುತ್ತಿವೆ. ತಮ್ಮ ಊಟದ ವಿರಾಮಕ್ಕೆ ಅವರು ಎಷ್ಟು ಸಮಯ ತೆಗೆದುಕೊಳ್ಳುತ್ತಾರೆ ಎಂಬುದನ್ನು ಅಳೆಯಲು ಸಿಸಿಟಿವಿ ಕ್ಯಾಮೆರಾಗಳನ್ನು ಬಳಸುವುದು. ಮೊಬೈಲ್ ಅಪ್ಲಿಕೇಶನ್‌ಗಳನ್ನು ಬಳಸಿಕೊಂಡು ಕಚೇರಿಯ ಹೊರಗೆ ಅವರ ಚಲನವಲನಗಳನ್ನು ಸಹ ಟ್ರ್ಯಾಕ್ ಮಾಡುತ್ತದೆ. ಹಾಗೆಯೇ ಕ್ಯಾನನ್ ಮಾಹಿತಿ ತಂತ್ರಜ್ಞಾನವು ಕಳೆದ ವರ್ಷ ತನ್ನ ‘ಸ್ಮೈಲ್ ರೆಕಗ್ನಿಷನ್' ಕ್ಯಾಮೆರಾಗಳನ್ನು ಕೆಲಸದ ಸ್ಥಳ ನಿರ್ವಹಣಾ ಸಾಧನಗಳ ಭಾಗವಾಗಿ ಘೋಷಿಸಿತ್ತು, ಆದರೆ ಈ ಟೆಕ್ನಾಲಜಿ ಹೆಚ್ಚಿನ ಗಮನ ಸೆಳೆದಿಲ್ಲ ಎನ್ನಲಾಗಿದೆ.

ಉದ್ಯೋಗಿಗಳು ನಗುತ್ತಾ ಇರಬೇಕು ಅನ್ನೊದೇನು ಸರಿ. ಆದರೆ ಕಚೇರಿಯ ಒಳಗೆ ಪ್ರವೇಶಿಸುವುದಕ್ಕೂ ನಗುತ್ತಾ ಇರಬೇಕು ಅನ್ನೊದು ಎಷ್ಟು ಸರಿ ಅನ್ನೊದು ಚೀನಿಯರಿಗೆ ಮಾತ್ರ ಗೊತ್ತು. ವಾಸ್ತವವಾಗಿ, ಈ ರೀತಿಯ ಸಾಮಾನ್ಯ ಕಣ್ಗಾವಲು ಡಿವೈಸ್‌ಗಳು ಹಲವು ವಿಧಗಳಲ್ಲಿ ಕಡಿಮೆ ಅಪಾಯಕಾರಿ ರೀತಿಯ ಟೆಕ್ನಾಲಜಿಯಾಗಿವೆ. ಇತರ ನಿಯಂತ್ರಣ ವ್ಯವಸ್ಥೆಗಳು ಹೆಚ್ಚು ಸೂಕ್ಷ್ಮವಾಗಿದೆ. ಬಹುಶಃ ಚೀನಾದಲ್ಲಿ ‘ಶೀಘ್ರದಲ್ಲೇ ಎಲ್ಲಾ ಕಚೇರಿಗಳಲ್ಲೂ ಈ ರೀತಿಯ ಮಾದರಿಯ ಅನುಷ್ಠಾನಕ್ಕೆ ಬಂದರೂ ಅಚ್ಚರಿಯಿಲ್ಲ.