CES 2022: ಲೆನೊವೊ ಕಂಪೆನಿಯಿಂದ ಥಿಂಕ್‌ಪ್ಯಾಡ್ Z-ಸರಣಿ ಲ್ಯಾಪ್‌ಟಾಪ್‌ ಅನಾವರಣ!

ಹೌದು, ಲೆನೊವೊ ಕಂಪೆನಿ CES 2022ರಲ್ಲಿ ಹೊಸ ಥಿಂಕ್‌ಪ್ಯಾಡ್‌ ಸರಣಿಯಲ್ಲಿ ಲ್ಯಾಪ್‌ಟಾಪ್‌ಗಳನ್ನು ಲಾಂಚ್‌ ಮಾಡಿದೆ. ಇನ್ನು ಈ ಲ್ಯಾಪ್‌ಟಾಪ್‌ಗಳು ವಿನ್ಯಾಸದಲ್ಲಿ ಹೆಚ್ಚಾಗಿ ಮೃದುವಾಗಿರುತ್ತವೆ ಮತ್ತು ಬ್ಯಸಿನೆಸ್‌ ಬಳಕೆದಾರರಿಗೆ ಇದು ಸೂಕ್ತವಾಗಿದೆ ಎನ್ನಲಾಗಿದೆ. ಇನ್ನು ಹೊಸ ಥಿಂಕ್‌ಪ್ಯಾಡ್ Z-ಸರಣಿ ಲ್ಯಾಪ್‌ಟಾಪ್‌ಗಳು ರಿಸೈಕಲ್ಡ್ ವೇಗಾನ್ ಲೆದರ್, ರಿಸೈಕಲ್ಡ್ ಅಲ್ಯೂಮಿನಿಯಂ ಬಳಸಿ ವಿನ್ಯಾಸಗೊಳಿಸಲಾಗಿದೆ. ಹಾಗಾದ್ರೆ ಈ ಲ್ಯಾಪ್‌ಟಾಪ್‌ಗಳ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಲೆನೊವೊ ಥಿಂಕ್‌ಪ್ಯಾಡ್ Z13

ಲೆನೊವೊ ಥಿಂಕ್‌ಪ್ಯಾಡ್ Z13 ಲ್ಯಾಪ್‌ಟಾಪ್‌ 2880x1620 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್ ಸಾಮರ್ಥ್ಯದ 13.5-ಇಂಚಿನ IPS OLED ಡಾಲ್ಬಿ ವಿಷನ್ ಡಿಸ್‌ಪ್ಲೇ ಹೊಂದಿದೆ. ಇನ್ನು ಈ ಡಿಸ್‌ಪ್ಲೇ 400 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಸ್‌ ಅನ್ನು ಹೊಂದಿದೆ. ಜೊತೆಗೆ ಈ ಡಿಸ್‌ಪ್ಲೇ 91.6% ಸ್ಕ್ರೀನ್-ಟು-ಬಾಡಿ ಅನುಪಾತ ಮತ್ತು 16:10 ರ ರಚನೆಯ ಅನುಪಾತವನ್ನು ಹೊಂದಿದೆ. ಇನ್ನು ಈ ಲ್ಯಾಪ್‌ಟಾಪ್ ಮೇಲ್ಭಾಗದಲ್ಲಿ ನಾಚ್ ಅಥವಾ ಕಮ್ಯುನಿಕೇಷನ್ಸ್ ಬಾರ್ ಅನ್ನು ಹೊಂದಿದೆ. ಜೊತೆಗೆ ಇದು 1080p ವೆಬ್‌ಕ್ಯಾಮ್ ಮತ್ತು ಡ್ಯುಯಲ್-ಅರೇ ಮೈಕ್ರೊಫೋನ್‌ಗಳನ್ನು ಹೊಂದಿದ್ದು, ಜೂಮ್ ಕರೆಗಳಿಗೆ ಉತ್ತಮವಾಗಿದೆ ಎಂದು ಲೆನೊವೊ ಕಂಪೆನಿ ಹೇಳಿಕೊಂಡಿದೆ. ಇನ್ನು ಈ ಲ್ಯಾಪ್‌ಟಾಪ್‌ ಎಎಮ್‌ಡಿ ರೈಜೆನ್ ಪ್ರೊ ಯು-ಸಿರೀಸ್ ಪ್ರೊಸೆಸರ್ ಬಲವನ್ನು ಒಳಗೊಂಡಿದೆ. ಇದು 32GB RAM ಮತ್ತು 1TB ಇಂಟರ್‌ ಸ್ಟೋರೇಜ್‌ ಅನ್ನು ಪಡೆದುಕೊಂಡಿದೆ.

ಇನ್ನು ಲೆನೊವೊ Z13 ಲ್ಯಾಪ್‌ಟಾಪ್‌ ಜೊತೆಯಲ್ಲಿ 4.7-ಇಂಚಿನ ಹ್ಯಾಪ್ಟಿಕ್ ಟಚ್‌ಪ್ಯಾಡ್, ಮ್ಯಾಚ್-ಆನ್-ಚಿಪ್ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಮತ್ತು ಡಾಲ್ಬಿ ಅಟ್ಮಾಸ್ ಬೆಂಬಲದೊಂದಿಗೆ ಸ್ಟೀರಿಯೋ ಸ್ಪೀಕರ್‌ಗಳನ್ನು ನೀಡಿದೆ. ವಾಯರ್‌ಲೆಸ್‌ ಕಮ್ಯೂನಿಕೇಶನ್‌ಗಾಗಿ ಈ ಲ್ಯಾಪ್‌ಟಾಪ್ Wi-Fi 6E, ಬ್ಲೂಟೂತ್ 5.2 ಮತ್ತು LTE ನೊಂದಿಗೆ ಬರುತ್ತದೆ. ಇದಲ್ಲದೆ ಈ ಲ್ಯಾಪ್‌ಟಾಪ್‌ 3.5mm ಆಡಿಯೋ ಜ್ಯಾಕ್ ಮತ್ತು ಎರಡು USB-C ಪೋರ್ಟ್‌ಗಳನ್ನು ಒಳಗೊಂಡಿದ್ದು, ಇವೆರಡೂ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತವೆ.

ಲೆನೊವೊ ಥಿಂಕ್‌ಪ್ಯಾಡ್‌ Z16

ಲೆನೊವೊ ಥಿಂಕ್‌ಪ್ಯಾಡ್‌ Z16 ಲ್ಯಾಪ್‌ಟಾಪ್‌ 3840x2160 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದ 16 ಇಂಚಿನ IPS OLED ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇ 400 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಸ್‌ಅನ್ನು ಹೊಂದಿದ್ದು, 92.3% ಸ್ಕ್ರೀನ್-ಟು-ಬಾಡಿ ಅನುಪಾತವನ್ನು ಒಳಗೊಂಡಿದೆ. ಅಲ್ಲದೆ ಈ ಡಿಸ್‌ಪ್ಲೇ 16:10 ರಚನೆಯ ಅನುಪಾತವನ್ನು ಹೊಂದಿದೆ. ಇದು ಡಾಲ್ಬಿ ವಿಷನ್ ವಿಷಯವನ್ನು ಸಹ ಬೆಂಬಲಿಸುತ್ತದೆ. ಇನ್ನು ಈ ಲ್ಯಾಪ್‌ಟಾಪ್‌ 1080p ವೆಬ್‌ಕ್ಯಾಮ್ ಮತ್ತು ಡ್ಯುಯಲ್-ಅರೆ ಮೈಕ್‌ಗಳೊಂದಿಗೆ ನಾಚ್ ಹೊಂದಿದೆ. ಇದಲ್ಲದೆ ಈ ಲ್ಯಾಪ್‌ಟಾಪ್‌ ಎಎಮ್‌ಡಿ ರೈಜೆನ್ ಪ್ರೊ ಪ್ರೊಸೆಸರ್‌ ಬಲವನ್ನು ಪಡೆದುಕೊಂಡಿದೆ. ಹಾಗೆಯೇ ಈ ಲ್ಯಾಪ್‌ಟಾಪ್‌ 32GB RAM ಮತ್ತು 2TB ಇಂಟರ್‌ ಸ್ಟೋರೇಜ್‌ ಸಾಮರ್ಥ್ಯವನ್ನು ಒಳಗೊಂಡಿದೆ.

ಇನ್ನು ಈ ಲ್ಯಾಪ್‌ಟಾಪ್‌ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ Wi-Fi 6E, LTE ಮತ್ತು ಬ್ಲೂಟೂತ್ 5.2 ಅನ್ನು ಒಳಗೊಂಡಿವೆ. ಇದು USB-C ಪೋರ್ಟ್‌ಗಳು, 3.5mm ಹೆಡ್‌ಫೋನ್ ಜ್ಯಾಕ್ ಮತ್ತು SD ಕಾರ್ಡ್ ರೀಡರ್ ಅನ್ನು ಬೆಂಬಲಿಸಲಿದೆ. ಈ ಲ್ಯಾಪ್‌ಟಾಪ್‌ ಸ್ಪೀಕರ್‌ಗಳು Dolby Atmos ಅನ್ನು ಬೆಂಬಲಿಸಲಿದ್ದು, ಮೈಕ್ರೊಫೋನ್‌ ಕರೆಗಳಿಗಾಗಿ Dolby Voice AI ನಾಯ್ಸ್‌ ಕ್ಯಾನ್ಸಲೇಶನ್‌ ಫೀಚರ್ಸ್‌ ಅನ್ನು ಬಳಸಲಿದೆ. ಇನ್ನು ಈ ಲ್ಯಾಪ್‌ಟಾಪ್‌ 70Wh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ.

ಬೆಲೆ ಮತ್ತು ಲಭ್ಯತೆ

ಲೆನೊವೊ ಥಿಂಕ್‌ಪ್ಯಾಡ್ Z13 ಲ್ಯಾಪ್‌ಟಾಪ್‌ ಬೆಲೆ $1,549 (ಅಂದಾಜು 1,15,600ರೂ) ರಿಂದ ಪ್ರಾರಂಭವಾಗುತ್ತದೆ. ಆದರೆ ಥಿಂಕ್‌ಪ್ಯಾಡ್ Z16 ಬೆಲೆಯು $2,099 (ಅಂದಾಜು 1,56,700ರೂ) ಗಳಿಂದ ಪ್ರಾರಂಭವಾಗುತ್ತದೆ. ಇನ್ನು ಲೆನೊವೊ ಕಂಪೆನಿ ಹೊಸ ಥಿಂಕ್‌ಪ್ಯಾಡ್ ಲ್ಯಾಪ್‌ಟಾಪ್‌ಗಳಿಗಾಗಿ ಮೇ ತಿಂಗಳ ಬಿಡುಗಡೆಯ ಟೈಮ್‌ಲೈನ್ ಅನ್ನು ಹೊಂದಿದೆ.