ಚೆನ್ನೈ ಅಳಲಿಗೆ ದನಿಯಾದ ಟೆಲಿಕಾಂ ಕಂಪನಿಗಳು

ಚೆನ್ನೈನಲ್ಲಿ ಲ್ಯಾಂಡ್‌ಲೈನ್‌ ಕರೆಗಳು ಉಚಿತ

ಚೆನ್ನೈನಲ್ಲಿ ಲ್ಯಾಂಡ್‌ಲೈನ್‌ ಬಳಕೆದಾರರಿಗೆ ಒಂದು ವಾರದವರೆಗೆ ಉಚಿತ ಕರೆ ಸೌಲಭ್ಯವನ್ನು ಕೇಂದ್ರ ದೂರಸಂಪರ್ಕ ಸಚಿವ ರವಿಶಂಕರ್‌ ಪ್ರಸಾದ್ ಘೋಷಿಸಿದ್ದಾರೆ. ಅಲ್ಲದೇ ಬಿಲ್‌ ಪಾವತಿ ಮಾಡದ ಲ್ಯಾಂಡ್‌ಲೈನ್‌ ಬಳಕೆದಾರರಿಗೂ ಸಹ 15 ದಿನಗಳವರೆಗೆ ಸಂಪರ್ಕ ಕಡಿತಗೊಳಿಸುವುದಿಲ್ಲ ಎಂದು ಮಾಧ್ಯಮ ವರದಿಗಾರರೊಂದಿಗೆ ಹೇಳಿದ್ದಾರೆ.

ಸರ್ಕಾರಿ ಸ್ವಾಮ್ಯದ ಬಿಎಸ್‌ಎನ್‌ಎಲ್‌ ಸೌಲಭ್ಯ

ಬಿಎಸ್‌ಎನ್‌ಎಲ್‌ ಸಹ ತನ್ನ ಬಳಕೆದಾರರಿಗೆ ಉಚಿತ ಸ್ಥಳೀಯ ಕರೆಗಳು ಮತ್ತು ಎಸ್‌ಟಿಡಿ ಕರೆಗಳನ್ನು 7 ದಿನಗಳಕಾಲ ಒದಗಿಸಿದ್ದು, ಜೊತೆಗೆ 100MB ಡಾಟಾವನ್ನು ತನ್ನ ಪ್ರಿಪೇಡ್‌ ಗ್ರಾಹಕರಿಗೆ ನೀಡಿದೆ.

ಇತರ ಮೊಬೈಲ್‌ ನೆಟ್‌ವರ್ಕ್‌ಗಳು

ಚೆನ್ನೈಗೆ ಇತರೆ ಎಲ್ಲಾ ಮೊಬೈಲ್‌ ನೆಟ್‌ವರ್ಕ್‌ ಸೇವೆಯ ಎಲ್ಲಾ ಕಂಪನಿಗಳು ಸಹ ಹಿಂದೆ ಉಳಿಯದೇ ಉಚಿತ ಟಾಕ್‌ ಟೈಮ್‌ ಸೇವೆ ನೀಡಿವೆ.

ಏರ್‌ಟೆಲ್‌

ಚೆನ್ನೈನ ಕೆಲವು ಪ್ರದೇಶಗಳಲ್ಲಿ ವಿದ್ಯುತ್‌ ಕಡಿತಗೊಂಡ ಕಾರಣ ಏರ್‌ಟೆಲ್‌ ಸೇವೆ ಕೆಲವು ಪ್ರದೇಶಗಳಿಗೆ ತಲುಪಿಲ್ಲ. ಏರ್‌ಟೆಲ್‌ ಚೆನ್ನೈ ಪ್ರಿಪೇಡ್‌ ಗ್ರಾಹಕರಿಗೆ 30 ರೂಪಾಯಿಗಳ ಟಾಕ್‌ಟೈಮ್‌ ಉಚಿತವಾಗಿ ನೀಡಿದೆ. 50MB ಡಾಟಾವನ್ನು ಸಹ ಎರಡು ದಿನಗಳ ವ್ಯಾಲಿಟಿಡಿಯೊಂದಿಗೆ ಉಚಿತವಾಗಿ ನೀಡಿದೆ.

ಏರ್‌ಟೆಲ್

ಏರ್‌ಟೆಲ್ ತನ್ನ ಚೆನ್ನೈ ಪೋಸ್ಟ್‌ಪೇಡ್ ಗ್ರಾಹಕರಿಗೆ ಬಿಲ್‌ ಪಾವತಿಯ ಗಡುವನ್ನು ವಿಸ್ತರಿಸಿದೆ.

ವೊಡಾಫೋನ್‌ ಆಫರ್‌

ವೊಡಾಫೋನ್‌ ತನ್ನ ಗ್ರಾಹಕರಿಗೆ 10 ರೂಪಾಯಿಗಳ ಉಚಿತ ಟಾಕ್‌ಟೈಮ್‌ ನೀಡಿದ್ದು, ವೊಡಾಫೋನ್‌ ಟು ವೊಡಾಫೋನ್‌ ಗ್ರಾಹಕರು 10 ನಿಮಿಷಗಳು ಉಚಿತವಾಗಿ ಮಾತನಾಡುವ ಹಾಗೂ 100MB ಡಾಟಾವನ್ನು ಆಫರ್‌ ನೀಡಿದೆ.

ಏರ್‌ಸೆಲ್‌ ಆಫರ್

ಏರ್‌ಸೆಲ್ ಟು ಏರ್‌ಸೆಲ್‌ 10 ನಿಮಿಷಗಳು ಉಚಿತವಾಗಿ ಮಾತನಾಡುವ ಸೌಲಭ್ಯವನ್ನು ಏರ್‌ಸೆಲ್‌ ಸಹ ನೀಡಿದೆ. ಚೆನ್ನೈನ ಏರ್‌ಸೆಲ್‌ ಗ್ರಾಹಕರೊಂದಿಗೆ ಭಾರತದ ಯಾವುದೇ ಪ್ರದೇಶದ ಏರ್‌ಸೆಲ್‌ ಗ್ರಾಹಕ ಉಚಿತವಾಗಿ ಮುಂದಿನ ಮೂರುದಿನಗಳ ವರೆಗೆ ಮಾತನಾಡುವ ಸೌಲಭ್ಯ ನೀಡಿದೆ. ಜೊತೆಗೆ ಮೂರು ದಿನಗಳ ವರೆಗೆ 100MB 3G/2G ಡಾಟಾವನ್ನು ಉಚಿತವಾಗಿ ನೀಡಿದೆ.