ಟ್ರಂಪ್‌ಗೆ ಸೆಡ್ಡು ಹೊಡೆದ ಅಲಿಬಾಬಾ: ಅಮೆರಿಕಾದ ಅವಶ್ಯಕತೆ ಇಲ್ಲ ಅಂದ್ರೂ...!

ಲಾಭದ ಲೆಕ್ಕ:

ಅಲಿಬಾಬಾ ಕಂಪನಿಯೂ 8.7 ಬಿಲಿಯನ್​ ನಿವ್ವಳ ಲಾಭ ಗಳಿಸಿದೆ. ಭಾರತೀಯ ಕರೆನ್ಸಿ ಲೆಕ್ಕದಲ್ಲಿ ಅಲಿಬಾಬಾ ಕಂಪನಿ ಬರೋಬ್ಬರಿ ರೂ. 8,865 ಕೋಟಿ ನಿವ್ವಳ ಲಾಭ ಗಳಿಕೆ ಮಾಡಿದೆ. ಈ ಲೆಕ್ಕಾಚಾರವನ್ನು ಘೋಷಣೆ ಮಾಡುವ ಸಂದರ್ಭದಲ್ಲಿಯೇ ಅಮೆರಿಕಾ ವಿರುದ್ಧ ತೊಡೆತಟ್ಟಿದೆ.

ಅಮೆರಿಕಾಗೆ ಸೆಡ್ಡು:

ವಿಶ್ವದ ದೊಡ್ಡಣ್ಣ ಎಂದು ಕರೆಸಿಕೊಳ್ಳುತ್ತಿರುವ ಅಮೆರಿಕಾ ಅತೀ ದೊಡ್ಡ ಆರ್ಥಿಕತೆಯನ್ನು ಹೊಂದಿದೆ. ಈ ಹಿನ್ನಲೆಯಲ್ಲಿ ಚೀನಾ ಮಾತ್ರವೇ ಅಮೆರಿಕಾಗೆ ಹೆಚ್ಚಿನ ಪ್ರಮಾಣದಲ್ಲಿ ಸೆಡ್ಡು ಹೊಡೆಯಲು ಶಕ್ತವಾಗಿದೆ. ಈ ಹಿನ್ನಲೆಯಲ್ಲಿ ತಂತ್ರಜ್ಞಾನ, ಗ್ಯಾಜೆಡ್ಸ್‌ ಸೇರಿದಂತೆ ಎಲ್ಲಾ ಉತ್ಪನ್ನಗಳನ್ನು ನಿರ್ಮಾಣ ಮಾಡುತ್ತಿರುವ ಚೀನಾದಕ್ಕೆ ಸೆಡ್ಡು ಹೊಡೆಯಲು ಅಮೆರಿಕಾ ಮುಂದಾಗಿದೆ. ಆದರೆ ಅಮೆರಿಕಾವನ್ನು ಕ್ಯಾರೆ ಎನ್ನುವುದಿಲ್ಲ ಎಂದು ಅಲಿಬಾಬಾ ತಿಳಿಸಿದೆ.

ಟ್ರಂಪ್​ ನೀತಿಗೆ ತಿರುಗೇಟು:

ಟ್ರಂಪ್​ ನೀತಿಗೆ ಭಾರತ ಸೇರಿದಂತೆ ಎಲ್ಲಾ ಕಡೆಗಳಲ್ಲಿ ವಿರೋಧ ವ್ಯಕ್ತವಾಗುತ್ತಿದೆ. ಇದೇ ಹಿನ್ನಲೆಯಲ್ಲಿ ಚೀನಾದ ಬೃಹತ್​ ಕಂಪನಿ ಅಲಿಬಾಬಾ ತಾನು ಅಮೆರಿಕದ ವಾಣಿಜ್ಯ ಯುದ್ಧವನ್ನು ಎದುರಿಸಿ ನಿಲ್ಲಲು ಸಮರ್ಥವಾಗಿರುವುದಾಗಿ ತಿಳಿಸಿದೆ. ಅಮೆರಿಕದೊಡನೆ ವಾಣಿಜ್ಯ ಸಮರಕ್ಕೂ ಕಂಪನಿ ಸಿದ್ಧವಿದೆ ಎಂದು ಘೋಷಿಸಲಾಗಿದೆ. ಜೊತೆಗೆ ಅಮೆರಿಕಕ್ಕೆ ಸೆಡ್ಡು ಹೊಡೆಯುವ ನಂಬಿಕೆ ಇದೆ ಎಂದು ಹೇಳಿಕೆ ನೀಡುವ ಮೂಲಕ ಪರೋಕ್ಷವಾಗಿ ಯುದ್ಧಕ್ಕೂ ಆಹ್ವಾನ ನೀಡಿದೆ.

ತಲೆ ಕೆಡಿಸಿಕೊಳ್ಳುವುದಿಲ್ಲ:

ಅಮೆರಿಕದ ಉತ್ಪನ್ನಗಳ ಬೆಲೆ ಏರಿಕೆಯಾದರೆ, ಚೀನಾ ಗ್ರಾಹಕರು ಸ್ವದೇಶದ ಉತ್ಪನ್ನಗಳನ್ನು ಬಳಸುತ್ತಾರೆ ಅಥವಾ ಪ್ರಪಂಚದ ಬೇರೆ ದೇಶಗಳಿಂದ ಆಮದು ಮಾಡಿಕೊಳ್ಳುತ್ತಾರೆ ಆದರೆ ಎಂದಿಗೂ ಬೆಲೆ ಕಡಿಮೆ ಮಾಡಿ ಎಂದು ಮನವಿ ಮಾಡುವುದಿಲ್ಲ ಎಂದಿದ್ದಾರೆ.