ಸ್ಮಾರ್ಟ್‌ವಾಚ್‌ ವಲಯದಲ್ಲಿ ಧೂಳೆಬ್ಬಿಸಿದ ನಥಿಂಗ್‌ ಕಂಪೆನಿಯ ಸಬ್‌ಬ್ರ್ಯಾಂಡ್‌ CMF!

ನಥಿಂಗ್‌ ಕಂಪೆನಿ ಮೊಬೈಲ್‌ ಮಾರುಕಟ್ಟೆಯಲ್ಲಿ ಹೊಸ ಸಂಚಲನವನ್ನೇ ಸೃಷ್ಟಿಮಾಡಿತ್ತು. ಇದೀಗ ನಥಿಂಗ್‌ ಕಂಪೆನಿಯ ಸಬ್‌ಬ್ರ್ಯಾಂಡ್‌ CMF ಭಾರತದಲ್ಲಿ ಮೂರು ಹೊಸ ಪ್ರಾಡಕ್ಟ್‌ಗಳನ್ನು ಬಿಡುಗಡೆ ಮಾಡಿದೆ. ಇವುಗಳನ್ನು CMF ಬಡ್ಸ್ ಪ್ರೊ TWS, CMF ಪವರ್‌ 65W GaN ಚಾರ್ಜರ್ ಮತ್ತು CMF ವಾಚ್ ಪ್ರೊ ಎಂದು ಹೆಸರಿಸಲಾಗಿದೆ.

ಹೌದು, CMF ಬ್ರ್ಯಾಂಡ್‌ ಮೂರು ಹೊಸ ಪ್ರಾಡಕ್ಟ್‌ಗಳನ್ನು ಅನಾವರಣಗೊಳಿಸಿದೆ. ಇದರಲ್ಲಿ CMF ವಾಚ್‌ ಪ್ರೊ ಸ್ಮಾರ್ಟ್‌ವಾಚ್‌ ಅತ್ಯಾಕರ್ಷಕ ಫೀಚರ್ಸ್‌ಗಳಿಂದ ಗಮನಸೆಳೆದಿದೆ. ಇದು ಪಾಲಿಶ್‌ ಮಾಡಿದ ಮೆಟಲ್‌ ಬಾಡಿಯನ್ನು ಹೊಂದಿದೆ. ಇದರ ಬದಿಯಲ್ಲಿ ಡಯಲ್‌ ಅನ್ನು ಒಳಗೊಂಡಿದೆ. ಹಾಗಾದ್ರೆ CMF ವಾಚ್‌ ಪ್ರೊ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

CMF ವಾಚ್ ಪ್ರೊ ಫೀಚರ್ಸ್‌ ಹೇಗಿದೆ?
ನಥಿಂಗ್‌ ಸಂಸ್ಥೆಯ ಸಬ್‌ ಬ್ರ್ಯಾಂಡ್‌ CMF ನ ವಾಚ್‌ ಪ್ರೊ ಸ್ಮಾರ್ಟ್‌ವಾಚ್‌ ಆಪಲ್ ವಾಚ್ ಮಾದರಿಯ ವಿನ್ಯಾಸವನ್ನು ಹೊಂದಿದೆ. ಈ ಸ್ಮಾರ್ಟ್‌ವಾಚ್ ಫ್ಲಾಟ್ 1.96 ಇಂಚಿನ ಅಮೋಲೆಡ್‌ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಡಿಸ್‌ಪ್ಲೇ 600+ ನಿಟ್ಸ್ ಪೀಕ್‌ನಲ್ಲಿ ಬ್ರೈಟ್‌ನೆಸ್‌ ಅನ್ನು ಪಡೆದುಕೊಂಡಿದೆ. ಇದು 410×502 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್‌ವಾಚ್‌ ಮತ್ತೊಂದು ಪ್ಲಸ್‌ ಪಾಯಿಂಟ್‌ ಎಂದರೆ ಇದು 58Hz ರಿಫ್ರೆಶ್‌ ರೇಟ್‌ ಹೊಂದಿದ್ದು, ನ್ಯಾವಿಗೇಟ್ ಮಾಡುವಾಗ ಅತ್ಯುತ್ತಮ ಅನುಭವ ನೀಡಲಿದೆ,

CMF ವಾಚ್ ಪ್ರೊ ರಿಯಲ್‌ ಟೈಂ ಹೃದಯ ಬಡಿತ ಮತ್ತು ರಕ್ತದ ಆಮ್ಲಜನಕದ ಶುದ್ಧತ್ವ ಮೇಲ್ವಿಚಾರಣೆ ಮಾಡಲಿದೆ. ಇದರೊಂದಿಗೆ ನಿದ್ರೆ ಮತ್ತು ಒತ್ತಡದ ಮೇಲ್ವಿಚಾರಣೆ, ರನ್ನಿಂಗ್‌ ರಿಮೈಂಡರ್‌ ಅನ್ನು ಟ್ರ್ಯಾಕಿಂಗ್‌ ಮಾಡಲಿದೆ. ಇನ್ನು ಫಿಟ್ನೆಸ್ ಉತ್ಸಾಹಿಗಳಿಗೆ, CMF ವಾಚ್ ಪ್ರೊ 110 ಸ್ಪೋರ್ಟ್ಸ್‌ ಮೋಡ್‌ಗಳೊಂದಿಗೆ ಬರಲಿದೆ. ಇದರ ಇನ್‌ಬಿಲ್ಟ್‌ ಮಲ್ಟಿ-ಸಿಸ್ಟಮ್ GPU ಆಗಿದ್ದು ಓಟ, ಸೈಕ್ಲಿಂಗ್, ನಡಿಗೆ ಮತ್ತು ಹೈಕಿಂಗ್‌ನಂತಹ ಚಟುವಟಿಕೆಗಳಿಗಾಗಿ ಮಲ್ಟಿ ಸ್ಯಾಟ್‌ಲೈಟ್‌ ಸ್ಥಾನೀಕರಣ ವ್ಯವಸ್ಥೆಗಳನ್ನು ಬಳಸುತ್ತದೆ.

ಈ ಸ್ಮಾರ್ಟ್ ವಾಚ್ ಬ್ಲೂಟೂತ್ ಕಾಲಿಂಗ್ ಸಿಸ್ಟಂ ಅನ್ನು ಹೊಂದಿದೆ. ಇದು ಕೇಳುಗರಿಗೆ ಗರಿಗರಿಯಾದ ಮೈಕ್ ಔಟ್‌ಪುಟ್ ಅನ್ನು ತಲುಪಿಸಲು AI ಟೆಕ್ನಾಲಜಿಯನ್ನು ಸಂಯೋಜಿಸಲಿದೆ. ಜೊತೆಗೆ ಸ್ಮಾರ್ಟ್‌ವಾಚ್‌ 340mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಇದು ನಿಯಮಿತ ಬಳಕೆಯಲ್ಲಿ 13 ದಿನಗಳ ಬ್ಯಾಟರಿ ಅವಧಿಯನ್ನು ನೀಡಲಿದೆ ಎಂದು ಹೇಳಲಾಗಿದೆ. ಇದರ IP68 ವಾಟರ್‌ ರೆಸಿಸ್ಟೆನ್ಸಿಯನ್ನು ನಿಭಾಯಿಸಲಿದೆ.

ಬೆಲೆ ಮತ್ತು ಲಭ್ಯತೆ
CMF ವಾಚ್ ಪ್ರೊ ಸ್ಮಾರ್ಟ್‌ವಾಚ್‌ ಮೆಟಾಲಿಕ್ ಗ್ರೇ ವೇರಿಯಂಟ್ ಆಯ್ಕೆಗೆ 4,999ರೂ. ಬೆಲೆಯನ್ನು ಹೊಂದಿದೆ. ಇದರ ಗಾಢ ಬೂದು ಬಣ್ಣದ ರೂಪಾಂತರದ ಆಯ್ಕೆಯು 4,499ರೂ. ಬೆಲೆಯನ್ನು ಪಡೆದುಕೊಂಡಿದೆ. ಇದನ್ನು ನೀವು ಬಿಳಿ, ಕಪ್ಪು ಮತ್ತು ಕಿತ್ತಳೆ ಬಣ್ಣದ ಆಯ್ಕೆಗಳಲ್ಲಿ ಖರೀದಿಸಬಹುದಾಗಿದೆ.

ವಿಶೇಷ ಈವೆಂಟ್‌ಗಾಗಿ CMF ಸೂಪರ್‌ಕಿಕ್ಸ್‌ನೊಂದಿಗೆ ಸೇರಿಕೊಳ್ಳುತ್ತಿದೆ. ಸೆಪ್ಟೆಂಬರ್ 30 ರಿಂದ, ನೀವು CMF ಬಡ್ಸ್ ಪ್ರೊ ಮತ್ತು ವಾಚ್ ಪ್ರೊ ಅನ್ನು ಅವರ ದೆಹಲಿ ಅಂಗಡಿಯಲ್ಲಿ ಖರೀದಿಸಿದಾಗ ನೀವು ರೂ 500 ರಿಯಾಯಿತಿಯನ್ನು ಪಡೆಯಬಹುದು. ಜೊತೆಗೆ, ಫ್ಲಿಪ್‌ಕಾರ್ಟ್ ಮತ್ತು ಮೈಂತ್ರಾದಲ್ಲಿ ಅದೇ ದಿನ ಮಧ್ಯಾಹ್ನ 12 ಗಂಟೆಗೆ ಒಂದು ದಿನದ ಮಾರಾಟವಿದೆ, ಅಲ್ಲಿ ನೀವು ರೂ 3,999 ($ 48) ಗೆ ವಾಚ್ ಪ್ರೊ ಅನ್ನು ಡಾರ್ಕ್ ಗ್ರೇನಲ್ಲಿ ಪಡೆದುಕೊಳ್ಳಬಹುದು ಮತ್ತು ರೂ 4,499 ($ 54) ಗೆ ಮೆಟಾಲಿಕ್ ಗ್ರೇ ಒಂದನ್ನು ಪಡೆದುಕೊಳ್ಳಬಹುದು.