ಆಟೋರಿಕ್ಷಾ ಗೊತ್ತುಪಡಿಸಲು ಪೂಚೋ - ಒ ಆಪ್

ದೇಶದ ರಾಜಧಾನಿಯಲ್ಲಿ ನೀವಿನ್ನು ಆಟೋರಿಕ್ಷಾವನ್ನು ಗೊತ್ತುಮಾಡಲು ನಿಮ್ಮ ಸ್ಮಾರ್ಟ್‌ಫೋನ್ ಅನ್ನು ಬಳಸಬಹುದಾಗಿದೆ. ಇಂದು ಲಿಫ್ಟ್‌ನೆಂಟ್ ಗವರ್ನರ್ ನಜೀಬ್ ಜಂಗ್ ಈ ಹೊಸ ಅಪ್ಲಿಕೇಶನ್ ಆದ "ಪೂಚೋ - ಒ" ವನ್ನು ಲಾಂಚ್ ಮಾಡಿದ್ದಾರೆ.

ದೆಹಲಿಯ ಇಂಟಿಗ್ರೇಟೆಡ್ ಮಲ್ಟಿ ಮಾಡೆಲ್ ಟ್ರಾನ್ಸಿಟ್ ಸಿಸ್ಟಮ್ (DIMTS) "ಪೂಚೋ - ಒ" ವನ್ನು ಅಭಿವೃದ್ಧಿಪಡಿಸಿದ್ದು ಇದು ಬಳಕೆದಾರರಿಗೆ ಆಟೋಗಳನ್ನು ಗೊತ್ತುಮಾಡಲು, ಜಿಪಿಎಸ್‌ನೊಂದಿಗೆ ಹೊಂದಿಸಲು, ಅವರಿಗೆ ಹತ್ತಿರವಾಗಿರುವ ಆಟೋದ ಅದರ ಚಾಲಕರನ್ನು ಕರೆಯಲು, DIMTS ನೊಂದಿಗೆ ಫೋನ್ ಸಂಖ್ಯೆ ನೋಂದಣಿಯಾಗಿರುವ ಆಟೋ ಡ್ರೈವರ್‌ಗಳಿಗೆ ಕರೆ ಮಾಡಲು ಮತ್ತು ಪ್ರಯಾಣವನ್ನು ನಿಗದಿಪಡಿಸಲು ಇದೀಗ ಈ ಅಪ್ಲಿಕೇಶನ್ ಅನುಮತಿಸುತ್ತಿದೆ.

ಗೂಗಲ್ ಪ್ಲೇನಿಂದ ಮಾತ್ರ ಈ ಪೂಚೋ - ಒ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬಹುದಾಗಿದ್ದು ಜನರು ತಮ್ಮ ಫೋನ್‌ಗಳಲ್ಲಿ ಜಿಪಿಎಸ್ ಅನ್ನು ಖಾತ್ರಿಗೊಳಿಸಬೇಕು ಮತ್ತು ನಕ್ಷೆಗಳ ಮೂಲಕ ಹತ್ತಿರವಿರುವ ಆಟೋಗಳನ್ನು ಹುಡುಕಬಹುದಾಗಿದೆ.

ತಮ್ಮ ಕಚೇರಿಯಲ್ಲಿ ಪೂಚೋ - ಒ ಅನ್ನು ಲಾಂಚ್ ಮಾಡಿದ ನಂತರ, ನಜೀಬ್ ಅವರು ಮಾತನಾಡಿ ಇದೊಂದು ಸುಧಾರಿತ ತಂತ್ರಜ್ಞಾನವಾಗಿದೆ, ಇದು ಹೆಚ್ಚಾಗಿ ರಾತ್ರಿವೇಳೆಗಳಲ್ಲಿ ಆಟೋದಲ್ಲಿ ಸಂಚರಿಸುವ ಮಹಿಳೆಯರಿಗೆ ತುಂಬಾ ಸಹಾಯಕವಾಗಿದೆ ಎಂದು ತಿಳಿಸಿದ್ದಾರೆ.

ಈ ಅಪ್ಲಿಕೇಶನ್ ಮೂಲಕ ಆಟೋವನ್ನು ಗೊತ್ತುಪಡಿಸಿದ ನಂತರ, ಪ್ರಯಾಣಿಕರು ತಮ್ಮ ಪ್ರಯಾಣ ವಿವರಗಳನ್ನು ಫೇಸ್‌ಬುಕ್ ಅಥವಾ ಟ್ವಿಟ್ಟರ್‌ನಲ್ಲಿ ಹಂಚಿಕೊಳ್ಳಬಹುದಾಗಿದೆ ಇದರಿಂದ ಕುಟುಂಬದ ಸದಸ್ಯರು ಅವರ ಪ್ರಯಾಣ ಸ್ಥಳಗಳನ್ನು ತಿಳಿದುಕೊಳ್ಳಬಹುದಾಗಿದೆ. ಈ ಅಪ್ಲಿಕೇಶನ್‌ನಲ್ಲಿ ಹಲವಾರು ಭದ್ರತಾ ಅಪ್ಲಿಕೇಶನ್‌ಗಳು ಕೂಡ ಇವೆ. ಎಂದು ಜಂಗ್ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ಪೂಚೋ - ಒ ಅಪ್ಲಿಕೇಶನ್ ಮೂಲಕ ತಮ್ಮ ಪ್ರಯಾಣದ ಬಗೆಗಿನ ಪ್ರತಿಕ್ರಿಯೆಗಳನ್ನು ಕೂಡ ಪ್ರಯಾಣಿಕರು ತಿಳಿಸಬಹುದಾಗಿದೆ. ತಮ್ಮ ಪ್ರಯಾಣದ ವೆಚ್ಚವನ್ನು ಕೂಡ ಈ ಅಪ್ಲಿಕೇಶನ್ ಮೂಲಕ ಪ್ರಯಾಣಿಕರು ತಿಳಿದುಕೊಳ್ಳಬಹುದಾಗಿದ್ದು ಆಟೋದ ಚಾಲಕರನ್ನು ಕರೆದ ನಂತರವೂ ಕೂಡ ಪ್ರಯಾಣಿಕರ ಕಡೆಗೆ ಈ ಆಟೋ ಬರುತ್ತಿದೆಯೇ ಎಂಬುದನ್ನು ಪತ್ತೆಹಚ್ಚಬಹುದಾಗಿದೆ. ಐಫೋನ್‌ನಲ್ಲೂ ಈ ಅಪ್ಲಿಕೇಶನ್ ಕೂಡಲೇ ಲಭ್ಯವಾಗುತ್ತಿದ್ದು ಈ ಅಪ್ಲಿಕೇಶನ್ ಮೂಲಕ ರಿಕ್ಷಾ ಚಾಲಕರು ಸುಲಭವಾಗಿ ಪ್ರಯಾಣಿಕರನ್ನು ಪಡೆಯಬಹುದಾಗಿದೆ ಎಂದು DIMTS ನ ವ್ಯವಸ್ಥಾಪಕ ನಿರ್ದೇಶಕರಾದ ಎಸ್‌ಎನ್ ಸಹಾಯಿ ತಿಳಿಸಿದ್ದಾರೆ.

ದೆಹಲಿಯಲ್ಲಿ 24,000 ಆಟೋರಿಕ್ಷಾಗಳಿದ್ದು ಇವೆಲ್ಲವೂ ಜಿಪಿಎಸ್‌ನೊಂದಿಗೆ ಹೊಂದಿಕೆಯಾಗಿದೆ ಮತ್ತು ಇನ್ನೂ ಹೆಚ್ಚಿನ ಆಟೋಗಳು ಈ ಅಪ್ಲಿಕೇಶನ್‌ಗೆ ಹೊಂದಿಕೆಯಾಗುವ ನಿರೀಕ್ಷೆಯಲ್ಲಿದ್ದು ಈ ಅಪ್ಲಿಕೇಶನ್‌ನಿಂದ ಜನರು ಪ್ರಯೋಜವನ್ನು ಪಡೆಯಬಹುದಾಗಿದೆ ಎಂದು ಸಹಾಯ್ ತಿಳಿಸಿದ್ದಾರೆ.

ಪೂಚೋ - ಒ ಪ್ರಯಾಣಿಕರನ್ನು ರಿಕ್ಷಾ ಡ್ರೈವರ್ ಕರೆದುಕೊಂಡು ಹೋಗಲು ತಿರಸ್ಕರಿಸಿದಲ್ಲಿ, ಅವರಿಗೆ ಹೆಚ್ಚಿನ ದಂಡವನ್ನು ವಿಧಿಸಲಾಗುವುದು ಎಂದು ಅನಿಲ್ ಶುಕ್ಲಾ ತಿಳಿಸಿದ್ದಾರೆ.

"ತಮ್ಮ ವೆಬ್‌ಸೈಟ್, ಟ್ರಾಫಿಕ್ ಅಪ್ಲಿಕೇಶನ್‌ಗಳಿಗೆ ಈ ಅಪ್ಲಿಕೇಶನ್ ಸಂಪರ್ಕಪಡಿಸಲು ಟ್ರಾಫಿಕ್ ಪೋಲೀಸರನ್ನು ವಿನಂತಿಸಲಾಗುವುದು ಇದರಿಂದ ಆಟೋ ಡ್ರೈವರ್ ಯಾವುದೇ ಕಾರಣ ಇಲ್ಲದೆ ಪ್ರಯಾಣಿಕರನ್ನು ಆಟೋದಲ್ಲಿ ಕರೆದುಕೊಂಡು ಹೋಗಲು ತಿರಸ್ಕರಿಸಿದಲ್ಲಿ ಅವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು" ಜಂಗ್ ಹೇಳಿದ್ದಾರೆ.

ಪಿಟಿಐ