ನೋಟು ನಿಷೇಧದಿಂದಾಗಿ ಶೇ 80ರಷ್ಟು ವೃದ್ಧಿಸಿದೆ ಡಿಜಿಟಲ್ ಪಾವತಿ!!

ಡಿಜಿಟಲ್ ವೇಗಕ್ಕೆ ನೋಟು ನಿಷೇಧ ಸಹಕಾರಿ!!

ನವೆಂಬರ್‌ 8ರಂದು ಪ್ರಧಾನಿ ನರೇಂದ್ರ ಮೋದಿ ಸರ್ಕಾರ ನೋಟು ನಿಷೇಧ ಪ್ರಕಟಿಸಿದ ನಂತರ ಡಿಜಿಟಲ್ ಪಾವತಿ ವೇಗಕ್ಕೆ ಸಹಕಾರಿಯಾಗಿದೆ. ಪೇಟಿಎಂ, ಯುಪಿಐ, ಭೀಮ್, ಮತ್ತು ಇತರ ಮೊಬೈಲ್‌ ವ್ಯಾಲೆಟ್‌ಗಳಿಂದ ನಡೆಯುತ್ತಿರುವ ವಹಿವಾಟಿನ ಪ್ರಮಾಣ ಏರುಗತಿಯಲ್ಲಿದೆ ಎಂದು ಸಂಸತ್ತಿನ ಹಣಕಾಸು ಸ್ಥಾಯೀ ಸಮಿತಿ ವರದಿ ತಿಳಿಸಿದೆ.

ನೀಲೇಕಣಿ ಹೇಳಿಕೆ ಬೆಂಬಲಿಸಿದ ಸರ್ಕಾರ!!

ದೇಶದಲ್ಲಿ ತೆರಿಗೆಯೇತರ ಕಂದಾಯ ಆನ್‌ಲೈನ್ ವ್ಯವಸ್ಥೆಯಲ್ಲಿ 2016ರ ನವೆಂಬರ್‌ ನಂತರ ಡಿಜಿಟಲ್‌ ವಹಿವಾಟು ಶೇ 221ರಷ್ಟು ಹೆಚ್ಚಾಗಿದೆ ಮತ್ತು ಆಧಾರ್ ಆಧರಿತ ಹಣ ವರ್ಗಾವಣೆಯಿಂದ ಸರಕಾರದ ಬೊಕ್ಕಸಕ್ಕೆ ವಾರ್ಷಿಕ 900 ಕೋಟಿ ಡಾಲರ್‌ ಉಳಿತಾಯವಾಗಿದೆ ಎಂಬ ಆಧಾರ್ ರೂವಾರಿ ನಂದನ್ ನೀಲೇಕಣಿ ಅವರ ಹೇಳಿಕೆಯನ್ನು ಸರ್ಕಾರ ಬೆಂಬಲಿಸಿದೆ.!!

ಜಿಎಸ್‌ಟಿ ಆನ್‌ಲೈನ್‌ ವಿವರ!!

ಭಾರತದಲ್ಲಿ ಜಾರಿಗೆ ಬಂದ ನೂತನ ಸರಕು ಮತ್ತು ಸೇವಾ ತೆರಿಗೆ ವ್ಯವಸ್ಥೆಯಲ್ಲಿ ನೋಂದಾಯಿತ 72 ಲಕ್ಷ ಘಟಕಗಳ ಆನ್‌ಲೈನ್‌ ವಿವರ ಸಲ್ಲಿಕೆ ಶೇ 100ರಷ್ಟು ಪ್ರಗತಿ ದಾಖಲಿಸಿದೆ. ಕಳೆದೆರಡು ವರ್ಷಕ್ಕೆ ಹೋಲಿಸಿದೆರೆ ಆದಾಯ ತೆರಿಗೆಗೆ ಇ-ಫೈಲಿಂಗ್ ಸಲ್ಲಿಕೆ ಪ್ರಮಾಣ ಕೂಡ ಶೇ 23ರಷ್ಟು ವೃದ್ಧಿಸಿದೆ ಎಂದು ವರದಿಗಳಲ್ಲಿ ಹೇಳಲಾಗಿದೆ.!!

ಭೀಮ್ ವಹಿವಾಟಿಗೆ ತಬ್ಬಿಬ್ಬು!!

ಡಿಜಿಟಲ್ ಪಾವತಿಗಾಗಿ ಸರ್ಕಾರವೇ ರೂಪಿಸಿದ್ದ ಭೀಮ್-ಯುಪಿಐ ವಹಿವಾಟಿನ ಪ್ರಮಾಣದಲ್ಲಿಯೂ ಭಾರಿ ಹೆಚ್ಚಳವಾಗಿದೆ. 2017ರ ಅಕ್ಟೋಬರ್‌ ಅಂತ್ಯಕ್ಕೆ ಭೀಮ್‌-ಯುಪಿಐ ವಹಿವಾಟು 7,057 ಕೋಟಿ ರೂ.ಗಳಿಗೇರಿದೆ ಎಂದು ಅಂಕಿ ಅಂಶಗಳಿಂದ ಸ್ಪಷ್ಟಪಡಿಸಿವೆ.! ಇದೀಗ ಪ್ರತಿ ತಿಂಗಳ ಸರಾಸರಿ ಡಿಜಿಟಲ್‌ ವಹಿವಾಟಿನ ಪ್ರಮಾಣ 136-138 ಕೋಟಿಗೆ ತಲುಪಿರುವುದು ಭಾರತೀಯ ಹಣಕಾಸು ವ್ಯವಸ್ಥೆಯಲ್ಲಿ ಹೊಸ ವಹಿವಾಟಿನ ಪದ್ಧತಿ ಭದ್ರವಾಗಿ ನೆಲೆಗೊಂಡಿದೆ.!!