'ಕೀ ಲಾಗರ್' ಕಂಪ್ಯೂಟರ್ ವೈರಸ್ ಬಗ್ಗೆ ನೀವು ತಿಳಿಯಲೇಬೇಕು!! ಏಕೆ?

ಏನಿದು ಕೀ ಲಾಗರ್?

ಅಪರಿಚಿತ ತಾಣಗಳಿಂದ, ಕೆಲವು ಅಟ್ಯಾಚ್​ವೆುಂಟ್ ತೆರೆಯುವುದರಿಂದ ಕಂಪ್ಯೂಟರ್ ಒಳನುಸುಳುವ ಒಂದು ವೈರಸ್ ಈ ಕೀ ಲಾಗರ್. ಕಂಪ್ಯೂಟರ್ ಬಳಕೆದಾರರು ಟೈಪ್ ಮಾಡಿದ್ದನ್ನೆಲ್ಲ ಒಂದೆಡೆ ಉಳಿಸಿಟ್ಟುಕೊಂಡು ಅದರಲ್ಲಿರನ ಖಾಸಗಿ ಮಾಹಿತಿಯನ್ನು (ಉದಾ: ಬ್ಯಾಂಕ್ ಖಾತೆ ವಿವರ) ಪಡೆದು ಕುತಂತ್ರಾಂಶ ಅಭಿವೃದ್ದಿಮಾಡಿದವರಿಗೆ ಕಳುಹಿಸುವುದು ಇದರ ಕಾರ್ಯವಿಧಾನ.!!

ಹೆಸರಿನಲ್ಲಿಯೇ ಇದೆ!!

ಈ ವೈರಸ್ ಯಾವ ಕಂಪ್ಯೂಟರ್ ಅಥವಾ ಸ್ಮಾರ್ಟ್​ಫೋನ್ ಸೇರಿರುತ್ತದೆಯೋ ಅಲ್ಲಿ ಟೈಪಿಸಲಾದ ಪ್ರತಿ ಅಕ್ಷರವನ್ನೂ ಈ ಕುತಂತ್ರಾಂಶ ದಾಖಲಿಸಿಕೊಳ್ಳುತ್ತದೆ. ಹೀಗೆ ಪ್ರತಿಬಾರಿ ಕೀಲಿ (ಕೀ) ಒತ್ತಿದ್ದನ್ನೂ ದಾಖಲಿಸಿಕೊಳ್ಳುವುದರಿಂದಲೇ (ಲಾಗ್ = ದಾಖಲಿಸು) ಇದಕ್ಕೆ ಕೀ ಲಾಗರ್ ಎಂದು ಹೆಸರು.!!

ಈ ಕುತಂತ್ರಾಂಶ ಭಯಾನಕ

ಖಾಸಗಿ ಮಾಹಿತಿಯನ್ನು ಕಂಪ್ಯೂಟರ್ ಮತ್ತು ಸ್ಮಾರ್ಟ್‌ಫೊನ್ ಬಳಕೆದಾರರ ಅರಿವಿಗೆ ಬಾರದಂತೆ ಕದ್ದು, ಸಂಗ್ರಹಿಸಿದ ಮಾಹಿತಿಯನ್ನೆಲ್ಲ ತನ್ನ ಸೃಷ್ಟಿಕರ್ತನಿಗೆ ಗೌಪ್ಯವಾಗಿಯೇ ಕಳುಹಿಸಿಬಿಡುತ್ತದೆ ಈ ಕೀ ಲಾಗರ್ ಕುತಂತ್ರಾಂಶ.!!

ಆಂಟಿವೈರಸ್ ಅನಿವಾರ್ಯ!!

ನಿಮ್ಮ ಕಂಪ್ಯೂಟರ್‌ನಲ್ಲಿ ಇಂತದೊಂದು ವೈರಸ್ ಇದೇ ಎನ್ನುವ ಮೊದಲೇ ಕೀ ಲಾಗರ್ ತನ್ನ ಕೆಲಸವನ್ನು ಮುಗಿಸಿಬಿಡುತ್ತದೆ. ಹಾಗಾಗಿ, ಇದರಿಂದ ಪಾರಾಗಲೂ ಆಂಟಿವೈರಸ್ ತಂತ್ರಾಂಶಗಳ ಮೊರೆಹೋಗುವುದು ಅನಿವಾರ್ಯ.!!