India

ಕರ್ನಾಟಕದಲ್ಲಿ ಇ-ಆಡಳಿತ: ಲಭ್ಯವಾಗುವ ಸೇವೆಗಳು!

|

ಒಂದು ಸಮಯದಲ್ಲಿ ಸರ್ಕಾರದ ಯಾವುದೇ ಪ್ರಯೋಜನಗಳನ್ನ ಪಡೆದುಕೊಳ್ಳಬೆಕಾದರೂ ಸರ್ಕಾರಿ ಕಚೇರಿಗಳ ಮುಂದೆ ಕ್ಯೂ ನಿಲ್ಲಬೇಕಾಗಿತ್ತು. ಕೆಲಸ ಕಾರ್ಯ ಮುಗಿಯುವ ತನಕ ದಿನನಿತ್ಯ ಅಲೆದಾಡಬೇಕಾದ ಪರಿಸ್ಥಿತಿ ಇತ್ತು. ಆದರೆ ಇದನ್ನು ತಪ್ಪಿಸಿ ನಾಗರಿಕರಿಗೆ ಸುಲಭವಾಗಿ ಸರ್ಕಾರಿ ಪ್ರಯೋಜನಗಳು ಲಭ್ಯವಾಗುವಂತೆ ಮಾಡಲು ತಂದ ಸುದಾರಣೆಯೆ ಇ-ಆಡಳಿತದ ಕಲ್ಪನೆ. ಇ-ಆಡಳಿತ ವಿಭಾಗವು ಸಿಬ್ಬಂದಿ ಮತ್ತು ಆಡಳಿತ ಸುಧಾರಣಾ ಇಲಾಖೆಯ ಭಾಗವಾಗಿದ್ದು 2003 ರಲ್ಲಿ ರಚನೆ ಮಾಡಲಾಗಿದೆ.

ಸರ್ಕಾರಿ

ಹೌದು, ನಾಗರಿಕರು ಸರ್ಕಾರಿ ಇಲಾಖೆಗಳಿಗೆ ಅಲೆಯುವುದನ್ನು ತಪ್ಪಿಸಲು ಮತ್ತು ತ್ವರಿತವಾಗಿ ಕೆಲಸ ಕಾರ್ಯ ನಿರ್ವಹಿಸಲು ಇ-ಆಡಳಿತವನ್ನು ಪರಿಚಯಿಸಲಾಗಿದೆ. ಸರ್ಕಾರದ ಪ್ರಕ್ರಿಯೆಗಳಲ್ಲಿ ಮಾಹಿತಿ ತಂತ್ರಜ್ಞಾನವನ್ನು ಅಳವಡಿಸುವ ಮೂಲಕ ಆಡಳಿತದಲ್ಲಿ ಪಾರದರ್ಶಕತೆ ಮತ್ತು ದಕ್ಷತೆಯನ್ನು ಹೆಚ್ಚಿಸುವುದು ಇದರ ಉದ್ಧೇಶವಾಗಿರುತ್ತದೆ. ಇನ್ನುಳಿದಂತೆ ಕರ್ನಾಟಕದಲ್ಲಿ ಇ-ಆಡಳಿತದಿಂದಾಗಿ ಆಗಿರುವ ಉಪಯೋಗಗಳೇನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಆಡಳಿತ

ಇನ್ನು ಜಗತ್ತಿನ ಎಲ್ಲೆಡೆ ಲಭ್ಯವಿರುವ ಇ-ಆಡಳಿತದ ವಿಷಯಗಳನ್ನು ಅಭ್ಯಾಸ ಮಾಡಿ ಈ ಮಾದರಿಯ ಆಡಳಿತವನ್ನು ನಮ್ಮಲ್ಲಿಯೂ ಪರಿಚಯಿಸಲಾಗಿದೆ. ಈ ಇ-ಆಡಳಿತದಲ್ಲಿ ದತ್ತಾಂಶ ಸಂಗ್ರಹಣೆ , ಭದ್ರತೆ , ಪಾವತಿ, ಸ್ಥಳೀಯ ಭಾಷಾ ಅಳವಡಿಕೆ (ಕನ್ನಡ ಭಾಷೆ), ಆನ್ ಲೈನ್ ಸಂಗ್ರಹಣೆ, ಭೌಗೋಳಿಕ ಮಾಹಿತಿ ಸೇವೆ ಇತ್ಯಾದಿಗಳು ಸೇರಿದಂತೆ ಮಾನದಂಡಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಇದಲ್ಲದೆ ವಿವಿಧ ಇಲಾಖೆಗಳಲ್ಲಿ ಇ-ಆಡಳಿತ ಚಟುವಟಿಕೆಗಳ ಅಭಿವೃದ್ಧಿಯನ್ನು ಅನುವು ಮಾಡಿಕೊಡಲಾಗಿದೆ.

ಮೊಬೈಲ್ ಆಡಳಿತ

ಮೊಬೈಲ್ ಆಡಳಿತ

ಇನ್ನು ಇ-ಆಡಳಿತದ ಪ್ರಮುಖ ಉದ್ದೇಶಗಳಲ್ಲಿ ಈ ಯೋಜನೆಯ ಉದ್ಧೇಶ ಯಾವುದೇ ಸಮಯದಲ್ಲಿ ಯಾವುದೇ ಸ್ಥಳದಲ್ಲಿ ನಾಗರಿಕರಿಗೆ ಸರ್ಕಾರದ ಅಗತ್ಯ ಸೇವೆಗಳನ್ನು ದೊರಿಕಿಸಿಕೊಡುವುದಕ್ಕೆ ಅವಕಾಶ ಕಲ್ಪಿಸಲಿದೆ. ಈ ಸೇವೆಯಲ್ಲಿ 3,000 ಕ್ಕೂ ಹೆಚ್ಚಿನ ಸೇವೆಗಳು ಲಭ್ಯವಿದೆ.

ಬೆಂಗಳೂರು-ಒನ್

ಬೆಂಗಳೂರು-ಒನ್

ಬೆಂಗಳೂರಿನ ನಾಗರಿಕರಿಗೆ ವಿವಿಧ ಸೇವೆಗಳನ್ನು ಒಂದೇ ಸೂರಿನಡಿ ನೀಡಬೇಕೆಂಬ ಉದ್ಧೇಶದಿಂದ ಈ ಯೋಜನೆಯನ್ನು 2005 ರಲ್ಲಿ ಪ್ರಾರಂಭಿಸಲಾಗಿದೆ. ವಿದ್ಯುತ್‌ ಬಿಲ್‌, ವಾಟರ್‌ ಬಿಲ್‌ ಸೇರಿದಂತೆ ವಿವಿದ ಬಿಲ್ಲುಗಳ ಪಾವತಿ, ಮಹಾನಗರ ಪಾಲಿಕೆಗಳ ತೆರಿಗೆ ಪಾವತಿ, ಇದಲ್ಲದೆ ಇತರೆ ಅಗತ್ಯ ಸೇವೆಗಳನ್ನು ಈ ಯೋಜನೆಯಲ್ಲಿ ಪಡೆದುಕೊಳ್ಳಬಹುದಾಗಿದೆ.

ಕರ್ನಾಟಕ-ಒನ್

ಕರ್ನಾಟಕ-ಒನ್

ರಾಜ್ಯದ ಜನತೆಗೆ ಬೆಂಗಳೂರು-ಒನ್ ಕೇಂದ್ರಗಳ ಮಾದರಿಯಲ್ಲಿಯೇ ಕರ್ನಾಟಕ-ಒನ್ ಕೇಂದ್ರಗಳನ್ನು ರಾಜ್ಯ ಸರ್ಕಾರ ರಾಜ್ಯದ 9 ಮಹಾನಗರಗಳಲ್ಲಿ ಪರಿಚಯಿಸಿದೆ. ಈ ಸೇವೆಯ ಮೂಲಕ ಆಯಾ ಜಿಲ್ಲೆಗಳ ಮಾಹಿತಿ, ಆಯಾ ಜಿಲ್ಲೆಳಲ್ಲಿ ಲಭ್ಯವಾಗುವ ಸೇವೆಗಳನ್ನ ಈ ಸೇವೆ ಒದಗಿಸಿದೆ. ಈ ಸೇವೆಯನ್ನು ಮಹಾನಗರಗಳಾದ ಹುಬ್ಬಳ್ಳಿ-ಧಾರವಾಡ, ಶಿವಮೊಗ್ಗ, ಬೆಳಗಾಂ, ಬಳ್ಳಾರಿ, ಮೈಸೂರು, ಮಂಗಳೂರು, ದಾವಣಗೆರೆ, ಗುಲ್ಬರ್ಗಾ ಮತ್ತು ತುಮಕೂರು ನಗರಗಳಲ್ಲಿ ಪರಿಚಯಿಸಲಾಗಿದೆ.

ಕರ್ನಾಟಕ ರೆಸಿಡೆಂಟ್ ಡೆಟಾ ಹಬ್ (KRDH)

ಕರ್ನಾಟಕ ರೆಸಿಡೆಂಟ್ ಡೆಟಾ ಹಬ್ (KRDH)

ಕರ್ನಾಟಕ ರೆಸಿಡೆಂಟ್ ಡೆಟಾ ಹಬ್ (KRDH) ಸೇವೆಯು ಸರ್ಕಾರದ ಸೇವೆಗಳನ್ನು ಪಡೆಯುತ್ತಿರುವ ರಾಜ್ಯದ ಪ್ರತಿಯೊಬ್ಬ ನಾಗರೀಕನ ಮಾಹಿತಿಯನ್ನು ಒಳಗೊಂಡ ಸೇವೆಯಾಗಿದೆ. ಇ-ಆಡಳಿತದಲ್ಲಿ ಇದು ಪ್ರಮುಖ ಸೇವೆಯಾಇದ್ದು, ಇದರಲ್ಲಿ ರಾಜ್ಯದ ಪ್ರತಿಯೊಬ್ಬ ಪಲಾನುಭವಿಯ ವಿವರಗಳನ್ನು ಪಡೆದುಕೊಳ್ಳಬಹುದಾಗಿದೆ. ಇಲಾಖೆಗಳ ಡೆಟಾ ಬೇಸ್ ನಲ್ಲಿ ಫಲಾನುಭವಿಗಳನ್ನು ಅವರ ಯುಐಡಿ ಸಂಖ್ಯೆಯೊಡನೆ ಕೆ.ಆರ್.ಡಿ.ಹೆಚ್ ನ ಡೆಟಾಬೇಸ್ ನಲ್ಲಿ ಸಂಗ್ರಹಿಸಲಾಗಿರುತ್ತೆ.

ಕರ್ನಾಟಕ ರಾಜ್ಯ ವಿಸ್ತೃತ ಜಾಲ ಯೋಜನೆ (ಕೆಸ್ವಾನ್) (KSWAN)

ಕರ್ನಾಟಕ ರಾಜ್ಯ ವಿಸ್ತೃತ ಜಾಲ ಯೋಜನೆ (ಕೆಸ್ವಾನ್) (KSWAN)

ಈ ಸೇವೆಯು ಸೇವೆಗಳನ್ನು ಪಡೆಯಲು ಅನುಕೂಲವಾಗಿವಂತೆ ಒಂದು ನಿಖರವಾದ ವ್ಯವಸ್ಥೆಯನ್ನು ಕಲ್ಪಿಸಿದೆ. ಇದು ರಾಜ್ಯ, ಜಿಲ್ಲಾ ಮತ್ತು ತಾಲ್ಲೂಕುಮಟ್ಟದ 3 ಹಂತದಲ್ಲಿ ಜೋಡಣೆಯಾಗಿದೆ. ಇದರ ಪ್ರಮುಖ ಉದ್ಧೇಶ "ದತ್ತಾಂಶ" "ಧ್ವನಿ" ಮತ್ತು "ದೃಷ್ಯ" ಸೇವೆಗಳಿಗೆ ಆಧಾರ ಸ್ತಂಭವಾಗಿರುವುದಾಗಿದೆ.

ಇ ಜಿಲ್ಲೆ

ಇ ಜಿಲ್ಲೆ

ಈ ಯೋಜನೆಯು ರಾಷ್ಟ್ರೀಯ ಇ-ಆಡಳಿತ ಯೋಜನೆಯಡಿ ಮಿಷನ್ ಮೋಡ್ ಪ್ಲ್ಯಾನ್‌ನ ಅಂಗವಾಗಿದೆ. ಇದು ಕೇಂದ್ರ ಸರ್ಕಾರದ ಮಾಹಿತಿ ತಂತ್ರಜ್ಞಾನ ಇಲಾಖೆಯು ಇದರ ಸಮನ್ವಯ ಇಲಾಖೆಯಾಗಿದ್ದು, ರಾಜ್ಯ ಸರ್ಕಾರ ಅಥವಾ ಅದರಿಂದ ನಾಮನಿರ್ದೇಶಿತವಾದ ಸಂಸ್ಥೆಗಳು ಈ ಯೋಜನೆಯನ್ನು ಅನುಷ್ಠಾನಗೊಳಿಸಬಹುದಾಗಿದೆ.

ಸಾಮಾನ್ಯ ಸೇವಾ ಕೇಂದ್ರಗಳು

ಸಾಮಾನ್ಯ ಸೇವಾ ಕೇಂದ್ರಗಳು

ಈ ಸೇವೆಯು ಉತ್ತಮ ಗುಣಮಟ್ಟದ ಮತ್ತು ದುಬಾರಿಯಲ್ಲದ ಇ-ಆಡಳಿತ ವ್ಯಾಪ್ತಿಯನ್ನು ಹೊಂದಿವೆ. ಈ ಸಾಮಾನ್ಯ ಸೇವಾ ಕೇಂದ್ರಗಳು ಹೆಚ್ಚಿನ ಸಂಖ್ಯೆಯಲ್ಲಿ ಗ್ರಾಮೀಣ ಮಟ್ಟದಲ್ಲಿವೆ. ಗ್ರಾಮೀಣ ಮಟ್ಟದಲ್ಲಿ ವೆಬ್ ಆಧಾರಿತ ಇ-ಆಡಳಿತ ಸೇವೆಗಳನ್ನು ನೀಡಲಿವೆ.

Most Read Articles
Best Mobiles in India

English summary
better governance and has been at the forefront of implementation of electronic-Governance initiatives in the country.to know more visit to kannada.gizbot.com

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X