ಸಿನಿಮಾ ವೀಕ್ಷಿಸಲು, ರೈಲ್ವೆ ಟಿಕೆಟ್ ಬುಕ್ ಮಾಡಲು ಬಡ್ಡಿ ಇಲ್ಲದೆ ಸಾಲ ನೀಡುವ 'ಆಪ್' ಇದು!!

ಹಣದ ಚಿಂತೆ ಬಿಟ್ಟು ಸಿನಿಮಾ ನೋಡಿ!

ಭಾರತದಲ್ಲಿ ಸಿನಿಮಾ ಕ್ರೇಜ್​ ತುಸು ಹೆಚ್ಚು ಎನ್ನಬಹುದು. ಹಣ ಇರುವಾಗ ಒಂದೊಳ್ಳೆ ಸಿನಿಮಾ ಇರುವುದಿಲ್ಲ, ಒಂದೊಳ್ಳೆ ಸಿನಿಮಾ ಇದ್ದಾಗ ಹಣ ಇರುವುದಿಲ್ಲ ಎಂಬ ಪರಿಸ್ಥಿತಿಯನ್ನು ನಿವಾರಿಸಲು ಈ ಆಪ್ ಸಹಾಯ ಮಾಡಲಿದೆ. ಈ ಮೊದಲು ಸಿನಿಮಾಗೆ ಮಾತ್ರ ಸೀಮಿತವಾಗಿದ್ದ ಆಪ್ ಈಗ ರೈಲ್ವೆ ಮತ್ತು ಇತರೆ ಸೇವೆಗಳಿಗೂ ಹಣ ನೀಡುತ್ತಿದೆ.

ಹೆಚ್ಚುವರಿ ಶುಲ್ಕ ಇಲ್ಲ!

ಈ ಆಪ್​ನಲ್ಲಿ ನೀವು ಖಾತೆಯನ್ನು ರಿಜಿಸ್ಟರ್ ಮಾಡಿಕೊಳ್ಳುವ ಮೂಲಕ ಸಿನಿಮಾ ವೀಕ್ಷಿಸಬಹುದು. ಚಿತ್ರದ ಟಿಕೆಟ್​ನ ಹಣವನ್ನು ಕೆಲ ದಿನಗಳ ಬಳಿಕ ಪಾವತಿಸಬೇಕಾಗುತ್ತದೆ. 14 ದಿನಗಳ ಒಳಗೆ ಈ ಮೊತ್ತವನ್ನು ಮರು ಪಾವತಿಸಿದರೆ ಸಾಕು. ಇದಕ್ಕೆ ಯಾವುದೇ ಹೆಚ್ಚುವರಿ ಶುಲ್ಕ ನೀಡಬೇಕಿಲ್ಲ.

14 ದಿನಗಳ ನಂತರ ಬಡ್ಡಿ!

14 ದಿನಗಳ ಒಳಗೆ ಈ ಮೊತ್ತವನ್ನು ಮರು ಪಾವತಿಸಿದರೆ ಯಾವುದೇ ಶುಲ್ಕವನ್ನು ಈ ಆಪ್ ಕೇಳುವುದಿಲ್ಲ. ಆದರೆ, 14 ದಿನಗಳ ನಂತರ ಹಣ ಪಾವತಿಸಿದರೆ ಹೆಚ್ಚುವರಿ ಶುಲ್ಕ ವಿಧಿಸಲಾಗುತ್ತದೆ. ಈ ದರವು 3% ಆಗಿದ್ದು, ತಿಂಗಳ ಲೆಕ್ಕದಲ್ಲಿ ಹೆಚ್ಚುವರಿ ಶುಲ್ಕವನ್ನು ನೀಡಬೇಕಾಗುತ್ತದೆ.

ಆಪ್‌ಗೆ ರಿಜಿಸ್ಟರ್ ಆಗುವುದು ಹೇಗೆ?

ಇಪೇ ಲೇಟರ್ ಆಪ್‌ನಲ್ಲಿ ಖಾತೆ ರಚಿಸಲು ಪಾನ್ ಕಾರ್ಡ್​ ಮತ್ತು ಆಧಾರ್ ಸಂಖ್ಯೆಯನ್ನು ನೀಡಬೇಕಾಗುತ್ತದೆ. ಈ ದಾಖಲೆಗಳು ನಿಮ್ಮಲ್ಲಿದ್ದರೆ ಕೇವಲ 4 ನಿಮಿಷಗಳಲ್ಲಿ ಖಾತೆ ತೆರೆಯಬಹುದು. ಹಾಗೆಯೇ, ಕಂಪನಿ ಕೂಡ ನಿರ್ದೀಷ್ಟ ಮೊತ್ತದ ಸಾಲವನ್ನು ನೀಡುತ್ತದೆ. ನಿಮ್ಮ ವಹಿವಾಟು ಉತ್ತಮವಾಗಿದ್ದರೆ ಈ ಮೊತ್ತದ ಮಿತಿಯನ್ನು ಹೆಚ್ಚಿಸಿಕೊಳ್ಳಬಹುದು.

ಹಣದ ವ್ಯವಹಾರ ಹೇಗಿದೆ?

ಬ್ಯಾಂಕು ಮತ್ತು ಮೊಬೈಲ್ ವಾಲೆಟ್​​ಗಳ ಮೂಲಕ ಇಪೇ ಲೇಟರ್ ಸಂಸ್ಥೆ ನೀಡಿದ ಹಣವನ್ನು ಹಿಂಪಡೆದುಕೊಳ್ಳುತ್ತದೆ. ಇದಲ್ಲದೆ NEFT ಸೇರಿದಂತೆ ಹಲವು ವಿಧಾನಗಳ ಮೂಲಕ ಕೂಡ ಹಣವನ್ನು ಮರುಪಾವತಿ ಮಾಡಬಹುದು. ಇದಕ್ಕೂ ಸಹ ಯಾವುದೇ ಹೆಚ್ಚುವರಿ ಶುಲ್ಕ ನೀಡಬೇಕಿಲ್ಲ.

ಉತ್ತಮ ವ್ಯವಹಾರಕ್ಕೆ ಬೆಲೆ ಹೆಚ್ಚು!

ಈ ಆಪ್​ ಬಳಸಿ ಸಾಲ ಪಡೆದು ಮರುಪಾವತಿ ಮಾಡುತ್ತಿದ್ದರೆ ಸಿಬಿಲ್ ಸ್ಕೋರ್ ನೀಡಲಾಗುತ್ತದೆ. ನಿಮ್ಮ ಪೇಮೆಂಟ್​ ಹಿಸ್ಟರಿಗೆ ಅನುಗುಣವಾಗಿ ದೊಡ್ಡ ಮೊತ್ತದ ಸಾಲವನ್ನು ಕೂಡ ಇಪೇ ಲೇಟರ್ ಆಪ್‌ನೀಡುತ್ತದೆ. ನಿರಂತರ ಈ ಆಪ್​ ಬಳಸಿ ಸಾಲ ಪಡೆದು ಮರುಪಾವತಿ ಮಾಡುತ್ತಿದ್ದರೆ ನಿಮ್ಮ ಸಿಬಿಲ್ ಸ್ಕೋರ್ ಹೆಚ್ಚುತ್ತದೆ.