ಜಿಯೋ ಅಧಿಕೃತ ಹೆಸರಲ್ಲಿ ಮೋಸ ಮಾಡಲು ಶುರು ಮಾಡಿದ್ದಾರೆ...! ಎಚ್ಚರ

ಫೇಸ್‌ಬುಕ್‌ ಮತ್ತು ವಾಟ್ಸ್‌ಆಪ್ ನಲ್ಲಿ:

ಜಿಯೋ DTH ಸೇವೆಯನ್ನು ಆರಂಭಿಸಲಿದೆ ಮತ್ತು ಅದರ ಸೆಟಪ್ ಬ್ಯಾಕ್ಸ್ ಹೀಗೆ ಎನ್ನವ ಸುದ್ದಿಯನ್ನು ಬಂಡವಾಳ ಮಾಡಿಕೊಂಡಿರುವ ಹಲವು ವಂಚಕರು ಸಾಮಾಜಿಕ ಜಾಲತಾಣದಲ್ಲಿ ಜಿಯೋ DHT ಗಾಗಿ ಲಾಗ್ ಇನ್ ಆಗಿ, ಆರು ತಿಂಗಳು ಉಚಿತ ಸೇವೆಯನ್ನು ಪಡೆಯಿರಿ ಎನ್ನುವ ಜಾಹೀರಾತನ್ನು ನೀಡುತ್ತಿದ್ದಾರೆ.

ಅಧಿಕೃತವಾಗಿಯೇ ಕಾಣಲಿದೆ:

ಈ ಮೋಸಗಾರರು ಜಿಯೊ ಅಧಿಕೃತವಾಗಿಯೇ ಈ ಸೇವೆಯನ್ನು ನೀಡುತ್ತಿದೆಯೇ ಎಂಬಂತೇ ಭಾಸವಾಗುವಂತೆ ಮೋಸದ ಜಾಲವನ್ನು ಬಿಸುತ್ತಿದ್ದಾರೆ. http://www.jiodthonline.com/ ಎಂಬ ತಾಣದ ಮೂಲಕ ಜನರನ್ನು ವಂಚಿಸುತ್ತಿದ್ದಾರೆ. ಈ ಬಗ್ಗೆ ಯಾವುದಾರು ಅಪ್‌ಡೇಟ್ ಬಂದರೆ ನಿರ್ಲಕ್ಷಿಸುವುದು ಉತ್ತಮ.

ಜಿಯೋ DTH ಅಧಿಕೃತವಾಗಿ ಲಾಂಚ್ ಆಗಿಲ್ಲ:

ರಿಲಯನ್ಸ್ ಮಾಲಿಕತ್ವದ ಜಿಯೋ ಇದುವರೆಗೂ ಜಿಯೋ DTH ಬಗ್ಗೆ ಎಲ್ಲಿಯೂ ಮಾಹಿತಿಯನ್ನು ಬಿಟ್ಟುಕೊಟ್ಟಿಲ್ಲ ಮತ್ತು ಜಿಯೋ DTH ಲಾಂಚ್ ಬಗ್ಗೆಯೂ ಅಧಿಕೃತ ಮಾಹಿತಿಯನ್ನು ನೀಡಿಲ್ಲ. ಈ ಹಿನ್ನಲೆಯಲ್ಲಿ ಜಿಯೋ ತನ್ನ ಸೇವೆಯನ್ನು ಅಧಿಕೃತವಾಗಿ ಘೋಷಣೆ ಮಾಡಿದ ಸಂದರ್ಭದಲ್ಲಿ ನಾವೇ ಆ ಕುರಿತು ಮಾಹಿತಿಯನ್ನು ನೀಡುತ್ತೇವೆ.

ಎಚ್ಚರವಹಿಸಿ...!:

ಉಚಿತ ಸೇವೆ ಮತ್ತು ಕಡಿಮೆ ದರ ಎಂಬ ಕಾರಣಕ್ಕೆ ಮೊಸದ ಜಾಲಕ್ಕೆ ಸಿಲುಕದಿರಿ. ಎಚ್ಚರಿಕೆಯಿಂದ ಪರೀಕ್ಷಿಸಿ. ಜಿಯೋ ಎಂದಿಗೂ ತನ್ನ ಗ್ರಾಹಕರಿಗೆ ರಿಜಿಸ್ಟರ್ ಆಗುವಂತೆ ಮನವಿಯನ್ನು ಮಾಡುವುದಿಲ್ಲ ಎಂಬುದು ತಿಳಿದಿರಲಿ.