ಫ್ಲಿಪ್‌ಕಾರ್ಟ್ ಬಿಗ್ ಬಿಲಿಯನ್ ಡೇಸ್: ನಥಿಂಗ್, ಫೈರ್-ಬೋಲ್ಟ್ ಆಫರ್ ಬೆಲೆ ನಾಳೆ ರಿವೀಲ್; ಇಂದೇ ವಿಶ್‌ಲಿಸ್ಟ್ ರೆಡಿ ಮಾಡಿ!

ಫ್ಲಿಪ್‌ಕಾರ್ಟ್‌ ಬಿಗ್ ಬಿಲಿಯನ್ ಡೇಸ್ (Big Billion Days) ಸೇಲ್‌ನ ನಥಿಂಗ್ (Nothing) ಮತ್ತು ಫೈರ್-ಬೋಲ್ಟ್ (Fire-Boltt) ಪ್ರಾಡಕ್ಟ್‌ಗಳ ಆಫರ್ ಬೆಲೆ ನಾಳೆ, ಅಂದರೆ ಅಕ್ಟೋಬರ್ 2 ರಂದು ರಿವೀಲ್ ಆಗಲಿದೆ. ಅತ್ಯಂತ ಕಡಿಮೆ ಬೆಲೆಗೆ ಪ್ರಾಡಕ್ಟ್ ಸ್ವಂತ ಮಾಡಿಕೊಳ್ಳಲು ಇಂದೇ ನಿಮ್ಮ 'ವಿಶ್‌ಲಿಸ್ಟ್' ರೆಡಿ ಮಾಡಿ, ಆಕ್ಸಿಸ್ (Axis) ಅಥವಾ ಐಸಿಐಸಿಐ (ICICI) ಬ್ಯಾಂಕ್ ಆಫರ್‌ಗಳನ್ನು ಚೆಕ್ ಮಾಡಿ ಇಟ್ಟುಕೊಳ್ಳಿ. ಪ್ಲಸ್ ಸದಸ್ಯರಿಗೆ ಅಕ್ಟೋಬರ್ 8 ರಿಂದಲೇ 'ಅರ್ಲಿ ಆಕ್ಸೆಸ್' ಸಿಕ್ಕರೆ, ಮಿಕ್ಕವರಿಗೆ ಅಕ್ಟೋಬರ್ 9 ರಿಂದ ಮೇನ್ ಸೇಲ್ ಶುರುವಾಗಲಿದೆ. ನಥಿಂಗ್ ಫೋನ್‌ಗಳು, ಆಕ್ಸೆಸರೀಸ್‌ ಹಾಗೂ ಫೈರ್-ಬೋಲ್ಟ್ ವೇರಬಲ್‌ಗಳ ಬ್ರ್ಯಾಂಡ್ ಟೈಲ್‌ಗಳು ಅಕ್ಟೋಬರ್ 2 ರಂದೇ ಲೈವ್ ಬರಲಿವೆ.

ಕೊನೆಗಳಿಗೆಯಲ್ಲಿ 'ಔಟ್ ಆಫ್ ಸ್ಟಾಕ್' ಆಗುವುದು ಅಥವಾ ಡೆಲಿವರಿ ವಿಳಂಬವಾಗುವುದನ್ನು ತಪ್ಪಿಸಲು, ನಿಮಗೆ ಬೇಕಾದ ಮಾಡೆಲ್ ಹಾಗೂ ಬಣ್ಣವನ್ನು ಈಗಲೇ ಶಾರ್ಟ್‌ಲಿಸ್ಟ್ ಮಾಡಿ ಇಟ್ಟುಕೊಳ್ಳಿ. ಫ್ಲಿಪ್‌ಕಾರ್ಟ್‌ ಬಿಬಿಡಿ ಸೇಲ್‌ನಲ್ಲಿ ಆಕ್ಸಿಸ್ ಬ್ಯಾಂಕ್ ಮತ್ತು ಐಸಿಐಸಿಐ ಬ್ಯಾಂಕ್ ಕಾರ್ಡ್‌ಗಳ ಮೇಲೆ ಶೇಕಡಾ 10 ರಷ್ಟು ಇನ್‌ಸ್ಟಂಟ್ ಡಿಸ್ಕೌಂಟ್ ಸಿಗಲಿದೆ. ಸಾಮಾನ್ಯವಾಗಿ ಸಂಜೆ 6 ರಿಂದ ರಾತ್ರಿ 10 ಗಂಟೆಯ ನಡುವೆ ಪ್ಲ್ಯಾಶ್ ಸೇಲ್‌ಗಳು ನಡೆಯುವುದರಿಂದ, ಈ ಸಮಯದಲ್ಲಿ ಬೆಲೆ ಮತ್ತಷ್ಟು ಕಡಿಮೆಯಾಗುವ ಸಾಧ್ಯತೆಯಿದೆ. ಹಾಗಾಗಿ ರಾತ್ರಿ 8 ಗಂಟೆಗೆ ಪೇಜ್ ರಿಫ್ರೆಶ್ ಮಾಡಿ, ನೋಟಿಫಿಕೇಶನ್ ಅಲರ್ಟ್‌ಗಳನ್ನು ಆನ್ ಇಟ್ಟುಕೊಳ್ಳುವುದು ಒಳ್ಳೆಯದು.

ಫ್ಲಿಪ್‌ಕಾರ್ಟ್‌ ಆಕ್ಸಿಸ್/ಐಸಿಐಸಿಐ ಬ್ಯಾಂಕ್ ಆಫರ್ ಲೆಕ್ಕಾಚಾರ ಹೀಗಿದೆ

ಈ ಬಾರಿಯ ಸೇಲ್‌ನಲ್ಲಿ ಆಕ್ಸಿಸ್ ಮತ್ತು ಐಸಿಐಸಿಐ ಬ್ಯಾಂಕ್ ಕಾರ್ಡ್‌ಗಳ ಮೇಲೆ 10% ಇನ್‌ಸ್ಟಂಟ್ ಡಿಸ್ಕೌಂಟ್ ಸಿಗುವುದನ್ನು ಫ್ಲಿಪ್‌ಕಾರ್ಟ್‌ ಖಚಿತಪಡಿಸಿದೆ. ಗರಿಷ್ಠ ರಿಯಾಯಿತಿ ಮೊತ್ತ ಮತ್ತು ಕ್ಯಾಟಗರಿವಾರು ಕೊಡುಗೆಗಳ ವಿವರಗಳು ಶೀಘ್ರದಲ್ಲೇ ಲಭ್ಯವಾಗಲಿವೆ. ಕಳೆದ ವರ್ಷ ಆಕ್ಸಿಸ್ ಕಾರ್ಡ್‌ಗೆ ಗರಿಷ್ಠ ₹1,750 ಹಾಗೂ ಐಸಿಐಸಿಐ ಕಾರ್ಡ್‌ಗೆ ₹4,500 ವರೆಗೆ ಡಿಸ್ಕೌಂಟ್ ನೀಡಲಾಗಿತ್ತು. ಇಎಂಐ (EMI) ಮತ್ತು ನಾನ್-ಇಎಂಐ ವಹಿವಾಟುಗಳಿಗೆ ರಿಯಾಯಿತಿ ದರಗಳು ಭಿನ್ನವಾಗಿರುತ್ತವೆ. ನೆನಪಿಡಿ, ಯುಪಿಐ (UPI) ಪಾವತಿಗಳಿಗೆ ಈ ಆಫರ್ ಸಿಗುವುದಿಲ್ಲ, ಮತ್ತು ಗಿಫ್ಟ್ ಕಾರ್ಡ್ ಬಳಸಿದರೆ ಕಾರ್ಡ್‌ನ ಅರ್ಹ ಮೊತ್ತ ಕಡಿಮೆಯಾಗುತ್ತದೆ.

ನಥಿಂಗ್ ಮತ್ತು ಫೈರ್-ಬೋಲ್ಟ್ ಬಿಬಿಡಿ ಆಫರ್‌: ಬಜೆಟ್‌ಗೆ ತಕ್ಕಂತೆ ಶಾರ್ಟ್‌ಲಿಸ್ಟ್ ಮಾಡಿ

ನಿಮ್ಮ ಬಜೆಟ್ ₹15,000 ಅಥವಾ ₹25,000 ಒಳಗಿದ್ದರೆ, ನಾಳೆ ಲೈವ್ ಆಗುವ ನಥಿಂಗ್ ಫೋನ್ ಹಾಗೂ ಆಕ್ಸೆಸರೀಸ್ ಟೈಲ್‌ಗಳನ್ನು ಗಮನಿಸಿ. ₹10,000 ಕ್ಕಿಂತ ಕಡಿಮೆ ಬೆಲೆಯ ಫೈರ್-ಬೋಲ್ಟ್ ಸ್ಮಾರ್ಟ್‌ವಾಚ್ ಅಥವಾ ವೇರಬಲ್‌ಗಳನ್ನು ಪ್ರತ್ಯೇಕ ಲಿಸ್ಟ್‌ಗೆ ಸೇರಿಸಿಟ್ಟುಕೊಳ್ಳಿ. ಪ್ರಾಡಕ್ಟ್ ಖರೀದಿಸುವ ಮುನ್ನ ಅದರ ಅಸಲಿ ಬೆಲೆ, ಬ್ಯಾಂಕ್ ಡಿಸ್ಕೌಂಟ್ ಹಾಗೂ ಎಕ್ಸ್‌ಚೇಂಜ್ ಬೋನಸ್ ಎಲ್ಲವನ್ನೂ ಒಮ್ಮೆ ಲೆಕ್ಕ ಹಾಕಿ. ಕೆಲವು ನಿರ್ದಿಷ್ಟ ಸಮಯದ ಆಫರ್‌ಗಳಿಗೆ ಪ್ರಾಡಕ್ಟ್ ಪೇಜ್‌ನಲ್ಲಿ ಎಕ್ಸ್‌ಚೇಂಜ್-ಎಕ್ಸ್ಟ್ರಾ ಅಥವಾ ಬ್ಯಾಂಕ್-ಎಕ್ಸ್ಟ್ರಾ ಬ್ಯಾಡ್ಜ್‌ಗಳು ಸಿಗಲಿದ್ದು, ಅವುಗಳ ಮೇಲೂ ಕಣ್ಣಿಡಿ.

ಫ್ಲಿಪ್‌ಕಾರ್ಟ್‌ ಎಕ್ಸ್‌ಚೇಂಜ್ ಆಫರ್ ಮತ್ತು ಅಂತಿಮ ಬೆಲೆಯ ಲೆಕ್ಕಾಚಾರ

ನಿಮ್ಮ ಹಳೆಯ ಫೋನ್ ಎಕ್ಸ್‌ಚೇಂಜ್ ಬೆಲೆಯನ್ನು ಕಾರ್ಟ್‌ನಲ್ಲಿ ಪರಿಶೀಲಿಸಬಹುದು, ಆದರೆ ಡೆಲಿವರಿ ನೀಡುವಾಗ ತಂತ್ರಜ್ಞರು ಫೋನ್ ಸ್ಥಿತಿಯನ್ನು ಖಚಿತಪಡಿಸಿಕೊಳ್ಳುತ್ತಾರೆ. ಒಟಿಪಿ (OTP) ಪರಿಶೀಲನೆ ಮೂಲಕ ಎಕ್ಸ್‌ಚೇಂಜ್ ಪ್ರಕ್ರಿಯೆ ಪೂರ್ಣಗೊಳ್ಳಲಿದ್ದು, ಕೆಲ ನಿರ್ದಿಷ್ಟ ಫೋನ್‌ಗಳಿಗೆ ಹಳೆಯ ಫೋನ್ ಅನ್ನು ಆಮೇಲೆ ಕೊಡುವ 'ಹ್ಯಾಂಡ್‌ಓವರ್-ಲೇಟರ್' ಸೌಲಭ್ಯವೂ ಇರುತ್ತದೆ. ಅಂತಿಮ ಬೆಲೆ ತಿಳಿಯಲು, ಮೊದಲು ಎಕ್ಸ್‌ಚೇಂಜ್ ಮೌಲ್ಯವನ್ನು ಕಳೆದು, ನಂತರ ಬ್ಯಾಂಕ್ ಆಫರ್ ಅನ್ವಯಿಸಿ. ಆದ್ದರಿಂದ ಇಂದೇ ನಿಮಗೆ ಬೇಕಾದ ಬಣ್ಣ ಹಾಗೂ ಆವೃತ್ತಿಯನ್ನು ಆಯ್ಕೆ ಮಾಡಿ ಇಟ್ಟುಕೊಳ್ಳಿ, ಮತ್ತು ನಾಳೆ ರಾತ್ರಿ 8 ಗಂಟೆಗೆ ಬೆಲೆಗಳು ರಿವೀಲ್ ಆದಾಗ ಮತ್ತೊಮ್ಮೆ ಚೆಕ್ ಮಾಡಿ.