'ಫ್ಲಿಪ್‌ಕಾರ್ಟ್' ಉದ್ಯೋಗಿಗಳಿಗೆ ಬಂಪರ್!..ಪ್ರತಿ ಷೇರಿಗೆ ನಿಗದಿಯಾದ ಬೆಲೆ ಎಷ್ಟು ಗೊತ್ತಾ?

ಏನಿದು ‘ಇಎಸ್‌ಒಪಿ’?

ಇಎಸ್‌ಒಪಿಯ ವಿಸ್ತೃತ ರೂಪ 'ಉದ್ಯೋಗಿಗಳ ಷೇರು ಮಾಲೀಕತ್ವ ಯೋಜನೆಯಾಗಿದೆ'. ಯಾವುದೇ ಸಂಸ್ಥೆಯೊಂದು ತನ್ನ ನೌಕರರ ಕಾರ್ಯದಕ್ಷತೆಗೆ ಪ್ರತಿಯಾಗಿ ಅವರಿಗೆ ಷೇರುಗಳ ರೂಪದಲ್ಲಿ ನೀಡುವ ಪ್ರತಿಫಲವಾಗಿರುತ್ತದೆ. ಈ ಮೂಲಕ ನೌಕರರು ಸಂಸ್ಥೆಯ ಮಾಲೀಕತ್ವದಲ್ಲಿ ಭಾಗಿಯಾಗಿರುತ್ತಾರೆ.

ಮಾರಾಟ ಮಾಡಿ ನಗದು ಪಡೆಯಬಹುದು.!!

ಯಾವುದೇ ಸಂಸ್ಥೆಯ ನೌಕರರಿಗೆ ಕೊಡಮಾಡುವ ಷೇರುಗಳು ಉದ್ಯೋಗಿ ನಿವೃತ್ತರಾಗುವವರೆಗೆ ಅಥವಾ ಸಂಸ್ಥೆ ತೊರೆಯುವವರೆಗೆ ‘ಇಎಸ್‌ಒಪಿ' ಟ್ರಸ್ಟ್‌ನಲ್ಲಿ ಇರುತ್ತವೆ. ಇವುಗಳನ್ನು ಸಂಸ್ಥೆಗೆ ಮಾರಾಟ ಮಾಡಿ ನಗದು ಪಡೆಯಬಹುದಾಗಿದೆ. ನೌಕರರು ಹೊಂದಿರುವ ಪ್ರತಿ ಷೇರಿನ ಬೆಲೆ ಪ್ರಸ್ತುತ ಕಂಪೆನಿ ಹೊಂದಿರುವ ಷೇರಿನ ಬೆಲೆಗೆ ಬಹುತೇಕ ಸಮವಾಗಿರುತ್ತದೆ.

ಶೇ 50ರಷ್ಟನ್ನು ಮಾರಾಟ ಮಾಡಬಹುದು!!

ಯಾವುದೇ ಸಂಸ್ಥೆಯ ಹಾಲಿ ನೌಕರರು ತಮ್ಮ ಷೇರು ಆಯ್ಕೆಯಲ್ಲಿನ ಶೇ 50ರಷ್ಟನ್ನು ಮಾರಾಟ ಮಾಡಬಹುದು. ನಂತರದ ವರ್ಷಗಳಲ್ಲಿ 2 ಕಂತಿನಲ್ಲಿ ಶೇ 25ರಂತೆ ನಗದಿಗೆ ಪರಿವರ್ತಿಸಿಕೊಳ್ಳಬಹುದು. ಮಾಜಿ ನೌಕರರು ಶೇ 30ರಷ್ಟು ಷೇರುಗಳನ್ನು ಮಾರಾಟ ಮಾಡಬಹುದು.

ಪ್ರತಿ ಷೇರಿಗೆ ₹ 8,375!!

ಇದೀಗ ಉದ್ಯೋಗಿಗಳ ಷೇರು ಮಾಲೀಕತ್ವ ಯೋಜನೆಗಳನ್ನು ಫ್ಲಿಪ್‌ಕಾರ್ಟ್ ಕಂಪೆನಿ ಮುಂದಾಗಿದ್ದು, (ಇಎಸ್‌ಒಪಿ) ಪ್ರತಿ ಷೇರಿಗೆ ₹ 8,375 ರಿಂದ ₹ 8,643 ದರದಲ್ಲಿ ಮರು ಖರೀದಿಸಲು ಫ್ಲಿಪ್‌ಕಾರ್ಟ್ ಸಿದ್ದವಾಗಿದೆ. ಸಂಸ್ಥೆಯು ಕಳೆದ ವರ್ಷ ತನ್ನ ಮೂರು ಸಾವಿರ ಉದ್ಯೋಗಿಗಳ ಷೇರುಗಳನ್ನು ₹ 670 ಕೋಟಿಗಳಿಗೆ ಮರು ಖರೀದಿಸಿತ್ತು.

How to send WhatsApp Payments invitation to others - GIZBOT KANNADA

13,400 ಕೋಟಿ ಹೊಸ ಬಂಡವಾಳ!!

ಫ್ಲಿಪ್‌ಕಾರ್ಟ್‌ನ ಬಹುಪಾಲು ಬಂಡವಾಳವನ್ನು ಸ್ವಾಧೀನಪಡಿರುವ ವಾಲ್‌ಮಾರ್ಟ್ ಇದೀಗ ಹೊಸದಾಗಿ 13,400 ಕೋಟಿಗಳಷ್ಟು ಬಂಡವಾಳ ಹೂಡಿಕೆ ಮಾಡಲಿದೆ. ಇದು ಅಮೆಜಾನ್‌ನ ಪೈಪೋಟಿ ಎದುರಿಸಲು ಫ್ಲಿಪ್‌ಕಾರ್ಟ್‌ಗೆ ನೆರವಾಗಲಿದೆ. ಮತ್ತು ಅಮೆಜಾನ್‌ಗೆ ಫ್ಲಿಪ್‌ಕಾರ್ಟ್‌ನಿಂದ ಮತ್ತಷ್ಟು ಪೈಪೋಟಿ ಹೆಚ್ಚಾಗಲಿದೆ.