ಫ್ಲಿಪ್‌ಕಾರ್ಟ್‌ನಿಂದ ಮತ್ತೊಂದು ಇ ಕಾರ್ಮಸ್ ಲಾಂಚ್; ಇಲ್ಲೇನು ಸಿಗುತ್ತೆ..?

2GUD ವೆಬ್‌ ಸೈಟ್:

ಸದ್ಯ ಮಾರುಕಟ್ಟೆಯಲ್ಲಿ ನವೀಕರಣಗೊಂಡ ಸ್ಮಾರ್ಟ್‌ಫೋನ್ ಗಳು ಕಡಿಮೆ ಬೆಲೆಗೆ ಮಾರಾಟವಾಗುತ್ತಿವೆ. ಅಲ್ಲದೇ ಬೇಡಿಕೆಯೂ ಅಧಿಕವಾಗಿದೆ. ಈ ಹಿನ್ನಲೆಯಲ್ಲಿ ಫ್ಲಿಪ್‌ಕಾರ್ಟ್‌ ನವೀಕರಣಗೊಂಡ ಸ್ಮಾರ್ಟ್‌ಫೋನ್ ಸೇರಿದಂತೆ ಎಲ್ಲಾ ಮಾದರಿಯ ಎಲೆಕ್ಟ್ರಾನಿಕ್ ವಸ್ತುಗಳನ್ನು ಮಾರಾಟ ಮಾಡಲು ವೇದಿಕೆಯನ್ನು 2GUD ವೆಬ್‌ ಸೈಟ್ ಮೂಲಕ ನಿರ್ಮಿಸಿದೆ.

ಸರ್ಟಿಫೈಡ್ ವಸ್ತು:

2GUD ವೆಬ್‌ ಸೈಟಿನಲ್ಲಿ ಬಳಕೆದಾರರಿಗೆ ನವೀಕರಣಗೊಂಡ ಸರ್ಟಿಫೈಡ್ ವಸ್ತುಗಳನ್ನು ಮಾತ್ರವೇ ಮಾರಾಟ ಮಾಡಲಿದ್ದು, ಇವುಗಳ ಬೆಲೆಯೂ ಇಲ್ಲಿ ಭಾರೀ ಕಡಿಮೆ ಇರಲಿದೆ. ಇದರಿಂದಾಗಿ ಕಡಿಮೆ ಬೆಲೆಗೆ ಉತ್ತಮ ಫೋನ್ ಬೇಕು ಎನ್ನುವವರಿಗೆ ಇದು ಬೆಸ್ಟ್ ಆಯ್ಕೆ ಎನ್ನಲಾಗಿದೆ.

ಎಲ್ಲಾ ಮಾದರಿಯ ವಸ್ತು:

2GUD ವೆಬ್‌ ಸೈಟಿನಲ್ಲಿ ಫ್ಲಿಪ್‌ಕಾರ್ಟ್‌ ಎಲ್ಲಾ ಮಾದರಿಯ ಎಲೆಕ್ಟ್ರಾನಿಕ್ ವಸ್ತುಗಳನ್ನು ಮಾರಾಟ ಮಾಡಲಿದೆ. ಉದಾಹರಣೆಗೆ ಟಿವಿ, ಫ್ರಿಡ್ಜ್, ಲ್ಯಾಪ್‌ಟಾಪ್, ಮೊಬೈಲ್, ಪವರ್ ಬ್ಯಾಂಕ್ ಸೇರಿದಂತೆ ಎಲ್ಲಾ ಮಾದರಿಯ ನವೀಕರಣಗೊಂಡ ಸರ್ಟಿಫೈಡ್ ವಸ್ತುಗಳನ್ನು ಮಾರಾಟ ಮಾಡಲಿದೆ.

ವರ್ಗಗಳಿದೆ:

ಒಟ್ಟು ಐದು ಮಾದರಿಯಲ್ಲಿ ವಸ್ತುಗಳು ಇಲ್ಲಿ ಮಾರಾಟವಾಗಲಿದೆ.

1. ಹೊಸ ರೀತಿಯಲ್ಲಿಯೇ: ಇದನ್ನು ಬಳಸಿರುವುದಿಲ್ಲ, ಸ್ಕ್ರಾಚ್ ಇರುವುದಿಲ್ಲ ಜೊತೆಗೆ 12 ತಿಂಗಳ ಗ್ಯಾರೆಂಟಿ ಇರುತ್ತದೆ.
2. ಸೂಪರ್ ಆಗಿ ನವೀಕರಿಸಿದ: ಕನಿಷ್ಟ ಸ್ಕ್ರಾಚ್ ಗಳೊಂದಿಗೆ ಕಾಣಿಸಿಕೊಳ್ಳಲಿದ್ದು, ಕಡಿಮೆ ಪ್ರಮಾಣದಲ್ಲಿ ಬಳಸಿರಲಾಗುತ್ತದೆ.
3. ಅತ್ಯತ್ತಮವಾಗಿ ಉತ್ತಮವಾಗಿ ನವೀಕರಿಸಿದ: ಮಧ್ಯಮ ಪ್ರಮಾಣದ ಸ್ಕ್ರಾಚ್‌ಗಳೊಂದಿಗೆ ಮಧ್ಯಮವಾಗಿ ಬಳಸಲಾಗಿರುತ್ತದೆ.
4. ಉತ್ತಮವಾಗಿ ನವೀಕರಿಸಿದ: ಹೆಚ್ಚು ಸ್ಕ್ರಾಚ್‌ಗಳನ್ನು ಹೊಂದಿರುತ್ತದೆ.
5. ನವೀಕರಿಸಲಾದ: ಹೆಚ್ಚು ಪ್ರಮಾಣದ ಗೀರುಗಳನ್ನು ಹೊಂದಿರುವ ವಸ್ತುಗಳು.

ವಿಶೇಷತೆಗಳೇನು..?

ನವೀಕರಣಗೊಂಡ ಸರ್ಟಿಫೈಡ್ ವಸ್ತುಗಳು ಸಾಮಾನ್ಯವಾಗಯೇ ಇರಲಿದೆ. ಇವುಗಳನ್ನು ಕಡಿಮೆ ಬಳಸಲಾಗಿರುತ್ತದೆ ಮತ್ತು ಸಣ್ಣ ಪುಟ್ಟ ಸ್ಕ್ರಾಚ್ ಗಳನ್ನು ಹೊಂದಿರುತ್ತವೆ ಎನ್ಲಾಗಿದೆ. ಆದರೆ ಹೊಸ ವಸ್ತುವಿನ ಮಾದರಿಯಲ್ಲಿಯೇ ಬಾಕ್ಸಿಂಗ್ ಹೊಂದಿರುತ್ತದೆ.