ಎರಡು ತಿಂಗಳ ಉಚಿತ 'ಪೋಸ್ಟ್​ಪೇಯ್ಡ್'​ ಸೇವೆ ನೀಡಿದ ಜಿಯೋ!!

ಸ್ಮಾರ್ಟ್‌ಫೋನ್ ಬಳಕೆದಾರರಿಗೆ ಡೇಟಾದ ಹೊಳೆಯನ್ನೇ ಹರಿಸುತ್ತಿರುವ ರಿಲಯನ್ಸ್​ ಜಿಯೋ ತನ್ನ ಹೊಸ ಆಫರ್ ಒಂದರಲ್ಲಿ ಪೋಸ್ಟ್​ಪೇಯ್ಡ್​ ಗ್ರಾಹಕರಿಗೆ ಎರಡು ತಿಂಗಳ ಕಾಲ ಉಚಿತ ಸೇವೆಯನ್ನು ನೀಡಲು ತೀರ್ಮಾನಿಸಿದೆ. ಐಸಿಐಸಿಐ ಬ್ಯಾಂಕ್​​ ಕ್ರೆಡಿಟ್ ಕಾರ್ಡ್ ಬಳಕೆದಾರರಿಗೆ ಎರಡು ತಿಂಗಳ ಕಾಲ ಉಚಿತ ಜಿಯೋ ಪೋಸ್ಟ್‌ಪೇಡ್ ಸೇವೆ ಈಗ ಲಭ್ಯವಿದೆ.

ರಿಲಯನ್ಸ್​ ಜಿಯೋ ಮತ್ತು ಐಸಿಐಸಿಐ ಬ್ಯಾಂಕ್ ಸಂಸ್ಥೆಗಳು ಒಪ್ಪಂದ ಮಾಡಿಕೊಂಡಿದ್ದು, ಈ ಒಪ್ಪಂದದ ಪ್ರಕಾರ, ಐಸಿಐಸಿಐ ಬ್ಯಾಂಕ್​​ ಕ್ರೆಡಿಟ್ ಕಾರ್ಡ್ ಬಳಕೆದಾರರಿಗೆ ಎರಡು ತಿಂಗಳ ಕಾಲ ಉಚಿತ ಜಿಯೋ ಪೋಸ್ಟ್‌ಪೇಡ್ ಸೇವೆ ಸಿಗಲಿದೆ. ಇದಕ್ಕಾಗಿ, ಐಸಿಐಸಿಐ ಬ್ಯಾಂಕ್​ ಕ್ರೆಡಿಟ್ ಕಾರ್ಡ್ ಬಳಕೆದಾರರು 12 ತಿಂಗಳ ಜಿಯೋ ಪೋಸ್ಟ್‌ಪೇಡ್ ರಿಚಾರ್ಜ್​ ಮಾಡಿಸಬೇಕಾಗುತ್ತದೆ.

ಜಿಯೋ ನೀಡಿರುವ ಆಫರ್ ಈ ರಿತಿಯಲ್ಲಿದ್ದು, ಐಸಿಐಸಿಐ ಬ್ಯಾಂಕ್​​ ಕ್ರೆಡಿಟ್ ಕಾರ್ಡ್ ಬಳಕೆದಾರರು, ಮೊದಲ ಆರು ತಿಂಗಳ ರಿಚಾರ್ಜ್​ ಮಾಡಿಕೊಂಡರೆ ಏಳನೇ ತಿಂಗಳಿನ ಬಿಲ್​ಗೆ ಯಾವುದೇ ಮೊತ್ತ ಪಾವತಿಸುವ ಅಗತ್ಯವಿಲ್ಲ. ಹಾಗೆಯೇ, ನೀವು 12 ತಿಂಗಳ ಜಿಯೋ ಪೋಸ್ಟ್‌ಪೇಡ್ ರಿಚಾರ್ಜ್ ​ಮಾಡಿಸಿದರೆ ಹದಿಮೂರು ಮತ್ತು ಹದಿನಾಲ್ಕನೇ ತಿಂಗಳು ಮೊತ್ತ ಪಾವತಿಸುವಂತಿಲ್ಲ.

ಈ ಆಫರ್​ನ್ನು ನೀವು ಪಡೆಯಬೇಕಾದರೆ ಐಸಿಐಸಿಐ ಬ್ಯಾಂಕ್​​ ಕ್ರೆಡಿಟ್ ಕಾರ್ಡ್ ಬಳಕೆದಾರರು "My Jio " ಆಪ್ ಅನ್ನು ಡೌನ್​ಲೋಡ್​ ಮಾಡಿಕೊಳ್ಳಬೇಕು, ಬಳಿಕ " JioPay" ಎಂಬ ಆಯ್ಕೆಯ ಮೂಲಕ ಐಸಿಐಸಿಐ ಕ್ರೆಡಿಟ್​ ಕಾರ್ಡ್​ ಮೂಲಕ ನಿರಂತರವಾಗಿ ಪಾವತಿಯಾಗುವಂತೆ "Jio Auto Pay" ಆಯ್ಕೆಯನ್ನು ಉಪಯೋಗಿಸಿ ಈ ಪೋಸ್ಟ್‌ಪೇಡ್ ಆಫರ್ ಅನ್ನು ಪಡೆಯಬಹುದಾಗಿದೆ.

ಇನ್ನು ಐಸಿಐಸಿಐ ಬ್ಯಾಂಕ್​​ ಕ್ರೆಡಿಟ್ ಕಾರ್ಡ್ ಬಳಕೆದಾರರು ಈ ಆಫರ್​ ಪಡೆಯಲು 199 ರೂ. ಅಧಿಕ ಪಾವತಿಸಬೇಕಿದೆ. ಜಿಯೋ ತಿಳಿಸಿರುವಂತೆ ಈ ಆಫರ್​ನಲ್ಲಿ ಜಿಯೋ ಟಿವಿ, ಜಿಯೋ ಮ್ಯೂಸಿಕ್​ ಮತ್ತು ಜಿಯೊ ಸೇವೆಗಳಿಗೆ ಉಚಿತ ಅವಕಾಶ ನೀಡಲಾಗಿದೆ. ​ಎರಡು ತಿಂಗಳ ಬಿಲ್​ ಅನ್ನು ಜಿಯೋ ಮತ್ತು ಐಸಿಐಸಿಐ ಬ್ಯಾಂಕ್‌ಗಳು ಸೇರಿ ಕಾರ್ಡ್‌ಗೆ ಮರು ಪಾವತಿ ಮಾಡುತ್ತವೆ.