ಮಾಲಿಕನ ಜೂಜು ಚಟದಿಂದಾಗಿ ಪ್ರಖ್ಯಾತ ಮೊಬೈಲ್ ಕಂಪೆನಿ ದಿವಾಳಿ!!?

ಕೇವಲ ಎರಡು ವರ್ಷಗಳ ಹಿಂದೆ ಭಾರತದ ಹಾಗೂ ಚೀನಾ ಸ್ಮಾರ್ಟ್‌ಫೋನ್ ಮಾರುಕಟ್ಟೆಗಳಲ್ಲಿ ಭಾರೀ ಹೆಸರುಗಳಿಸಿದ್ದ ಚೈನೀಸ್​ ಬ್ರ್ಯಾಂಡ್ ಮೊಬೈಲ್ ಕಂಪೆನಿ​ ಜಿಯೋನಿ ಈಗ ದಿವಾಳಿಯ ಹಂತಕ್ಕೆ ತಲುಪಿದೆ ಎಂಬ ಸುದ್ದಿ ಹೊರಬಿದ್ದಿದೆ. ವಿಚಿತ್ರವೆಂದರೆ, ​ಜಿಯೋನಿ ಕಂಪೆನಿ ದಿವಾಳಿಯಾಗಲು ಮೊಬೈಲ್ ಮಾರುಕಟ್ಟೆಯಲ್ಲಿನ ಪೈಪೋಟಿ ಕಾರಣವಲ್ಲ ಎಂಬ ವರದಿ ಹೊರಬಿದ್ದಿದೆ.

ಇನ್ನೇನು ಕೆಲವೇ ದಿನಗಳಲ್ಲಿ​ ಜಿಯೋನಿ ಕಂಪೆನಿ ಮೊಬೈಲ್ ಮಾರುಕಟ್ಟೆಯಿಂದ ಕಣ್ಮರೆಯಾಗುವ ಲಕ್ಷಣ ಕಂಡುಬರುತ್ತಿದ್ದು, ಜಿಯೋನಿಯ ಚೇರ್​ಮ್ಯಾನ್​ ಲಿಯು ಲಿರೋನ್​ನ ಜೂಜಿನ ಚಟ ಬ್ರ್ಯಾಂಡ್​ ಹಳ್ಳಹಿಡಿಯಲು ಕಾರಣವಾಗುತ್ತಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ. ಚೈನೀಸ್​ ವೆಬ್​ಸೈಟ್​ ಜೈಮಿಯನ್​(jiemian) ತನ್ನ ಬ್ಲಾಗ್​ನಲ್ಲಿ ಜಿಯೋನಿ ಪತನವಾಗುವ ಮನ್ಸೂಚನೆ ನೀಡಿದೆ.

ಜಿಯೋನಿಯ ಚೇರ್​ಮ್ಯಾನ್​ ಲಿಯು ಲಿರೋನ್​ನ ಅವರು ಈಗಾಗಲೇ ಜೂಜಿನ ಕಾರಣ ಲಿಯು 1.4 ಬಿಲಿಯನ್​ ಡಾಲರ್​ನ್ನು ಕಳೆದುಕೊಂಡಿದ್ದಾರೆ ಎಂದು ಆಂಡ್ರಾಯ್ಡ್​ ವ್ಯವಸ್ಥಾಪನಾ ಮಂಡಳಿ ವರದಿ ಮಾಡಿದೆ. ಆದರೆ,​ ಲಿರೋನ್ ಅವರು ಜಿಯೋನಿ ಕಂಪನಿಯ ಹಣವನ್ನು ಜೂಜಿಗೆ ಬಳಕೆ ಮಾಡಿಲ್ಲ, ಬದಲಾಗಿ ಕಂಪನಿಯಿಂದ ಸಾಲ ತೆಗೆದುಕೊಂಡಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ.

ಒಂದು ಕಾಲದಲ್ಲಿ ಸ್ಮಾರ್ಟ್‌ಫೋನ್ ತಯಾರಿಕಾ ದಿಗ್ಗಜ ಕಂಪೆನಿಗಳ ಸಾಲಿನಲ್ಲಿ ನಿಂತಿದ್ದ ಜಿಯೋನಿ ಕಂಪೆನಿ ಹಂಚಿಕೆದಾರರಿಗೆ ಬಿಲ್​ ಪಾವತಿ ಮಾಡಲಾಗದೇ, ಪ್ರತ್ಯೇಕ್​ ಡೀಲ್​ಗೆ ಹುಡುಕಾಟ ನಡೆಸುತ್ತಿದೆ. ಸುಮಾರು 20 ಮಾರಾಟಗಾರರು ದಿವಾಳಿಯ ಬಗ್ಗೆ ಮಾಹಿತಿ ನೀಡಿದ್ದಾರೆ ಎಂದು​ ಜೈಮಿಯನ್​(jiemian) ತನ್ನ ಬ್ಲಾಗ್​ನಲ್ಲಿ ಜಿಯೋನಿ ಪತನನದ ಬಗ್ಗೆ ವರದಿಯನ್ನು ನೀಡಿದೆ.

ಇತ್ತೀಚಿಗೆ ಜಿಯೋನಿ ಕಂಪನಿ ಟಾಪ್​ 5 ಬ್ರ್ಯಾಂಡ್​ ಹೆಸರು ಪಡೆಯಲು 650 ಕೊಟಿಯನ್ನು 2018ರಲ್ಲಿ ಹೂಡಿಕೆ ಮಾಡಲಿದೆ ಹಾಗೂ ಹಿಂದಿನ ವರ್ಷಕ್ಕಿಂತ ಈ ವರ್ಷ 30% ಹೆಚ್ಚು ಮಾರ್ಕೆಟಿಂಗ್​ಗೆ ಹಣ ಹಾಕಲಿದೆ ಎಂದು ವರದಿಯಾಗಿತ್ತು. ಜೊತೆಗೆ 8000-20,000 ಬೆಲೆಯ ಸ್ಮಾರ್ಟ್​ಫೋನ್​ಗಳ 20% ಶೇರ್​ನ್ನು ಕೊಂಡುಕೊಳ್ಳಲಿದೆ ಎಂದು ಕಂಪನಿಯ ಅಧಿಕಾರಿಗಳು ಹೇಳಿಕೊಂಡಿದ್ದರು.