ಆನ್‌ಲೈನ್ ಕ್ಲಾಸ್‌ ಸುರಕ್ಷತೆಗಾಗಿ ಗೂಗಲ್ ಮೀಟ್ ನಿಂದ ಹೊಸ ಫೀಚರ್ಸ್‌!

ಹೌದು, ಗೂಗಲ್‌ ಆನ್‌ಲೈನ್‌ ಶಿಕ್ಷಣ ಚಂದಾದಾರರು ನಡೆಸುವ ಸಭೆಗಳಿಗಾಗಿ ತನ್ನ ಗೂಗಲ್ ಮೀಟ್ ವಿಡಿಯೋ ಚಾಟ್ ಸೇವೆಯಲ್ಲಿ ಹೊಸ ಸೆಕ್ಯುರಿಟಿ ಫೀಚರ್ಸ್‌ಗಳನ್ನ ಪರಿಚಯಿಸಿದೆ. ಆನ್‌ಲೈನ್‌ ಶಿಕ್ಷಣದ ಭದ್ರತೆ ಕುರಿತಂತೆ ಹೊಸ ಮಾದರಿಯ ಫೀಚರ್ಸ್‌ಗಳನ್ನ ಪರಿಚಯಿಸಲು ಉತ್ಸುಕರಾಗಿದ್ದೇವೆ ಎಂದು ಗೂಗಲ್‌ ಕಂಪನಿ ಪ್ರಕಟಿಸಿದೆ. ಇದಕ್ಕೆ ಸಂಬಂಧಿಸಿದಂತೆ ಮುಂದಿನ 15 ದಿನಗಳಲ್ಲಿ ಹಲವು ಬದಲಾವಣೆಗಳು ಗೂಗಲ್‌ ಮಿಟ್‌ ಅಪ್ಲಿಕೇಶನ್‌ನಲ್ಲಿ ಕಂಡು ಬರಲಿದೆ ಎನ್ನಲಾಗ್ತಿದೆ. ಇನ್ನು ಈ ಫೀಚರ್ಸ್‌ನ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಗೂಗಲ್‌ ಮಿಟ್‌ ಪರಿಚಯಿಸಲಿರುವ ಹೊಸ ಫೀಚರ್ಸ್‌ ಅನ್ವಯ ಶಿಕ್ಷಣ ಚಂದಾದಾರರಿಗಾಗಿ ಜಿ ಸೂಟ್ ಎಂಟರ್‌ಪ್ರೈಸ್ ಆಯೋಜಿಸಿರುವ ಸಭೆಗಳನ್ನ ಹ್ಯಾಕಿಂಗ್‌ ಮಾಡಲು ಸಾಧ್ಯವಾಗುವುದಿಲ್ಲ ಎಂದು ತಿಳಿಸಲಾಗಿದೆ. ಈ ಅನಾಮಧೇಯ ಬಳಕೆದಾರರು ಹ್ಯಾಕಿಂಗ್‌ ಮಾಡಲು ಸಾಧ್ಯವಾಗುವುದಿಲ್ಲ. ಇಂತಹ ವ್ಯಕ್ತಿಗಳಿಗೆ Google ಖಾತೆಗೆ ಸೈನ್ ಇನ್ ಆಗಲು ಸಾದ್ಯವಾಗುವುದಿಲ್ಲ ಎಂದು ಗೂಗಲ್‌ ಹೇಳಿದೆ. ಇದಲ್ಲದೆ ಈ ಹೊಸ ಫೀಚರ್ಸ್‌ಗಳನ್ನು "zoombombing'' ತಡೆಗಟ್ಟಲು ವಿನ್ಯಾಸಗೊಳಿಸಲಾಗಿದೆ, ಇಲ್ಲಿ ಅನಧಿಕೃತ ಬಳಕೆದಾರರು ಬಳಕೆದಾರರಿಗೆ ತೊಂದರೆ ಉಂಟುಮಾಡುವುದನ್ನು ತಪ್ಪಿಸಬ

ಅನಧಿಕೃತ ವ್ಯಕ್ತಿಗಳ ಅನದಿಕೃತ ಪ್ರವೇಶದಿಂದಾಗಿ ಗೂಗಲ್‌ ಮಿಟ್‌ನಲ್ಲಿ ನಡೆಯುವ ಬಳಕೆದಾರರ ಸಭೆಗಳಿಗೆ ತೊಂದರೆ ಆಗಬಾರದೆಂದು ಹಾಗೂ ಇಂತಹ ಅನಧಿಕೃತ ವ್ಯಕ್ತಿಗಳಿಂದ ದಕ್ಕೆ ತರುವ ವಿಡಿಯೋ ಪ್ರಸಾರವಾದರೆ ಅಥವಾ ಅವಮಾನಗಳನ್ನು ಎಸೆಯುವ ಘಟನೆಗಳು ನಡೆದರೆ ಅದನ್ನು ತಡೆಯುವುದಕ್ಕಾಗಿಯೇ ಈ ಫಿಚರ್ಸ್‌ ಅನ್ನು ಪರಿಚಯಿಸಲಾಗಿದೆ. ಅಂದರೆ ಈ ಫಿಚರ್ಸ್‌ನಿಂದಾಗಿ ಗೂಗಲ್‌ ಮಿಟ್‌ನಲ್ಲಿ ಆನ್‌ಲೈನ್‌ ಶಿಕ್ಷಣ ಸಂಬಂದಿಸಿದ ಮಿಟಿಂಗ್‌ ನಡೆಯುವಾಗ ಯಾವುದೇ ಅನಾಮಿಕ ವ್ಯಕ್ತಿಗೆ ಎಂಟ್ರಿಗೆ ಅವಕಾಶವಿರುವುದಿಲ್ಲ. ಅಂತಹ ಅನಾಮಿಕ ಬಳಕೆದಾರರನ್ನ ಇದು ತಡೆಯಲಿದೆ ಎಂದು ಹೇಳಲಾಗ್ತಿದೆ.

ಈಗಾಗಲೇ ಈ ಮಾದರಿಯ ಘಟೆನಗಳು ಜೂಮ್‌ ವೀಡಿಯೋ ಕಾನ್ಪರೆನ್ಸಿಂಗ್‌ ಅಪ್ಲಿಕೇಶನ್‌ನಲ್ಲಿ ನಡೆದಿದೆ, ಇದೇ ಕಾರಣಕ್ಕೆ ಗೂಗಲ್‌ ಮೀಟ್‌ ಎಚ್ಚೆತ್ತು ಕೊಂಡಿದೆ. ಸದ್ಯ ಕೊರೊನಾ ಹಾವಳಿ ಇರುವುದರಿಂದ ಆನ್‌ಲೈನ್‌ ಶಿಕ್ಷಣದತ್ತ ಎಲ್ಲರೂ ಚಿತ್ತ ಹರಿಸಿದ್ದಾರೆ. ಬಹುತೇಕ ಶಾಲಾ ಕಾಲೇಜುಗಳು ತಮ್ಮ ವಿದ್ಯಾರ್ಥಿಗಳಿಗೆ ವಿಡಿಯೊ ಕಾನ್ಪೆರೆನ್ಸಿಂಗ್‌ ಆಪ್‌ಗಳ ಮೂಲಕ ತರಗತಿಗಳಖ ನಡೆಸುತ್ತಿದ್ದಾರೆ. ಇಂತಹ ಸಂದರ್ಭದಲ್ಲಿ ಸುರಕ್ಷತೆಯನ್ನು ಹೆಚ್ಚಿಸುವ ಮತ್ತು ಹೊಸ ಭದ್ರತೆ ಮತ್ತು ಗೌಪ್ಯತೆ ಸುಧಾರಣೆಗಳನ್ನು ಪರಿಚಯಿಸುವುದ ಸೂಕ್ತವಾಗಿದ್ದು, ಇದೇ ಕಾರಣಕ್ಕೆ ಗೂಗಲ್‌ ಮಿಟ್‌ ಹೊಸ ಫೀಚರ್ಸ್‌ಗಳನ್ನ ಪರಿಚಯಿಸಿದೆ.