ಗೂಗಲ್‌ನ ಸ್ವಯಂಚಾಲಿತ ಕಾರು ಇನ್ನು 5 ವರ್ಷಗಳಲ್ಲಿ

ಚಾಲಕರಿಲ್ಲದೆ ಸ್ವಯಂ ಚಾಲನೆಯಾಗುವ ಕಾರುಗಳ ಪರಿಕಲ್ಪನೆಗೆ ಗೂಗಲ್ ಅಡಿಪಾಯವನ್ನು ಈಗಾಗಲೇ ಹಾಕಿದ್ದು ಯೋಜನೆಯನ್ನು 2020 ರ ಒಳಗೆ ಮುಗಿಸುವ ಯೋಚನೆಯಲ್ಲಿದೆ. ಈ ಸೆಲ್ಫ್ ಡ್ರೈವಿಂಗ್ ಕಾರ್ ಪ್ರೊಜೆಕ್ಟ್‌ನ ನಿರ್ದೇಶಕ ಗೂಗಲ್‌ನ ಕ್ರಿಸ್ ಆರ್ಮ್‌ಸನ್ ಯೋಜನೆ ಮತ್ತು ಕಾರಿನ ತಯಾರಿಕೆಯಲ್ಲಿ ಒಪ್ಪಂದ ಮಾಡಿಕೊಂಡಿರುವ ಪಾಲುದಾರರ ಮಾಹಿತಿಯನ್ನು ನೀಡಿದೆ.

ಮೊದಲಿಗೆ ಈ ಕಾರುಗಳನ್ನು ಸ್ಯಾನ್ ಫ್ರಾನಿಸ್ಕೋದಲ್ಲಿ ಪ್ರದರ್ಶಿಸಿದ್ದು, ಇದೀಗ ಕಂಪೆನಿಯು ಡೆಟ್ರಾಯ್ಟ್‌ಗೂ ವಿಸ್ತರಣೆಯಾಗುವ ಸಾಧ್ಯತೆಯಲ್ಲಿದೆ. ಗೂಗಲ್ ಕ್ಯಾಲಿಫೋರ್ನಿಯಾದಲ್ಲಿ ಈ ಕಾರುಗಳ ಪರೀಕ್ಷೆಯನ್ನು ನಡೆಸಲಿದ್ದು, ಕಾರು ಬಳಸುವವರಿಗೆ ಡ್ರೈವರ್ ರಹಿತ ಸ್ವಯಂಚಾಲಿತ ಕಾರು ವರದಾನವಾಗಿ ಪರಿಣಮಿಸಲಿದೆ.

ಮುಂದಿನ ಐದು ವರ್ಷಗಳ ಒಳಗಾಗಿ ಈ ಸ್ವಯಂಚಾಲಿತ ಕಾರಿನ ಯೋಜನೆಯನ್ನು ಗೂಗಲ್ ಪೂರ್ಣಗೊಳಿಸಲಿದ್ದು ಆದಷ್ಟು ಬೇಗನೇ ಸ್ವಯಂಚಾಲಿತ ಕಾರು ಕಾರು ಪ್ರಿಯರ ಮನೆಬಾಗಿಲನ್ನು ತಲುಪಲಿದೆ.