ಗೋಪ್ರೊ ಹೀರೋ 9 ಬ್ಲ್ಯಾಕ್‌ ಕ್ಯಾಮೆರಾ ಬಿಡುಗಡೆ! ಕಲರ್‌ಫುಲ್‌ ಡಿಸ್‌ಪ್ಲೇ ವಿಶೇಷ!

ಹೌದು, ಗೋಪ್ರೊ ಸಂಸ್ಥೆ ತನ್ನ ಹೊಸ ಆಕ್ಷನ್ ಕ್ಯಾಮೆರಾ ಗೋಪ್ರೊ ಹೀರೋ 9 ಬ್ಲ್ಯಾಕ್ ಅನ್ನು ಪರಿಚಯಿಸಿದೆ. ಇದು ಹಗುರ ಗಾತ್ರವನ್ನ ಹೊಂದಿರುವುದರಿಂದ ಸುಲಭವಾಗಿ ಕ್ಯಾರಿ ಮಾಡಬಹುದಾಗಿದೆ. ಇನ್ನು ಈ ಕ್ಯಾಮೆರಾ ದೊಡ್ಡ ಗಾತ್ರದ ಬ್ಯಾಟರಿಯನ್ನು ಹೊಂದಿದ್ದು, ಲೆನ್ಸ್‌ ಕವರ್‌ ಅನ್ನು ತೆಗೆಯಬಹುದಾಗಿದೆ. ಅಲ್ಲದೆ ಇದರ ಮುಂಭಾಗದ ಫೇಸ್‌ ಕಲರ್ ಎಲ್ಸಿಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಗೋಪ್ರೊ ಈ ವರ್ಷ ತನ್ನ ಮುಖ್ಯ ಹೀರೋ ಲೈನ್ ಅನ್ನು ಮಾತ್ರ ಆಪ್ಡೇಟ್ ಮಾಡಿದೆ. ಅಲ್ಲದೆ ಕಳೆದ ವರ್ಷದಿಂದ ಗೋಪ್ರೊ ಮ್ಯಾಕ್ಸ್ ಕಂಪನಿಯ 360 ಡಿಗ್ರಿ ಕ್ಯಾಮೆರಾವಾಗಿದ್ದು, ಹೀರೋ 9 ಬ್ಲ್ಯಾಕ್ ಹೊಸ ಮ್ಯಾಕ್ಸ್ ಲೆನ್ಸ್ ಮೋಡ್ ಸೇರಿದಂತೆ ಗೋಪ್ರೊ ಮೋಡ್ಸ್‌ನೊಂದಿಗೆ ಹೊಂದಿಕೊಳ್ಳಲಿದೆ. ಇನ್ನುಳಿದಂತೆ ಈ ಕ್ಯಾಮೆರಾದ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ಗೋಪ್ರೊ ಹೀರೋ 9 ಬ್ಲ್ಯಾಕ್ ಆಕ್ಷನ್‌ ಕ್ಯಾಮೆರಾ ಹೊಸ 23.6 ಮೆಗಾಪಿಕ್ಸೆಲ್ ಇಮೇಜ್ ಸೆನ್ಸಾರ್ ಅನ್ನು ಹೊಂದಿದೆ. ಇದು ಹಿಂದಿನ ಮಾದರಿಯಂತೆ GP1 ಪ್ರೊಸೆಸರ್ ಹೊಂದಿದೆ. ಇನ್ನು ಕ್ಯಾಮೆರಾದಲ್ಲಿ ಈಗ 5K 30FPS ವೀಡಿಯೊಗಳನ್ನು ರೆಕಾರ್ಡ್ ಮಾಡಬಹುದಾಗಿದೆ. ಅಲ್ಲದೆ 20 ಮೆಗಾಪಿಕ್ಸೆಲ್ ಸ್ಟಿಲ್‌ಗಳನ್ನು ಸೆರೆಹಿಡಿಯಬಹುದಾಗಿದೆ. ಇನ್ನು ಈ ಕ್ಯಾಮೆರಾ ಫ್ರಂಟ್‌ ಸೈಡ್‌ ಕಲರ್‌ ಎಲ್‌ಸಿಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ನಿಮ್ಮ ಕಡೆಗೆ ಕ್ಯಾಮೆರಾವನ್ನು ಫೋಕಸ್‌ ಮಾಡಿದಾಗಿ ಫ್ರೇಮಿಂಗ್‌ ಶಾಟ್‌ಗಳಿಗೆ ಉಪಯುಕ್ತವಾಗಲಿದೆ. ಇನ್ನು ಹೀರೋ 8 ಬ್ಲ್ಯಾಕ್‌ಗೆ ಹೋಲಿಸಿದರೆ ಹೀರೋ 9 ಬ್ಲ್ಯಾಕ್ ದೊಡ್ಡ ಗಾತ್ರದ ಬ್ಯಾಟರಿಯನ್ನು ಹೊಂದಿದೆ.

ಇನ್ನು ಗೋಪ್ರೊ ಹೀರೋ 9 ಬ್ಲ್ಯಾಕ್‌ನಲ್ಲಿ ಹೊಸ ಸಾಫ್ಟ್‌ವೇರ್ ಫೀಚರ್ಸ್‌ಗಳನ್ನ ಅಳವಡಿಸಲಾಗಿದೆ. ಇವುಗಳಲ್ಲಿ ಹೈಪರ್‌ಸ್ಮೂತ್ 3.0 ಅನ್ನು ಅಳವಡಿಸಲಾಗಿದೆ. ಇದು ಸುಧಾರಿತ ಸ್ಥಿರೀಕರಣ ಮತ್ತು 5K ಸೇರಿದಂತೆ ಎಲ್ಲಾ ರೆಸಲ್ಯೂಷನ್‌ಗಳಲ್ಲಿ ಬೂಸ್ಟ್ ಮೋಡ್ ಅನ್ನು ಬಳಸುವ ಸಾಮರ್ಥ್ಯವನ್ನು ನೀಡುತ್ತದೆ. ಅಲ್ಲದೆ ಈ ಹೊಸ ಟೈಮ್‌ವರ್ಪ್ 3.0 ಮೋಡ್ ಈಗ ನಿಮ್ಮ ಹೈಪರ್‌ಲ್ಯಾಪ್ಸ್ ವೀಡಿಯೊಗಳನ್ನು ರಿಯಲ್‌-ಟೈಂನ ವೇಗಕ್ಕೆ ಆಡಿಯೊ ಅಥವಾ slow-motion ಆಯ್ಕೆಗೂ ಅನುಮತಿಸುತ್ತದೆ.

ಗೋಪ್ರೊ ಹೀರೋ 9 ಬ್ಲ್ಯಾಕ್‌ ಕ್ಯಾಮೆರಾ ಲೀನಿಯರ್ + ಹರೈಸನ್ ಲೆವೆಲಿಂಗ್ ಆಯ್ಕೆಯನ್ನು ನೀಡಿದ್ದು, ಇದು ಕ್ಯಾಮೆರಾದಲ್ಲಿಯೇ ಹಾರಿಜಾನ್ ಲೆವೆಲಿಂಗ್ ಮಾಡುವ ಸಾಮರ್ಥ್ಯವನ್ನು ಒಳಗೊಂಡಿದೆ. ಜೊತೆಗೆ ಈ ಕ್ಯಾಮೆರಾದಲ್ಲಿ ಲೆನ್ಸ್ ಕವರ್ ತೆಗೆದುಹಾಕುವ ಆಯ್ಕೆಯನ್ನು ಹೊಂದಿದೆ. ಅಲ್ಲದೆ ಹೊಸ ಮ್ಯಾಕ್ಸ್ ಲೆನ್ಸ್ ಮೋಡ್‌ನೊಂದಿಗೆ ವಿನಿಮಯ ಮಾಡಿಕೊಳ್ಳಬಹುದಾದ ಅವಕಾಶವನ್ನು ಸಹ ನೀಡಲಾಗಿದೆ. ಇನ್ನುಳಿದಂತೆ ಈ ಕ್ಯಾಮೆರಾ ಮ್ಯಾಕ್ಸ್ ಹೈಪರ್‌ಸ್ಮೂತ್ ಸ್ಥಿರೀಕರಣ ಮತ್ತು ಹಾರಿಜಾನ್ ಲಾಕ್ ಫೀಚರ್ಸ್‌ಗಳ ಲಾಭವನ್ನು ಸಹ ಪಡೆದುಕೊಳ್ಳಬಹುದಾಗಿದೆ.

ಇನ್ನು ಈ ಕ್ಯಾಮೆರಾ ಒಂದೇ ಮೈಕ್ರೊ ಎಸ್ಡಿ ಕಾರ್ಡ್ ಅನ್ನು ಬೆಂಬಲಿಸುತ್ತದೆ. ಅಲ್ಲದೆ ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಚಾರ್ಜಿಂಗ್‌ ಅನ್ನು ಹೊಂದಿದೆ. ಸದ್ಯ ಗೋಪ್ರೊ ಹೀರೋ 9 ಬ್ಲ್ಯಾಕ್ ಕ್ಯಾಮೆರಾ ಭಾರತದಲ್ಲಿ 49,500ರೂ ಬೆಲೆಯನ್ನು ಹೊಂದಿದ್ದು, ಅಕ್ಟೋಬರ್ ಅಂತ್ಯದಲ್ಲಿ ಲಭ್ಯವಾಗಲಿದೆ.