ಸರ್ಕಾರ ಬ್ಲಾಕ್ ಮಾಡಲು ಕಣ್ಣಿಟ್ಟಿರುವ ವೆಬ್ಸೈಟ್ ಗಳ ಪಟ್ಟಿ

By Varun

| Updated: Thursday, August 23, 2012, 13:44 [IST]

ಸರ್ಕಾರ ಬ್ಲಾಕ್ ಮಾಡಲು ಕಣ್ಣಿಟ್ಟಿರುವ ವೆಬ್ಸೈಟ್ ಗಳ ಪಟ್ಟಿ

ಈಶಾನ್ಯ ಭಾಗದ ರಾಜ್ಯಗಳ ಗಲಭೆ ವಿಷಯಕ್ಕೆ ಸಂಬಂಧಿಸಿದಂತೆ ಕೇಂದ್ರ ಸರ್ಕಾರ sms ಬ್ಯಾನ್ ಮಾಡಿದ ನಂತರ ಪ್ರಚೋದಕ ಸುದ್ದಿ ಹರಡಲಾಗಿರುವ ವೆಬ್ಸೈಟ್ ಗಳ ಮೇಲೆ ನಿಗಾ ಇಟ್ಟಿದ್ದು, ಸಾಮಾಜಿಕ ಜಾಲ ತಾಣಗಳ ಮೇಲೂ ತನ್ನ ಕೆಂಗಣ್ಣು ಬೀರಿದ್ದು ನೆನ್ನೆ ತಾನೇ ಪ್ರಧಾನ ಮಂತ್ರಿಗಳ ಆಫೀಸಿನ ನಕಲಿ ಟ್ವಿಟರ್ ಖಾತೆಯನ್ನು ಬಂದ್ ಮಾಡಿದೆ.

ಈಗ ಸರಕಾರವು ಸುಮಾರು 309 ವೆಬ್ಸೈಟ್ ಗಳನ್ನು ಸೆನ್ಸಾರ್ ಮಾಡಲು ಶುರು ಮಾಡಿದ್ದು, ಆಗಸ್ಟ್ 18 ರಿಂದ ಆಗಸ್ಟ್ 21 ರ ವರೆಗೂ ಈ ವೆಬ್ಸೈಟ್ ಗಳಲ್ಲಿ ಅಸ್ಸಾಂ ಗಲಭೆಯ ವಿಚಾರಕ್ಕೆ ಸಂಬಂಧಿಸಿದಂತೆ ಏನಾದರೂ ಪ್ರಚೋದಿತ ಸುದ್ದಿ ಇದೆಯಾ ಎಂದು ಸ್ಕ್ಯಾನ್ ಮಾಡಿತ್ತು.

ಅದರ ಪ್ರಕಾರ ಈ ರೀತಿಯ ಸುದ್ದಿಯನ್ನು ಮಾತ್ರ ಬ್ಲಾಕ್ ಮಾಡಲು ನಿರ್ಧರಿಸಿರುವ ಸರ್ಕಾರ ಮುಲಾಜಿಲ್ಲದೆ ಇದನ್ನು ಮಾಡುತ್ತಿದ್ದು ಇಂಟರ್ನೆಟ್ ಸೇವಾದಾರರಿಗೆ ಈ ವಿಷಯ ತಿಳಿಸಿದೆ ಎನ್ನಲಾಗಿದೆ. ಪ್ರಚೋದಿತ ವಿಷಯಕ್ಕೆ ಸಂಬಂಧಿಸಿದ URL ಅನ್ನು ಮಾತ್ರ ಬ್ಲಾಕ್ ಮಾಡಲಿದ್ದು, ಯಾವ ಯಾವ ವೆಬ್ಸೈಟ್ ಗಳ URL ಬ್ಲಾಕ್ ಆಗಿದೆ ಎಂಬ ಪಟ್ಟಿ ಇಂಟರ್ನೆಟ್ ನಲ್ಲಿ ಲೀಕ್ ಆಗಿದೆ. ಅವುಗಳ ಪಟ್ಟಿ ಇಲ್ಲಿದೆ:

- ABC.net.au

- AlJazeera.com

- AllVoices.com

- WN.com

- AtjehCyber.net

- BDCBurma.org

- Bhaskar.com

- Blogspot.com

- Blogspot.in

- Catholic.org

- CentreRight.in

- ColumnPK.com