ನೆಟ್‌ಫ್ಲಿಕ್ಸ್‌ನಲ್ಲಿರುವ ಈ ಫೀಚರ್ಸ್‌ಗಳ ಬಗ್ಗೆ ನೀವು ತಿಳಿದುಕೊಳ್ಳಲೇಬೇಕು?

ಹೌದು, ಜನಪ್ರಿಯ ಒಟಿಟಿ ಅಪ್ಲಿಕೇಶನ್‌ಗಳಲ್ಲಿ ನೆಟ್‌ಫ್ಲಿಕ್ಸ್‌ ಕೂಡ ಸೇರಿದೆ. ನೆಟ್‌ಫ್ಲಿಕ್ಸ್‌ ಬಳಕೆದಾರರಿಗೆ ಹಲವು ಫೀಚರ್ಸ್‌ಗಳನ್ನು ಪರಿಚಯಿಸಿದೆ. ಆದರೂ ಕೆಲವು ಫೀಚರ್ಸ್‌ಗಳ ಬಗ್ಗೆ ಬಳಕೆದಾರರಿಗೆ ತಿಳಿದೆ ಇರುವುದಿಲ್ಲ. ಇನ್ನು ನೆಟ್‌ಫ್ಲಿಕ್ಸ್‌ ಒಳಗೊಂಡಿರುವ ಫೀಚರ್ಸ್‌ಗಳಲ್ಲಿ ಸಂಕೇತಗಳ ಮೂಲಕ ಕೆಲವು ನಿರ್ದಿಷ್ಟ ವಿಷಯವನ್ನು ಸಹ ಕಾಣಬಹುದು. ಹಾಗಾದ್ರೆ ನೀವು ನೆಟ್‌ಫ್ಲಿಕ್ಸ್‌ ನಲ್ಲಿ ತಿಳಿದುಕೊಳ್ಳಲು ಬಯಸುವ ಕೆಲವು ವಿಶೇಷತೆಗಳ ಬಗ್ಗೆ ತಿಳಿಸಿಕೊಡ್ತೀವಿ ಓದಿರಿ.

ಸೈನ್ ಅಪ್ ಮಾಡದೆ ನೆಟ್‌ಫ್ಲಿಕ್ಸ್ ವಿಷಯವನ್ನು ಫ್ರೀ ಆಗಿ ನೋಡುವುದು ಹೇಗೆ?

ನೆಟ್‌ಫ್ಲಿಕ್ಸ್‌ ಚಂದಾದಾರಿಕೆಯನ್ನು ಖರೀದಿಸಲು ಸಾಧ್ಯವಾಗದ ಬಹಳಷ್ಟು ಬಳಕೆದಾರರಿದ್ದಾರೆ. ಆದರೆ, ನೀವು ಕೆಲವು ವಿಷಯವನ್ನು ನೆಟ್‌ಫ್ಲಿಕ್ಸ್‌ನಲ್ಲಿ ಉಚಿತವಾಗಿ ವೀಕ್ಷಿಸಬಹುದು. ನೀವು ನೆಟ್‌ಫ್ಲಿಕ್ಸ್‌ನ ಜನಪ್ರಿಯ ಪ್ರದರ್ಶನಗಳ ಮೊದಲ ಕಂತನ್ನು ಉಚಿತವಾಗಿ ವೀಕ್ಷಿಸಬಹುದು. ಅಲ್ಲದೆ ಉಚಿತವಾಗಿ ವೀಕ್ಷಿಸಲು ಏನು ಲಭ್ಯವಿದೆ ಎಂಬುದನ್ನು ನೋಡಲು ನೀವು netflix.com/watch-free ಗೆ ಭೇಟಿ ನೀಡಬೇಕಾಗುತ್ತದೆ. ಒಮ್ಮೆ ನೀವು ಈ ಸೈಟ್‌ ಅನ್ನು ತೆರೆದರೆ, ನಿಮ್ಮ ನೆಚ್ಚಿನ ವಿಷಯವನ್ನು ಆಯ್ಕೆ ಮಾಡಿದ ನಂತರ ನೀವು ‘ಈಗ ವೀಕ್ಷಿಸಿ' ಬಟನ್ ಕ್ಲಿಕ್ ಮಾಡಬೇಕಾಗುತ್ತದೆ.

ಇದಲ್ಲದೆ ನೀವು ಎಲ್ಲಾ ನೆಟ್‌ಫ್ಲಿಕ್ಸ್ ವಿಷಯವನ್ನು ಉಚಿತವಾಗಿ ಪ್ರವೇಶಿಸಲು ಬಯಸಿದರೆ, ನೀವು ಜಿಯೋನ ರೂ 399 ಪೋಸ್ಟ್‌ಪೇಯ್ಡ್ ಯೋಜನೆಯನ್ನು ಖರೀದಿಸಬಹುದು. ಇದು ನಿಮಗೆ ನೆಟ್‌ಫ್ಲಿಕ್ಸ್ (ಮೊಬೈಲ್ ಮಾತ್ರ) ಚಂದಾದಾರಿಕೆಯನ್ನು ನೀಡುತ್ತದೆ. ಆದರೆ 200 ಜಿಬಿ ಡೇಟಾ ರೋಲ್‌ಓವರ್ ಸೌಲಭ್ಯದೊಂದಿಗೆ ಒಟ್ಟು 75 ಜಿಬಿ ಡೇಟಾ, ಎಲ್ಲಾ ನೆಟ್‌ವರ್ಕ್‌ಗೆ ಅನಿಯಮಿತ ಕರೆ ಮತ್ತು ದಿನಕ್ಕೆ 100 ಎಸ್‌ಎಂಎಸ್ ನೀಡುತ್ತದೆ. ಇನ್ನು ವೊಡಾಫೋನ್ ಕೂಡ ರೆಡ್ಎಕ್ಸ್ ಯೋಜನೆಯನ್ನು ಸಹ ಹೊಂದಿದೆ, ಇದು ನೆಟ್ಫ್ಲಿಕ್ಸ್ ಚಂದಾದಾರಿಕೆಯನ್ನು ನೀಡುತ್ತದೆ, ಆರು ತಿಂಗಳ ಲಾಕ್-ಇನ್ ಅವಧಿ ನೀಡಲಿದೆ. ಈ ಯೋಜನೆಯ ಬೆಲೆ ತಿಂಗಳಿಗೆ 1,099 ರೂ.

ನೆಟ್‌ಫ್ಲಿಕ್ಸ್‌ ಎಪಿಸೋಡ್ ಅಥವಾ ವೀಡಿಯೊ ಪ್ರಿವ್ಯೂ ಆಟೋ ಪ್ಲೇ ಅನ್ನು ನಿಷ್ಕ್ರಿಯಗೊಳಿಸುವುದು ಹೇಗೆ ?

ಹಂತ 1: ನಿಮ್ಮ ಫೋನ್ ಅಥವಾ ಪಿಸಿಯಲ್ಲಿ ನೆಟ್‌ಫ್ಲಿಕ್ಸ್ ತೆರೆಯಿರಿ ಮತ್ತು ಪ್ರೊಫೈಲ್‌ಗಳ ವಿಭಾಗಕ್ಕೆ ಭೇಟಿ ನೀಡಿ. ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು ನೀವು ಒತ್ತಬೇಕಾದ ‘ಖಾತೆ' ವಿಭಾಗವನ್ನು ನೀವು ಕಾಣಬಹುದು.

ಹಂತ 2: ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು ನಿಮ್ಮ ಹೆಸರನ್ನು (ಪ್ರೊಫೈಲ್) ಟ್ಯಾಪ್ ಮಾಡಿ. ಡ್ರಾಪ್-ಡೌನ್ ಮೆನು ನಿಮಗೆ ಭಾಷೆ, ಪ್ರೊಫೈಲ್ ಲಾಕ್ ಮತ್ತು ಹೆಚ್ಚಿನವುಗಳನ್ನು ಒಳಗೊಂಡಂತೆ ಕೆಲವು ಆಯ್ಕೆಗಳನ್ನು ತೋರಿಸುತ್ತದೆ. ನೀವು ಪ್ಲೇಬ್ಯಾಕ್ ಸೆಟ್ಟಿಂಗ್‌ಗಳನ್ನು ಟ್ಯಾಪ್ ಮಾಡಬೇಕಾಗುತ್ತದೆ.

ಹಂತ 3: ನಿಮ್ಮ ಆದ್ಯತೆಗೆ ಅನುಗುಣವಾಗಿ ಬಾಕ್ಸ್‌ಗಳನ್ನು ಟಿಕ್ ಮಾಡಿ ಮತ್ತು ನಂತರ ‘ಸೇವ್‌' ಬಟನ್ ಕ್ಲಿಕ್ ಮಾಡಿ. ನೀವು ಎರಡು ಆಯ್ಕೆಗಳನ್ನು ಪಡೆಯುತ್ತೀರಿ - ಒಂದು ಎಪಿಸೋಡ್‌ಗೆ ಮತ್ತು ಇನ್ನೊಂದು ವೀಡಿಯೊ ಪೂರ್ವವೀಕ್ಷಣೆಗಾಗಿ.

ಮಕ್ಕಳಿಗಾಗಿ ವಿಷಯವನ್ನು ಮಿತಿಗೊಳಿಸುವುದು ಹೇಗೆ ?

ಹಂತ 1: ನೆಟ್‌ಫ್ಲಿಕ್ಸ್> ಪ್ರೊಫೈಲ್> ಖಾತೆಯನ್ನು ತೆರೆಯಿರಿ.
ಹಂತ 2: ‘ಪ್ರೊಫೈಲ್ ಮತ್ತು ಪೋಷಕರ ನಿಯಂತ್ರಣಗಳಿಗೆ' ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು ನೀವು ನಿರ್ಬಂಧಿಸಲು ಬಯಸುವ ಪ್ರೊಫೈಲ್‌ನಲ್ಲಿ ಟ್ಯಾಪ್ ಮಾಡಿ.

ಹಂತ 3: ‘ಬದಲಾವಣೆ' ಕುರಿತು ಮತ್ತೆ ಟ್ಯಾಪ್ ಮಾಡಿ, ಅದು ‘ವೀಕ್ಷಣೆ ನಿರ್ಬಂಧಗಳು' ಆಯ್ಕೆಯ ಬಳಿ ಇರುತ್ತದೆ. ನಿಮ್ಮ ನೆಟ್‌ಫ್ಲಿಕ್ಸ್ ಪಾಸ್‌ವರ್ಡ್ ಅನ್ನು ನಮೂದಿಸಲು ನಿಮ್ಮನ್ನು ಕೇಳಲಾಗುತ್ತದೆ.

ಹಂತ 4: ಈಗ ನೀವು ಮಾಡಬೇಕಾಗಿರುವುದು ಆ ಪ್ರೊಫೈಲ್‌ನಲ್ಲಿ ನೀವು ಅನುಮತಿಸಲು ಬಯಸುವ ಪ್ರದರ್ಶನಗಳು ಮತ್ತು ಚಲನಚಿತ್ರಗಳಿಗೆ ಮೆಚುರಿಟಿ ರೇಟಿಂಗ್ ಅನ್ನು ಹೊಂದಿಸಿ.