ನಿಮ್ಮ ಅನಾರೋಗ್ಯಕ್ಕೆ ನೇರ ಕಾರಣ ಹೈಸ್ಪೀಡ್ ಇಂಟರ್‌ನೆಟ್!!

ಏನಿದು ಎಚ್ಚರಿಕೆಯ ಅಧ್ಯಯನ?

ಇಟಲಿಯ ಬೊಕ್ಕೊನಿ ವಿಶ್ವವಿದ್ಯಾಲಯ ನಡೆಸಿರುವ ಅಧ್ಯಯನ ಮತ್ತು ಯುಎಸ್ ನ ಪಿಟ್ಸ್ಬರ್ಗ್ ವಿಶ್ವವಿದ್ಯಾಲಯ ಹೇಳುವಂತೆ ಹೆಚ್ಚು ವೇಗದ ಅಂತರ್ಜಾಲ ಸಂಪರ್ಕ ಬಳಸುವುದರ ಪರಿಣಾಮದಿಂದಾಗಿ ಆ ವ್ಯಕ್ತಿಯ ನಿದ್ದೆಯ ಸಮಯವು ಕುಂಠಿತಗೊಳ್ಳುತ್ತದೆ ಮತ್ತು ನಿದ್ದೆಯ ತೃಪ್ತಿಯು ಅವರಿಗೆ ಲಭ್ಯವಾಗುವುದಿಲ್ಲ ಎಂದು ಹೇಳಿದೆ. ಇದು ಅನಾರೋಗ್ಯಕ್ಕೆ ಕಾರಣವಾಗಿದೆ.

ಒಟ್ಟಾರೆ ನಿದ್ದೆಯ ಮೇಲೆ ಕೆಟ್ಟ ಪರಿಣಾಮ

ಡಿಜಿಟಲ್ ಸಾಧನಗಳ ಬಳಕೆಯ ಅಭ್ಯಾಸವು ನಿದ್ದೆಯ ಸಮಯದ ಮೇಲೆ ಮತ್ತು ಒಟ್ಟಾರೆ ನಿದ್ದೆಯ ಮೇಲೆ ಕೆಟ್ಟ ಪರಿಣಾಮವನ್ನು ಉಂಟು ಮಾಡುತ್ತದೆ ಮತ್ತು ಇದು ಮನುಷ್ಯನ ಒಟ್ಟಾರೆ ಆರೋಗ್ಯದ ಮೇಲೆ ದುಷ್ಪರಿಣಾಮವನ್ನುಂಟು ಮಾಡುತ್ತದೆ. ಅದರಲ್ಲೂ 13 ರಿಂದ 30 ವರ್ಷ ವಯಸ್ಸಿನವರಲ್ಲಿ ಈ ಸಮಸ್ಯೆ ಹೆಚ್ಚಾಗಿ ಕಾಣಿಸುತ್ತಿದೆ ಎಂಬುದು ಅಧ್ಯಯನಕಾರರು ಹೇಳಿದ್ದಾರೆ.

ನೇರವಾಗಿ ಡಿಎಸ್ಎಲ್ ಕಾರಣ

ಡಿಎಸ್ಎಲ್ (ಡಿಜಿಟಲ್ ಸಬ್ ಸ್ಕ್ರೈಬರ್ ಲೈನ್) ಎಂಬುದುಮನೆಗಳಿಗೆ ಮತ್ತು ಸಣ್ಣ ಬ್ಯುಸಿನೆಸ್ ಜಾಗಗಳಿಗೆ ಇಂಟರ್ನೆಟ್ ಸೌಲಭ್ಯ ಕಲ್ಪಿಸುವ ಒಂದು ತಂತ್ರಜ್ಞಾನವಾಗಿದೆ. ಇದನ್ನು ಹೆಚ್ಚಾಗಿ ಬಳಸುವವರು ರಾತ್ರಿ ಬೇಗ ನಿದ್ದೆ ಮಾಡುತ್ತಿಲ್ಲ. ಏಕೆಂದರೆ ಅವರು ಮಾರನೆಯ ದಿನ ಬೆಳಿಗ್ಗೆ ಕುಟುಂಬ ಅಥವಾ ಕೆಲಸದ ಕಾರಣದಿಂದ ಬೇಗನೆ ಏಳುತ್ತಾರೆ ಎಂದು ಅಧ್ಯಯನವು ಹೇಳಿದೆ.

ಅನಾರೋಗ್ಯಕ್ಕೆ ನೇರ ಕಾರಣ.

ಮೊಬೈಲ್ ನೋಡುವುದು, ಟಿವಿ ನೋಡುವುದು, ಕಂಪ್ಯೂಟರ್ ಗೇಮ್ಸ್ ಇತ್ಯಾದಿಗಳನ್ನು ಹೈ ಸ್ಪೀಡ್ ಇಂಟರ್ನೆಂಟ್ ಬಳಸಿ ಇವರು ಮಾಡುತ್ತಾರೆ ಮತ್ತು ನಿದ್ದೆಯನ್ನು ಹಾಳು ಮಾಡಿಕೊಳ್ಳುತ್ತಾರೆ. ಹೀಗೆ ನಿದ್ದೆಯಲ್ಲಿ ಅತೃಪ್ತಿಯನ್ನು ಅನುಭವಿಸುವುದು ಹಲವು ಅನಾರೋಗ್ಯಕೆ ಕಾರಣವಾಗಲಿದೆ. ಇದು ಮಾನಸಿಕ ಮತ್ತು ದೈಹಿಕ ಸಮಸ್ಯೆಗಳನ್ನು ಸಹ ಎದುರಾಗುತ್ತಿದೆ ಎಂದು ಹೇಳಲಾಗಿದೆ.

ಪ್ರೊಫೆಸರ್ ಓರ್ವರು ಹೇಳಿರುವುದೇನು?

ದಿನವಿಡೀ ಹೆಚ್ಚು ಸ್ಪೀಡ್ ಇರುವ ಇಂಟರ್ನೆಟ್ ಬಳಕೆ ಮಾಡುವುದು ಅಥವಾ ಮಲಗಿಕೊಂಡು ಕೂಡ ಅಂತರ್ಜಾಲವನ್ನು ಬಳಸುತ್ತಲೇ ಇರುವುದು ಕೆಲವರಿಗೆ ಅಭ್ಯಾಸವಾಗಿ ಬಿಟ್ಟಿದೆ. ಇದರಿಂದ ಅವರು ನಿದ್ದೆಯನ್ನು ತಪ್ಪಿಸಿಕೊಂಡು ಅನಾರೋಗ್ಯಕ್ಕೆ ತುತ್ತಾಗುತ್ತಿದ್ದಾರೆ ಎಂದು ಬೊಕ್ಕೊನಿ ವಿಶ್ವವಿದ್ಯಾಲಯದ ಪ್ರೊಫೆಸರ್ ಆಗಿರುವ ಪ್ರ್ಯಾನ್ಸಿಸ್ಕೋ ಬಿಲ್ಲಾರಿ ಕೂಡ ಸಮರ್ಥಿಸಿಕೊಂಡಿದ್ದಾರೆ