ಭಾರತಕ್ಕೆ ಎಂಟ್ರಿ ನೀಡಲು HONOR Pad 9 ಟ್ಯಾಬ್‌ ಸಿದ್ಧತೆ: ನಿರೀಕ್ಷೆ ಏನು?

ಹಾನರ್‌ ಕಂಪೆನಿ ಸ್ಮಾರ್ಟ್‌ಫೋನ್‌ ಮಾತ್ರವಲ್ಲದೆ ತನ್ನ ಸ್ಮಾರ್ಟ್‌ ಟ್ಯಾಬ್‌ಗಳಿಗೂ ಕೂಡ ಹೆಸರುವಾಸಿಯಾಗಿದೆ. ಅದರಂತೆ ಇತ್ತೀಚೆಗೆ MWC ನಲ್ಲಿ ತನ್ನ HONOR Pad 9 ಟ್ಯಾಬ್ಲೆಟ್‌ ಘೋಷಣೆ ಮಾಡಿತ್ತು. ಸದ್ಯ ಇದೀಗ, ಟ್ಯಾಬ್ಲೆಟ್‌ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡುವುದಕ್ಕೆ ತಯಾರಿ ನಡೆಸಿದೆ. ಅದರ ಲ್ಯಾಂಡಿಂಗ್ ಪೇಜ್‌ ಈಗ Amazon.in ನಲ್ಲಿ ಲೈವ್ ಆಗಿದೆ.

ಹೌದು, ಹಾನರ್‌ ಕಂಪೆನಿ ಹೊಸದಾಗಿ HONOR Pad 9 ಟ್ಯಾಬ್‌ ಅನ್ನು ಪರಿಚಯಿಸಲು ಸಿದ್ಧತೆ ನಡೆಸಿದೆ. ಇದರ ಮುನ್ಸೂಚನೆ ಎಂಬಂತೆ ಅಮೆಜಾನ್‌.ಇನ್‌ನಲ್ಲಿ ಲ್ಯಾಂಡಿಂಗ್‌ ಪೇಜ್‌ ಲೈವ್‌ ಆಗಿದೆ. ಇದು ಬ್ಲೂಟೂತ್ ಕೀಬೋರ್ಡ್ ಅನ್ನು ಸಂಪೂರ್ಣವಾಗಿ ಉಚಿತವಾಗಿ ನೀಡುತ್ತದೆ ಎಂದು ವರದಿಯಾಗಿದೆ. ಹಾಗಾದ್ರೆ HONOR Pad 9 ಫೀಚರ್ಸ್‌ ಹೇಗಿರಲಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

HONOR Pad 9 ಟ್ಯಾಬ್‌ ಫೀಚರ್ಸ್‌ ಹೇಗಿದೆ?
HONOR Pad 9 ಟ್ಯಾಬ್ಲೆಟ್ ಸ್ಲಿಮ್ ಪ್ರೊಫೈಲ್ ಅನ್ನು ಹೊಂದಿದೆ. ಇದು 12.1-ಇಂಚಿನ 2.5K (WQXA) LCD ಸ್ಕ್ರೀನ್‌ ಒಳಗೊಂಡಿದೆ. ಈ ಡಿಸ್‌ಪ್ಲೇಯು 1,600x2,560 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದಲ್ಲಿದೆ. ಜೊತೆಗೆ ಡಿಸ್‌ಪ್ಲೇಯು 88% ಸ್ಕ್ರೀನ್-ಟು-ಬಾಡಿ ಅನುಪಾತದೊಂದಿಗೆ ಬರಲಿದೆ. ಈ ಸ್ಮಾರ್ಟ್‌ ಟ್ಯಾಬ್‌ 500 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಸ್‌ ಲೆವೆಲ್‌ನಲ್ಲಿದೆ.

HONOR Pad 9 ಟ್ಯಾಬ್‌ ಪ್ರೊಸೆಸರ್‌ ಯಾವುದು?
HONOR Pad 9 ಸ್ಮಾರ್ಟ್‌ಟ್ಯಾಬ್‌ 4nm ಸ್ನಾಪ್‌ಡ್ರಾಗನ್ 6 Gen 1 SoC ಪ್ರೊಸೆಸರ್‌ ಅನ್ನು ಹೊಂದಿದೆ. ಇದು ಆಂಡ್ರಾಯ್ಡ್‌ 13 ಆಧಾರಿತ MagicOS 7.2 ನಲ್ಲಿ ಕಾರ್ಯನಿರ್ವಹಿಸಲಿದೆ. ಹಾಗೆಯೇ 8GB +256GB ಇಂಟರ್‌ ಸ್ಟೋರೇಜ್‌ ಸಾಮರ್ಥ್ಯವನ್ನು ಒಳಗೊಂಡಿದೆ. ಇದಲ್ಲದೆ ಮೆಮೊರಿ ಕಾರ್ಡ್‌ ಬೆಂಬಲಿಸುವ ನಿರೀಕ್ಷೆಯನ್ನು ಸಹ ಇಡಲಾಗಿದೆ. ಈ ಟ್ಯಾಬ್‌ ಸ್ಮಾರ್ಟ್ ಕನೆಕ್ಟಿವಿಟಿ , ಸ್ಮಾರ್ಟ್ ಸರ್ವಿಸ್‌, ಸುಗಮ ಕಾರ್ಯಕ್ಷಮತೆ, ಗೌಪ್ಯತೆ ಮತ್ತು ಸುರಕ್ಷತೆಯನ್ನು ಒದಗಿಸಲಿದೆ ಎನ್ನಲಾಗಿದೆ.

HONOR Pad 9 ಟ್ಯಾಬ್‌ ಕ್ಯಾಮೆರಾ ನಿರೀಕ್ಷೆ ಏನು?
HONOR Pad 9 ಸಿಂಗಲ್‌ ರಿಯರ್‌ ಕ್ಯಾಮೆರಾವನ್ನು ಹೊಂದಿದೆ. ಇದು 13 ಮೆಗಾಪಿಕ್ಸೆಲ್ ಸೆನ್ಸಾರ್‌ f/2.0 ಅಪರ್ಚರ್ ಲೆನ್ಸ್‌ನಲ್ಲಿ ಬರಲಿದೆ. ಇದರೊಂದಿಗೆ ಟ್ಯಾಬ್‌ನಲ್ಲಿ 8 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ನೀಡಲಾಗುವುದು ಎಂದು ವರದಿಯಾಗಿದೆ. ಇದರಿಂದ ಬಳಕೆದಾರರು ಅತ್ಯುತ್ತಮ ವೀಡಿಯೊ ಕರೆ ಬೆಂಬಲವನ್ನು ಸಹ ಪಡೆದುಕೊಳ್ಳಬಹುದು ಎಂದು ನಿರೀಕ್ಷಿಸಲಾಗಿದೆ.

HONOR Pad 9 ಟ್ಯಾಬ್‌ ಬ್ಯಾಟರಿ ಮತ್ತು ಇತರೆ ಫೀಚರ್ಸ್‌
HONOR Pad 9 ಟ್ಯಾಬ್‌ 8300mAh ಬ್ಯಾಟರಿಯೊಂದಿಗೆ ಬರಲಿದ್ದು, 35W ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಬೆಂಬಲಿಸಲಿದೆ. ಈ ಸ್ಮಾರ್ಟ್‌ ಟ್ಯಾಬ್‌ ಮೀಡಿಯಾ ಮತ್ತು ಮನರಂಜನೆಗಾಗಿ, ಡ್ಯುಯಲ್ ಮೈಕ್ರೊಫೋನ್‌ಗಳನ್ನು ಹೊಂದಿದೆ. ಇದರಲ್ಲಿ ಧ್ವನಿ ವರ್ಧನೆ ಅಲ್ಗಾರಿದಮ್‌ಗಳೊಂದಿಗೆ 8 ಸ್ಪೀಕರ್ ಸೆಟಪ್ ಅನ್ನು ಒಳಗೊಂಡಿದೆ. ಇನ್ನು ಈ ಸ್ಮಾರ್ಟ್‌ಟ್ಯಾಬ್‌ TÜV ರೈನ್‌ಲ್ಯಾಂಡ್ ಲೋ ಬ್ಲೂ ಲೈಟ್ ಮತ್ತು TÜV ರೈನ್‌ಲ್ಯಾಂಡ್ ಫ್ಲಿಕರ್-ಮುಕ್ತ ಪ್ರಮಾಣೀಕರಣಗಳನ್ನು ಪಡೆದುಕೊಂಡಿದೆ.

HONOR Pad 9 ಟ್ಯಾಬ್‌ ಬೆಲೆ ಮತ್ತು ಲಭ್ಯತೆ
HONOR Pad 9 ಟ್ಯಾಬ್‌ ಭಾರತದಲ್ಲಿ ಯಾವ ಬೆಲೆಯಲ್ಲಿ ಬರಲಿದೆ ಎಂಬುದರ ಕುರಿತು ಯಾವುದೆ ಮಾಹಿತಿ ಬಹಿರಂಗವಾಗಿಲ್ಲ. ಆದರೆ ಇದು ಶೀಘ್ರದಲ್ಲಿಯೇ ಭಾರತಕ್ಕೆ ಎಂಟ್ರಿ ನೀಡಲಿದೆ ಎಂದು ಅಂದಾಜಿಸಲಾಗಿದೆ. ಇದರ ಕಲರ್‌ ಆಯ್ಕೆಗಳ ಬಗ್ಗೆಯೂ ಸಹ ಮುಂದಿನ ದಿನಗಳಲ್ಲಿ ತಿಳಿದು ಬರಲಿದೆ ಎಂದು ನಿರೀಕ್ಷಿಸಲಾಗಿದೆ.