Honor: ಹಾನರ್‌ನಿಂದ ಹೊಸ ಟ್ಯಾಬ್‌ ಅನಾವರಣ! ಬಿಗ್‌ ಸೈಜ್‌ ಡಿಸ್‌ಪ್ಲೇ.. 512GB ಸ್ಟೋರೇಜ್‌!

ಹಾನರ್‌ ಕಂಪೆನಿಯ ಮೊಬೈಲ್‌ಗಳಿಗೆ ಮಾತ್ರವಲ್ಲ ಟ್ಯಾಬ್‌ಗಳಿಗೂ ಕೂಡ ಮಾರುಕಟ್ಟೆಯಲ್ಲಿ ಬೇಡಿಕೆಯಿದೆ. ಇದೀಗ ಹಾನರ್‌ ಕಂಪೆನಿ ಹೊಸದಾಗಿ ಹಾನರ್‌ ಟ್ಯಾಬ್ಲೆಟ್‌ 9 ಅನ್ನು ಬಿಡುಗಡೆ ಮಾಡಿದೆ. ಈ ಸ್ಮಾರ್ಟ್‌ ಟ್ಯಾಬ್ಲೆಟ್‌ 12.1 ಇಂಚಿನ ಬಿಗ್‌ ಡಿಸ್‌ಪ್ಲೇ ಹೊಂದಿರುವುದು ವಿಶೇಷ. ಇದು ಆಕ್ಟಾ-ಕೋರ್ ಸ್ನಾಪ್‌ಡ್ರಾಗನ್ 6 Gen 1 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ.

ಹೌದು, ಹಾನರ್‌ ಟ್ಯಾಬ್ಲೆಟ್‌ 9 (honor tablet 9)ಅನ್ನು ಮಾರುಕಟ್ಟೆಯಲ್ಲಿ ಅನಾವರಣಗೊಳಿಸಿದೆ. ಈ ಸ್ಮಾರ್ಟ್‌ ಟ್ಯಾಬ್ಲೆಟ್‌ ಎಂಟು ಸ್ಪೀಕರ್‌ಗಳನ್ನು ಒಳಗೊಂಡಿದೆ. ಇದು 12GB RAM ಮತ್ತು 512GB ಆನ್‌ಬೋರ್ಡ್ ಸ್ಟೋರೇಜ್‌ನೊಂದಿಗೆ ಬರಲಿದ್ದು, 35W ವೇಗದ ಚಾರ್ಜಿಂಗ್ ಬೆಂಬಲಿಸಲಿದೆ. ಹಾಗಾದ್ರೆ ಈ ಹಾನರ್‌ ಟ್ಯಾಬ್ಲೆಟ್‌ 9 ಏನೆಲ್ಲಾ ಫೀಚರ್ಸ್‌ ಹೊಂದಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಹಾನರ್‌ ಟ್ಯಾಬ್ಲೆಟ್‌ 9 ಡಿಸ್‌ಪ್ಲೇ ರಚನೆ
ಹಾನರ್‌ ಟ್ಯಾಬ್ಲೆಟ್‌ 9 12.1 ಇಂಚಿನ 2.5K ಐಪಿಎಸ್‌ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಡಿಸ್‌ಪ್ಲೇ 1,600x2,560 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದಲ್ಲಿದೆ. ಇದು 249ppi ಪಿಕ್ಸೆಲ್ ಸಾಂದ್ರತೆ, 88% ಸ್ಕ್ರೀನ್-ಟು-ಬಾಡಿ ಅನುಪಾತದೊಂದಿಗೆ ಬರಲಿದೆ. ಇದಲ್ಲದೆ 10 ಮತ್ತು 10 ರಚನೆಯ ಅನುಪಾತವನ್ನು ಹೊಂದಿದ್ದು, 500 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಸ್‌ ನೀಡಲಿದೆ.

ಹಾನರ್‌ ಟ್ಯಾಬ್ಲೆಟ್‌ 9 ಪ್ರೊಸೆಸರ್‌ ಯಾವುದು?
ಈ ಟ್ಯಾಬ್ಲೆಟ್ 4nm ಸ್ನಾಪ್‌ಡ್ರಾಗನ್ 6 Gen 1 SoC ಪ್ರೊಸೆಸರ್‌ ವೇಗವನ್ನು ಹೊಂದಿದ್ದು, ಆಂಡ್ರಾಯ್ಡ್‌ 13 ಆಧಾರಿತ MagicOS 7.2 ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಹಾಗೆಯೇ 12GB RAM ಮತ್ತು 512GB ಇಂಟರ್‌ ಸ್ಟೋರೇಜ್‌ ಸಾಮರ್ಥ್ಯವನ್ನು ಪಡೆದುಕೊಂಡಿದೆ. ಇದು ಮೆಮೊರಿ ಕಾರ್ಡ್‌ ಬೆಂಬಲಿಸುವ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ.

ಹಾನರ್‌ ಟ್ಯಾಬ್ಲೆಟ್‌ 9 ಕ್ಯಾಮೆರಾ ಸೆಟ್‌ಅಪ್‌ ಏನಿದೆ?
ಹಾನರ್‌ ಟ್ಯಾಬ್ಲೆಟ್‌ 9 ಸಿಂಗಲ್‌ ರಿಯರ್‌ ಕ್ಯಾಮೆರಾ ಹೊಂದಿದೆ. ಇದು 13 ಮೆಗಾಪಿಕ್ಸೆಲ್ ಸೆನ್ಸಾರ್‌ f/2.0 ಅಪರ್ಚರ್ ಮತ್ತು ಆಟೋಫೋಕಸ್‌ ಸಾಮರ್ಥ್ಯದಲ್ಲಿದೆ. ಇದಲ್ಲದೆ 8 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ಸಹ ಪಡೆದಿದ್ದು, ಅತ್ಯುತ್ತಮ ವೀಡಿಯೊ ಕರೆ ಬೆಂಬಲ ನೀಡುವ ಭರವಸೆ ನೀಡಿದೆ.

ಹಾನರ್‌ ಟ್ಯಾಬ್ಲೆಟ್‌ 9 ಬ್ಯಾಟರಿ ಸಾಮರ್ಥ್ಯ
ಹಾನರ್‌ ಟ್ಯಾಬ್ಲೆಟ್‌ 9 8,300mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದ್ದು, 35W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಹೊಂದಿದೆ. ಒಂದೇ ಚಾರ್ಜ್‌ನಲ್ಲಿ 8 ಗಂಟೆಗಳವರೆಗೆ ವೀಡಿಯೊ ಪ್ಲೇಬ್ಯಾಕ್ ಟೈಂ ನೀಡಲಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಡ್ಯುಯಲ್ ಬ್ಯಾಂಡ್ ವೈ-ಫೈ, ಬ್ಲೂಟೂತ್ 5.1, ಮತ್ತು ಒಟಿಜಿ ಬೆಂಬಲದೊಂದಿಗೆ ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಬೆಂಬಲಿಸಲಿದೆ. ಇದಲ್ಲದೆ ಆಕ್ಸಿಲೆರೋಮೀಟರ್‌ ಮತ್ತು ಆಂಬಿಯೆಂಟ್‌ ಲೈಟ್‌ ಸೆನ್ಸಾರ್‌ ಅನ್ನು ಒಳಗೊಂಡಿರುತ್ತದೆ.

ಹಾನರ್ ಟ್ಯಾಬ್ಲೆಟ್ 9 ಬೆಲೆ ಮತ್ತು ಲಭ್ಯತೆ
Honor ಟ್ಯಾಬ್ಲೆಟ್ 9 8GB RAM + 128GB ಚೀನಾದಲ್ಲಿ ಸ್ಟೋರೇಜ್ ಮಾದರಿಯ ಆಯ್ಕೆಗೆ CNY 1,599 (ಸುಮಾರು 18,500ರೂ) ಬೆಲೆ ಹೊಂದಿದೆ. ಇದರ 8GB + 256GB ಮಾದರಿಯ ಬೆಲೆ CNY 1,699 (ಸುಮಾರು 20,500ರೂ)ಆಗಿದೆ. ಇನ್ನು 12GB + 256GB ಮಾದರಿಯ ಬೆಲೆ CNY 1,999 (ಸುಮಾರು 23,500ರೂ)ಆಗಿದೆ. ಇದನ್ನು ಮುಗುವಾಂಗ್ ವೈಟ್, ಸ್ಕೈ ಬ್ಲೂ, ಸ್ಟಾರಿ ಸ್ಕೈ ಗ್ರೇ ಕಲರ್‌ ಆಯ್ಕೆಗಳಲ್ಲಿ ನೀಡಲಾಗುತ್ತದೆ. ಇದು ಭಾರತದಲ್ಲಿಯು ಬಿಡುಗಡೆ ಆಗಲಿದೆಯಾ ಎಂಬುದರ ಬಗ್ಗೆ ಯಾವುದೇ ಮಾಹಿತಿಯಿಲ್ಲ.