ತಕ್ಷಣವೇ ಸಿಮ್‌-ಬ್ಯಾಂಕ್‌ಗೆ ನೀಡಿರುವ ಆಧಾರ್ ಮಾಹಿತಿ ಹಿಂಪಡೆಯಿರಿ..! ಹೇಗೆ..?

ಅವಕಾಶವಿದೆ:

ಸುಪ್ರೀಂ ಕೋರ್ಟ್ ನೀಡಿರುವ ಆದೇಶದ ಬಳಿಕ ಆಧಾರ್​ ಇ-ಕೆವೈಸಿ ಮಾಹಿತಿ ಹಾಗೂ ಬಯೋಮೆಟ್ರಿಕ್​ ಮಾಹಿತಿಯನ್ನು ಹಿಂಪಡೆಯಲು ಅವಕಾಶವಿದೆ ಎನ್ನಲಾಗಿದೆ. ಈ ಕುರಿತು ವಿಶಿಷ್ಠ ಗುರುತಿನ ಪ್ರಾಧಿಕಾರ UDAI ತನ್ನ ವೆಬ್​ಸೈಟ್​ನಲ್ಲಿ ಮಾಹಿತಿಯನ್ನು ನೀಡಲಾಗಿದೆ.

ಕರೆ ಮಾಡಿ:

ನೀವು ಸಲ್ಲಿಸಿರುವ ಆಧಾರ್ ಮಾಹಿತಿಯನ್ನು ಅಳಿಸಿ ಹಾಕುವ ಸಲುವಾಗಿ ನಿಮ್ಮ ಟೆಲಿಕಾಂ ಆಪರೇಟರ್‌ಗೆ ಕರೆಯನ್ನು ಮಾಡಿ. ಮಾಡಿದ ನಂತರದಲ್ಲಿ ನಿಮ್ಮ ಆಧಾರ್ ಮಾಹಿತಿಯನ್ನು ಅಳಿಸಿ ಹಾಕುವಂತೆ ಮನವಿ ಮಾಡಬಹುದಾಗಿದೆ.

ಮೇಲ್ ಮಾಡಿ:

ಇಲ್ಲದೇ ನಿಮ್ಮ ಟೆಲಿಕಾಂ ಆಪರೇಟರ್, ಇಲ್ಲವೇ ಬ್ಯಾಂಕ್ ಗಳಿಗೆ ನಿಮ್ಮ ಮಾಹಿತಿಯನ್ನು ಒಳಗೊಂಡ ಮೇಲ್ ವೊಂದನ್ನು ಬರೆದು, ನಿಮ್ಮ ಆಧಾರ್ ಮಾಹಿತಿಯನ್ನು ಹಿಂತಿರುಗಿಸುವಂತೆ ಕೋರಿಕೆಯನ್ನು ಸಲ್ಲಿಸಬಹುದಾಗಿದೆ.

ವ್ಯಾಲೆಟ್‌ಗಳು:

ಇದಲ್ಲದೇ ಸುಪ್ರಿಂ ಕೋರ್ಟ್​ ತೀರ್ಪಿನ ಬೆನ್ನಲ್ಲೇ ಪೇಟಿಎಂ, ಫೋನ್​ ಪೇ ಮೊಬೈಲ್​ ವ್ಯಾಲೆಟ್​ಗಳೊಂದಿಗೆ ಹಂಚಿಕೊಂಡಿರುವ ಆಧಾರ್​ ಡೇಟಾವನ್ನು ಇದೇ ಮಾದರಿಯಲ್ಲಿ ನೀವು ಹಿಂಪಡೆಯಬಹುದಾಗಿದೆ.

ಇನ್ನು ಮುಂದೆ ನೀಡಬೇಡಿ:

ಮೊಬೈಲ್ ವ್ಯಾಲೆಟ್‌ಗಳು, ಬ್ಯಾಂಕ್ ಅಕೌಂಟ್‌ಗಳು ಹಾಗೂ ಸಿಮ್‌ ಕಾರ್ಡ್‌ಗಳು ಆಧಾರ್ ಮಾಹಿತಿಯನ್ನು ಈಗಾಗಲೇ ಪಡೆದುಕೊಂಡಿವೆ, ಈ ಹಿನ್ನಲೆಯಲ್ಲಿ ಟೆಲಿಕಾಂ ಸಂಸ್ಥೆಗಳು, ಬ್ಯಾಂಕ್​ಗಳು ಈ ಮಾಹಿತಿಯನ್ನು ತೆಗೆದುಕೊಳ್ಳುವಂತಿಲ್ಲ. ಇನ್ನು ಮುಂದೆ ನೀವು ಎಲ್ಲಿಯೂ ಆಧಾರ್ ಕಾರ್ಡ್ ಮಾಹಿತಿಯನ್ನು ನೀಡಬೇಡಿ.