ಭಾರತದಲ್ಲಿ ಇಂಟರ್‌ನೆಟ್ ಬಳಕೆದಾರರ ಸಂಖ್ಯೆ ಎಷ್ಟು ಗೊತ್ತಾ?

ಈಗೇನಿದ್ದರೂ ಇಂಟರ್‌ನೆಟ್ ಮತ್ತು ಸ್ಮಾರ್ಟ್‌ಪೋನ್ ಜಮಾನ ಎನ್ನಬಹುದು. ಹಾಗಾಗಿ, ಎಲ್ಲಿ ಕಣ್ಣು ಹಾಯಿಸಿದರೂ ಅಲ್ಲೆಲ್ಲಾ ಜನರು ಸ್ಮಾರ್ಟ್‍ಫೋನ್‍ಗಳಲ್ಲೇ ಮುಳುಗಿ ಹೋಗಿರುವುದು ಈಗ ಸಾಮಾನ್ಯ ಎನಿಸಿಬಿಟ್ಟಿದೆ ಅಲ್ಲವೇ?. ಹಾಗಾದರೆ, 125 ಕೋಟಿಗೂ ಹೆಚ್ಚು ಜನಸಂಖ್ಯೆ ಇರುವ ಭಾರತದಲ್ಲಿ ಇಂಟರ್‌ನಟ್ ಬಳಕೆ ಮಾಡುವವರ ಸಂಖ್ಯೆ ಎಷ್ಟು ಗೊತ್ತಾ?

125 ಕೋಟಿಗೂ ಹೆಚ್ಚು ಜನಸಂಖ್ಯೆ ಇರುವ ಭಾರತದಲ್ಲಿ ಪ್ರಸ್ತುತ 40 ಕೋಟಿ ಇಂಟರ್‍ನೆಟ್ ಬಳಕೆದಾರರಿದ್ದಾರೆ.!! ಕೇಲವೇ ಕೆಲವು ವರ್ಷಗಳಲ್ಲಿ ಭಾರತದಲ್ಲಿ ಇಂಟರ್‌ನೆಟ್ ಬೆಳಕೆದಾರರಿದ್ದು, 2020ರ ವೇಳೆಗೆ ಇವರ ಸಂಖ್ಯೆ 65 ಕೋಟಿಗೆ ತಲುಪುವ ಸಾಧ್ಯತೆಗಳಿವೆ ಎನ್ನಲಾಗಿದೆ.!!

ಅಂಕಿಅಂಶಗಳ ಪ್ರಕಾರ, ಮೊಬೈಲ್‌ ಬಳಕೆದಾರರು ಪ್ರತಿದಿನ ಸರಾಸರಿ 177 ನಿಮಿಷಗಳ ಕಾಲ ತಮ್ಮ ಸ್ಮಾರ್ಟ್‍ಫೋನ್‍ಗಳನ್ನು ಬಳಕೆ ಮಾಡುತ್ತಿದ್ದಾರೆ. ಸಾಮಾಜಿಕ ಜಾಲತಾಣ, ವಿಡಿಯೊ ಹಾಗೂ ಇ-ಕಾಮರ್ಸ್ ಸೈಟ್‌ಗಳಲ್ಲಿ ಶಾಪಿಂಗ್ ಮಾಡುವವರ ಸಂಖ್ಯೆ ಬಹಳಷ್ಟು ಹೆಚ್ಚಿದೆ ಎಂದು ತಿಳಿದುಬಂದಿದೆ.!!

ಕಡಿಮೆ ಬೆಲೆಯಲ್ಲಿ ಸಿಗುವ ಸ್ಮಾರ್ಟ್‌ಫೋನ್ ಮತ್ತು ಅತ್ಯಂತ ಕಡಿಮೆ ದರದಲ್ಲಿ ಇಂಟರ್‍ನೆಟ್ ಸೇವೆಯ ಲಭ್ಯತೆ ಮತ್ತು ಗ್ರಾಮಾಂತರ ಪ್ರದೇಶದಲ್ಲೂ ಅತ್ಯುತ್ತಮ ರೀತಿಯಲ್ಲಿ ಇಂಟರ್‍ನೆಟ್ ಸೇವೆ ದೊರೆಯುತ್ತಿರುವುದು ಇಂಟರ್‌ನಟ್ ಬಳಕೆದಾರರ ಹೆಚ್ಚಳಕ್ಕೆ ಪ್ರಮುಖ ಕಾರಣವಾಗಿದೆ.!!