ಫೇಸ್‌ಬುಕ್‌ನಲ್ಲಿ ಅನಗತ್ಯ ಪೋಸ್ಟ್‌ಗಳನ್ನ ಹೈಡ್‌ ಮಾಡುವುದು ಹೇಗೆ?

ಹೌದು, ಫೇಸ್‌ಬುಕ್‌ನಲ್ಲಿ ನಿಮ್ಮ ಹಳೆಯ ಫೊಸ್ಟ್‌ಗಳನ್ನು ಡಿಲೀಟ್ ಮಾಡದೆ ಹಾಗೇಯೇ ಪೇಸ್‌ಬುಕ್‌ ಖಾತೆಯಿಂದ ಮರೆಯಾಗುವಂತೆ‌ ಮಾಡಬಹುದಾಗಿದೆ. ಅದಕ್ಕಾಗಿ ಫೇಸ್‌ಬುಕ್ ಈಗಾಗಲೇ ''Manage Activity' ಟೂಲ್ ಒಂದನ್ನು ಪರಿಚಯಿಸಿದೆ. ಈ ಆಯ್ಕೆಯಲ್ಲಿ ಬಳಕೆದಾರರು ಹಳೆಯ ಫೊಸ್ಟ್‌ಗಳು ನಿಮಗೆ ಅನಗತ್ಯ ಎನಿಸಿದರೆ ಅವುಗಳನ್ನು ಹೈಡ್‌ ಮಾಡಬಹುದಾಗಿದೆ. ಹಾಗಾದರೆ ಫೇಸ್‌ಬುಕ್‌ನಲ್ಲಿ ಅನಗತ್ಯ ಫೋಸ್ಟ್‌ಗಳನ್ನ ಕ್ಲಿಯರ್ ಮಾಡುವುದು ಹೇಗೆ ಎನ್ನುವುದನ್ನು ತಿಳಿಯಲು ಮುಂದೆ ಓದಿರಿ.

ಏನಿದು ಫೇಸ್‌ಬುಕ್‌ Manage Activity ಟೂಲ್?

ಫೇಸ್‌ಬುಕ್ ಬಳಕೆದಾರರು ತಮ್ಮ ಖಾತೆಯನ್ನು ನಿರ್ವಹಣೆ ಮಾಡುವುದಕ್ಕಾಗಿ ಪರಿಚಯಿಸಿರುವ ಟೂಲ್‌ ಇದಾಗಿದೆ. ಈ ಟೂಲ್‌ ಮೂಲಕ ಬಳಕೆದಾರರು ತಮ್ಮ ಫೋಸ್ಟ್‌ಗಳನ್ನ ನಿರ್ವಹಣೆ ಮಾಡಬಹುದಾಗಿದೆ. ನಿಮಗೆ ಅನವಶ್ಯಕೆ ಎನಿಸುವ ಫೋಸ್ಟ್‌ಗಳನ್ನ ಹೈಡ್‌ ಮಾಡುವುದು ಇಲ್ಲವೇ ಆರ್ಕೈವ್‌ ಮಾಡುವುದು ಅಥವಾ ಥ್ರ್ಯಾಶ್‌ ಔಟ್‌ ಮಾಡುವುದಕ್ಕೆ ಇದು ಸಹಾಯಕವಾಗಲಿದೆ.

ಫೇಸ್‌ಬುಕ್‌ನಲ್ಲಿ ಬಳಕೆದಾರರು ಸಾಮಾನ್ಯವಾಗಿ ತಮ್ಮ ನೆಚ್ಚಿನ ಇಮೇಜ್‌ಗಳು, ಕೆಲವು ಸಮಾರಂಭದ ಫೋಟೊಗಳು ಇತರೆ ಸಂದೇಶಗಳನ್ನ ಪೋಸ್ಟ್‌ ಮಾಡಿರುತ್ತಾರೆ. ಆದರೆ ಕೆಲವೊಮ್ಮೆ ನಿಮ್ಮ ಫೇಸ್‌ಬುಕ್‌ ಖಾತೆಯನ್ನು ಬೇರೆಯವರು ನೊಡುವ ಸಂದರ್ಭ ಬಂದಾಗ ಕೆಲ ಅನಗತ್ಯ ಪೋಸ್ಟ್‌ಗಳು ನಿಮಗೆ ಕಿರಿಕಿರಿ ಎನಿಸಬಹುದು. ಇದೇ ಕಾರಣಕ್ಕೆ ನೀವು ಈ ಹಿಂದೆ ಮಾಡಿರುವ ಅನಗತ್ಯ ಎನಿಸುವ ಪೋಸ್ಟ್‌ಗಳನ್ನ ಡಿಲೀಟ್‌ ಮಾಡುವುದು ಉತ್ತಮ, ಇಲ್ಲವೇ ಅರ್ಕೈವ್‌ ಉತ್ತಮ ಎನಿಸಿಕೊಳ್ಳಲಿದೆ. ಇದಕ್ಕೆ ಫೇಸ್‌ಬುಕ್‌ Manage Activity ಟೂಲ್ ಉಪಯುಕ್ತವಾಗಲಿದೆ. ಹಾಗಾದ್ರೆ ಫೇಸ್‌ಬುಕ್‌ Manage Activity ಟೂಲ್ ಅನ್ನು ಬಳಸುವುದು ಹೇಗೆ ಅನ್ನೊದನ್ನ ಹಂತಹಂತವಾಗಿ ತಿಳಿಯಿರಿ.

ಫೇಸ್‌ಬುಕ್ ಪ್ರೊಫೈಲ್‌ನಿಂದ ಹಳೆಯ ಅನಗತ್ಯ ಪೋಸ್ಟ್‌ಗಳನ್ನು ಹೈಡ್‌ ಮಾಡುವುದು ಹೇಗೆ

ಹಂತ 1: ಫೇಸ್‌ಬುಕ್ ತೆರೆಯಿರಿ ಮತ್ತು ನಿಮ್ಮ ಪ್ರೊಫೈಲ್ ತೆರೆಯಿರಿ

ಹಂತ 2: ಆಕ್ಟಿವಿಟಿ ಲಾಗ್ ಟ್ಯಾಪ್ ಮಾಡಿ> Manage Activity> ನಿಮ್ಮ ಪೋಸ್ಟ್‌ಗಳು

ಹಂತ 3: ಫಿಲ್ಟರ್‌ಗಳನ್ನು ಟ್ಯಾಪ್ ಮಾಡಿ ಮತ್ತು ನಿಮ್ಮ ಪೋಸ್ಟ್‌ಗಳನ್ನು ಸಂಘಟಿಸಲು ನಿಮಗೆ ಯಾವುದೇ ಮಾನದಂಡಗಳಿದ್ದರೆ "ಜನರು" ಅಥವಾ "ದಿನಾಂಕ" ದಿಂದ ಆಯ್ಕೆ ಮಾಡಿ ಅಥವಾ ನೀವು "categories" ಅನ್ನು ಟ್ಯಾಪ್ ಮಾಡಿ.

ಹಂತ 4: ಈಗ ಪೋಸ್ಟ್‌ಗಳನ್ನು ಆಯ್ಕೆ ಮಾಡಿ ಮತ್ತು "ಆರ್ಕೈವ್" ಅಥವಾ "ಅನುಪಯುಕ್ತ" ಆಯ್ಕೆಗಳನ್ನು ಟ್ಯಾಪ್ ಮಾಡಿ.

ಇದೀಗ ನಿಮ್ಮ ಅನಗತ್ಯ ಪೋಸ್ಟ್‌ಗಳು ಹೈಡ್‌ ಆಗಲಿವೆ.