ವಿಂಡೋಸ್ 10 ನಲ್ಲಿ ನಿಮ್ಮ ಅಕೌಂಟ್‌ ಹೆಸರನ್ನು ಬದಲಾಯಿಸುವುದು ಹೇಗೆ?

ಹೌದು, ವಿಂಡೋಸ್‌ 10 ಆಪರೇಟಿಂಗ್‌ ಸ್ಟಿಸ್ಟಂನಲ್ಲಿ ನಿಮ್ಮ ಅಕೌಂಟ್‌ ಹೆಸರನ್ನು ಸುಲಭವಾಗಿ ಬದಲಾಯಿಸಬಹುದಾಗಿದೆ. ನಿಮ್ಮ ಸಿಸ್ಟಂನಲ್ಲಿರುವ ನಿಮ್ಮ ಅಕೌಂಟ್‌ ಹೆಸರು ಬದಲಾಯಿಸುವುದಕ್ಕೆ ಮತ್ತು ಪ್ರೊಫೈಲ್‌ನಲ್ಲಿ ಬದಲಾವಣೆಗಳನ್ನು ಮಾಡಬೇಕೆಂದು ಕೊಂಡರೆ ಅದಕ್ಕೆ ಇದರಲ್ಲಿ ಅವಕಾಶವನ್ನು ನೀಡಲಾಗಿದೆ. ಇನ್ನು ವಿಂಡೋಸ್ 10 ಆಪರೇಟಿಂಗ್ ಸಿಸ್ಟಂನಲ್ಲಿ ನಿಮ್ಮ ಖಾತೆಯ ಹೆಸರನ್ನು ನೀವು ಹೇಗೆ ಬದಲಾಯಿಸಬಹುದು ಅನ್ನೊದನ್ನ ಈ ಲೇಖನದಲ್ಲಿ ಹಂತಹಂತವಾಗಿ ತಿಳಿದುಕೊಳ್ಳೋಣ ಬನ್ನಿರಿ.

ವಿಂಡೋಸ್‌ 10 ನಿಮ್ಮ ಅಕೌಂಟ್‌ ಹೆಸರನ್ನು ನಿಮ್ಮ ಅಗತ್ಯಕ್ಕೆ ತಕ್ಕಂತೆ ಬದಲಾಯಿಸಿಕೊಳ್ಳಬಹುದಾಗಿದೆ. ಖಾತೆಯ ಹೆಸರನ್ನು ಬದಲಾಯಿಸುವುದರಿಂದ ನೀವು ಬಯಸುವ ಯಾವುದೇ ಮಾಹಿತಿಯನ್ನು ನೀವು ಹುಡುಕುವುದಕ್ಕೆ ಸುಲಭವಾಗಲಿದೆ. ಅಲ್ಲದೆ ನಿಮ್ಮ ಖಾತೆಯನ್ನು ನಿಮ್ಮದೇ ಹೆಸರಲ್ಲಿ ಲಾಗ್‌ ಇನ್‌ ಆಗುವುದಕ್ಕೆ ಇದು ಸುಲಭವಾಗಲಿದೆ. ಇದೇ ಕಾರಣಕ್ಕೆ ಕೆಲವು ಬಳಕೆದಾರರು ತಮ್ಮ ಖಾತೆಯ ಹೆಸರನ್ನು ಬದಲಾಯಿಸುವುದಕ್ಕೆ ಮುಂದಾಗುತ್ತಾರೆ. ನೀವು ಕೂಡ ನಿಮ್ಮ ವಿಂಡೋಸ್‌10 ಖಾತೆಯ ಹೆಸರನ್ನು ಬದಲಾಯಿಸಬೇಕೆಂದು ಕೊಂಡಿದ್ದರೆ ಈ ಹಂತಗಳನ್ನು ಅನುಸರಿಸಿ.

ವಿಂಡೋಸ್ 10 ನಲ್ಲಿ ನಿಮ್ಮ ಅಕೌಂಟ್‌ ಹೆಸರನ್ನು ಬದಲಾಯಿಸುವುದು ಹೇಗೆ?

ಹಂತ 1: ನಿಮ್ಮ ವಿಂಡೋಸ್ 10 ಕಂಪ್ಯೂಟರ್‌ನಲ್ಲಿ Control Panel ಅನ್ನು ತೆರೆಯಿರಿ.

ಹಂತ 2: "User Accounts" ವಿಭಾಗದ ಅಡಿಯಲ್ಲಿ, "Change the account type" ಲಿಂಕ್ ಕ್ಲಿಕ್ ಮಾಡಿ.

ಹಂತ 3: ಈಗ, ನೀವು ಹೆಸರನ್ನು ಬದಲಾಯಿಸಲು ಬಯಸುವ ಖಾತೆಯ ಮೇಲೆ ಕ್ಲಿಕ್ ಮಾಡಿ.

ಹಂತ 4: ಮುಂದಿನ ಪರದೆಯಲ್ಲಿ, "Change the account name" ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.

ಹಂತ 5: ನಿಮ್ಮ ಹೊಸ ಖಾತೆಯ ಹೆಸರನ್ನು ನಮೂದಿಸಿ ಮತ್ತು ನಂತರ "Change the name" ಬಟನ್ ಕ್ಲಿಕ್ ಮಾಡಿ.

ಇದೀಗ, ನೀವು ಖಾತೆಯ ಹೆಸರನ್ನು ನೋಡಿದಾಗಲೆಲ್ಲಾ, ವಿಂಡೋಗಳಿಗೆ ಲಾಗ್ ಇನ್ ಮಾಡುವಾಗ ಅಥವಾ ಲಾಗ್ out ಟ್ ಮಾಡುವಾಗ, ಹೊಸ ಖಾತೆಯ ಹೆಸರನ್ನು ನೀವು ಗಮನಿಸಬಹುದು.