ವಾಣಿಜ್ಯ ಲ್ಯಾಪ್‌ಟಾಪ್‌ಗಳಲ್ಲಿ 'ಎಚ್‌ಪಿ 'ಪ್ರೊ ಬುಕ್ 445 ಜಿ6' ಬೆಸ್ಟ್ ಆಯ್ಕೆ!

ಎಎಮ್‌ಡಿ ರೈಜೆನ್ ಕ್ವಾಡ್-ಕೋರ್ ಸಿಪಿಯುಗಳ ಆಯ್ಕೆ, ದೀರ್ಘ ಬ್ಯಾಟರಿ ಭರವಸೆಯೊಂದಿಗೆ ಎಚ್‌ಪಿ 'ಪ್ರೋಬುಕ್ 445 ಜಿ 6' ನೋಟ್ ಬುಕ್ ಬಿಡುಗಡೆಯಾಗಿದ್ದು, ಅಲ್ಟ್ರಾ ಸ್ಲಿಮ್ ಹಾಗೂ ಸ್ಟೈಲಿಶ್ ಆಗಿರುವ ಈ ನೋಟ್ಬುಕ್ ತುಂಬಾ ಹಗುರವಾಗಿದೆ. 18MM ದಪ್ಪವಿರುವ ಇದರ ತೂಕ ಕೇವಲ 1.6 ಕಿ.ಗ್ರಾಂ.ಗಳಿರುವುದರಿಂದ ವಾಣಿಜ್ಯ ಗ್ರಾಹಕರನ್ನು ಸೆಳೆಯುವಲ್ಲಿ ಸಫಲವಾಗಿದೆ.

ಈ ಪ್ರೋಬುಕ್ 445 ಜಿ 6' 400 ಸರಣಿಯ ಮೊದಲ ಪ್ರೊ ಬುಕ್ ಉತ್ಪನ್ನವಾಗಿದ್ದು, ಎಎಂಡಿ ರೈಜನ್ ಪ್ರೊಸೆಸರ್ ಹೊಂದಿರುವ ಈ ನೋಟ್ ಬುಕ್ ಅನ್ನು ಆಧುನಿಕ ವ್ಯವಹಾರದ ಉತ್ಪಾದನೆ ಹೆಚ್ಚಿಸುವ ಸಲುವಾಗಿ ತಯಾರಿಸಲಾಗಿದೆ. ಎಎಂಡಿ ರೈಜನ್ ಪ್ರೊಸೆಸರ್ ಹೊಂದಿರುವ ಈ ನೋಟ್ ಬುಕ್ ಉದ್ಯಮಗಳಿಗೆ ಹೆಚ್ಚು ನೆರವಾಗಲಿದೆ ಎಂದು ಎಚ್‌ಪಿ ಕಂಪೆನಿಯು ಹೇಳಿಕೊಂಡಿದೆ.

14 ಇಂಚಿನ ಪ್ರದರ್ಶನ, 30 ನಿಮಿಷಗಳಲ್ಲಿ 50 ಪ್ರತಿಶತ ಫಾಸ್ಟ್ ಚಾರ್ಜ್, 16GB ವರೆಗೆ ಡಿಡಿಆರ್ 4 RAM , M.2 SSD 512GB ಮತ್ತು 1TB ಯಾಂತ್ರಿಕ ಹಾರ್ಡ್ ಡ್ರೈವ್ ಸೇರಿದಂತೆ, ಯುಎಸ್‌ಬಿ ಟೈಪ್-ಸಿ ಪೋರ್ಟ್, ಎಚ್‌ಡಿಎಂಐ 1.4 ಬಿ, ಲ್ಯಾನ್, ಹೆಡ್‌ಫೋನ್ ಮತ್ತು ಮೈಕ್ರೊಫೋನ್ ಕಾಂಬೊ ಮತ್ತು ಎಸ್‌ಡಿ ಕಾರ್ಡ್ ರೀಡರ್ ಅನ್ನು ಈ ಪ್ರೋ ಬುಕ್ ಒಳಗೊಂಡಿದೆ.

ಈ ಸಾಧನವನ್ನು ವ್ಯಾಪಾರಕ್ಕಾಗಿ ವಿನ್ಯಾಸಗೊಳಿಸಲಾಗಿರುವುದರಿಂದ,ಇದು ಹೆಚ್ಚುವರಿ ಡೇಟಾ ಮತ್ತು ಗುರುತಿನ ಕಳ್ಳತನ ತಡೆಗಟ್ಟುವ ವ್ಯವಸ್ಥೆಯನ್ನು ಹೊಂದಿದೆ. ಇದು BIOSphere Gen4 ಅನ್ನು ಹೊಂದಿದ್ದು, ಮಾಲ್‌ವೇರ್‌ನಿಂದ ಸ್ವಯಂಚಾಲಿತ ರಕ್ಷಣೆ ನೀಡುತ್ತದೆ ಎಂದು ಕಂಪೆನಿ ತಿಳಿಸಿದೆ. ಈ 'ಎಚ್‌ಪಿ ಪ್ರೋ ಬುಕ್ 445 ಜಿ' 67,260 ರೂ.ಗಳಿಗೆ ಮಾರುಕಟ್ಟೆಯಲ್ಲಿ ಲಭ್ಯವಿದೆ.