ಭಾರತದ ಮಾರುಕಟ್ಟೆಗೆ ಹುವಾವೇ ಫ್ರೀಬಡ್ಸ್ 3 ಇಯರ್‌ಫೋನ್‌ ಎಂಟ್ರಿ!

ಹೌದು, ಜನಪ್ರಿಯ ಸ್ಮಾರ್ಟ್‌ಫೋನ್‌ ಬ್ರ್ಯಾಂಡ್‌ ಆಗಿರುವ ಹುವಾವೇ ಇದೀಗ ಟ್ರೂಲಿ ವಾಯರ್‌ಲೆಸ್‌ ಇಯರ್‌ಫೋನ್‌ ಮಾರುಕಟ್ಟೆಯಲ್ಲಿಯೂ ಸಖತ್‌ ಸೌಂಡ್‌ ಮಾಡ್ತಿದೆ. ತನ್ನ ಹೊಸ ಮಾದರಿಯ ಟ್ರೂಲಿ ವಾಯರ್‌ಲೆಸ್‌ ಇಯರ್‌ಫೋನ್‌ಗಳನ್ನ ಪರಿಚಯಿಸಿರುವ ಹುವಾವೇ ಇದೀಗ ಭಾರತದ ಮಾರುಕಟ್ಟೆಯಲ್ಲಿ ಫ್ರೀಬಡ್ಸ್ 3 ಇಯರ್‌ಫೋನ್‌ಗಳನ್ನು ಬಿಡುಗಡೆ ಮಾಡಿದೆ. ಇನ್ನು ಈ ಹೊಸ ಟ್ರೂಲಿ ವಾಯರ್‌ಲೆಸ್ ಇಯರ್‌ಫೋನ್‌ಗಳು ಆಕ್ಟಿವ್‌ ನಾಯ್ಸ್‌ ಕ್ಯಾನ್ಸಲೇಶನ್‌ ಅನ್ನು ಹೊಂದಿದ್ದು, ಓಪನ್-ಫಿಟ್ ಹೊಂದಿರುವ ಟ್ರೂಲಿ ವಾಯರ್‌ಲೆಸ್‌ ಇಯರ್‌ಫೋನ್‌ ಇದಾಗಿದೆ ಎಂದು ಹೇಳಲಾಗಿದೆ.

ಇನ್ನು ಹುವಾವೇ ಫ್ರೀ ಬಡ್ಸ್‌ 3 ಇಯರ್‌ಫೋನ್‌ ಆಕ್ಟಿವ್‌ ನಾಯ್ಸ್‌ ಕ್ಯಾನ್ಸಲೇಶನ್‌ ಓಪನ್-ಫಿಟ್ ಒಳಗೊಂಡಿದೆ. ಅಲ್ಲದೆ ಇಂದಿನ ಯುವ ಜನತೆಯ ಆಶಯಕ್ಕೆ ತಕ್ಕಂತೆ ಈ ವಾಯರ್‌ಲೆಸ್‌ ಇಯರ್‌ಫೊನ್‌ಗಳನ್ನ ವಿನ್ಯಾಸಗೊಳಿಸಲಾಗಿದ್ದು, ಆಪಲ್‌ನ ಟ್ರೂಲಿ ವಾಯರ್‌ಲೆಸ್‌ ಇಯರ್‌ಫೋನ್‌ಗಳಿಗೆ ಸ್ಪರ್ಧೆ ನಿಡಲಿದೆ ಎಂದು ಹೇಳಲಾಗ್ತಿದೆ. ಇದಲ್ಲದೆ ಈ ಇಯರ್‌ಫೋನ್‌ಗಳು ಕಿರಿನ್ ಎ 1 ಚಿಪ್ ಮತ್ತು ಬ್ಲೂಟೂತ್ 5.1 ನಿಂದ ಕಂಟ್ರೋಲ್‌ ಮಾಡಬಹುದಾಗಿದ್ದು, 14mm ಆಡಿಯೋ ಡೈನಾಮಿಕ್ ಡ್ರೈವರ್‌ಗಳನ್ನು ಹೊಂದಿವೆ.

ಇದಲ್ಲದೆ ಆಕ್ಟಿವ್ ನಾಯ್ಸ್‌ ಕ್ಯಾನ್ಸಲೇಶನ್‌ ಹೊಂದಿರುವ ಫ್ರೀಬಡ್ಸ್ 3 ಮಾತ್ರ ಓಪನ್-ಫಿಟ್ ಟ್ರೂಲಿ ವಾಯರ್‌ಲೆಸ್‌ ಇಯರ್‌ಫೋನ್‌ ಆಗಿದೆ ಎಂದು ಹುವಾವೇ ಹೇಳಿಕೊಂಡಿದೆ. ಏಕೆಂದರೆ ಪರಿಣಾಮಕಾರಿ ಆಕ್ಟಿವ್‌ ನಾಯ್ಸ್‌ ಕ್ಯಾನ್ಸಲೇಶನ್‌ ಅನ್ನು ಖಚಿತಪಡಿಸಿಕೊಳ್ಳಲು ಒಂದು ನಿರ್ಣಾಯಕ ಅವಶ್ಯಕತೆ. ಇನ್ನು ಈ ವೈಶಿಷ್ಟ್ಯದ ಸೆಟ್ ಎಂದರೆ ಹುವಾವೇ ಫ್ರೀಬಡ್ಸ್ 3 ಅನ್ನು ಆಪಲ್ ಏರ್‌ಪಾಡ್ಸ್ ಪ್ರೊ ಗೆ ಸಮನಾಗಿ ವಿನ್ಯಾಸಗೊಳಿಸಲಾಗಿದೆ. ಇನ್ನು ಫ್ರೀ ಬಡ್ಸ್ 3 ಅನ್ನು ಖರೀದಿಸುವ ಗ್ರಾಹಕರು ಇಯರ್‌ಫೋನ್‌ಗಳೊಂದಿಗೆ ಹುವಾವೇ ಸಿಪಿ 61 ವೈರ್‌ಲೆಸ್ ಚಾರ್ಜರ್ ಅನ್ನು ಸಹ ಪಡೆದುಕೊಳ್ಳಬಹುದಾಗಿದೆ.

ಇನ್ನು ಭಾರತದಲ್ಲಿ ಹುವಾವೇ ಫ್ರೀಬಡ್ಸ್ 3 ಇಯರ್‌ಫೋನ್‌ 12,990 ರೂ. ಬೆಲೆಗೆ ಲಬ್ಯವಾಗಲಿದ್ದು, ಇದೇ ಮೇ 20 ರಂದು ಅಮೆಜಾನ್‌ನಲ್ಲಿ ಮಾರಾಟವಾಗಲಿದೆ ಎನ್ನಲಾಗಿದೆ. ಇನ್ನು ಈ ಇಯರ್‌ಫೋನ್‌ಗಳು ಯಾವ ಕಲರ್‌ ಮಾದರಿಯಲ್ಲಿ ಲಭ್ಯವಾಗಲಿದೆ ಅನ್ನೊದು ಮಾತ್ರ ಇನ್ನು ತಿಳಿದು ಬಂದಿಲ್ಲ.