ಶೀಘ್ರದಲ್ಲೇ ಬರಲಿದೆ Huawei Mate 70 ಸ್ಮಾರ್ಟ್‌ಫೋನ್! ನಿರೀಕ್ಷಿತ ಫೀಚರ್ಸ್‌ ಏನು?

ಟೆಕ್ ವಲಯದಲ್ಲಿ ಹುವಾವೇ (Huawei) ಕಂಪನಿಯ ಸ್ಮಾರ್ಟ್‌ಫೋನ್‌ಗಳು ಸಂಚಲನ ಮೂಡಿಸುತ್ತಿವೆ. ಬೇರೆ ಬೇರೆ ಬ್ರಾಂಡ್‌ನ ಸ್ಮಾರ್ಟ್‌ಫೋನ್‌ಗಳಿಗೆ ಸಖತ್ ಪೈಪೋಟಿ ನೀಡುವಲ್ಲಿಯೂ ಈ ಮೊಬೈಲ್‌ಗಳು ಯಶಸ್ವಿಯಾಗಿವೆ. ಇದೀಗ ಸದ್ದಿಲ್ಲದೆ ನೂತನ ಸ್ಮಾರ್ಟ್‌ಫೋನ್‌ ಒಂದನ್ನು ಘೋಷಿಸಲು ಸಂಸ್ಥೆ ಸಿದ್ದವಾಗಿದೆ ಎಂಬ ವದಂತಿಗಳು ಹರಿದಾಡುತ್ತಿವೆ. Huawei ಈ ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ Mate 60 ಶ್ರೇಣಿಯ ಮುಂದಿನ ಜನರೇಷನ್‌ನ ಮೊಬೈಲ್‌ ಆಗಿ Mate 70 ಸರಣಿಯನ್ನು ಘೋಷಿಸುವ ನಿರೀಕ್ಷೆಯಿದೆ. ಇದು Huawei Mate 70, Mate 70 Pro ಮತ್ತು Mate 70 Pro+ ಮಾದರಿಗಳನ್ನು ಒಳಗೊಂಡಿರಬಹುದು ಎಂದು ಹೇಳಲಾಗುತ್ತಿದೆ.

ಚೀನೀ ಟೆಕ್ ಬ್ರ್ಯಾಂಡ್ ಈ ನೂತನ ಸರಣಿಯ ಮೊಬೈಲ್ ಬರುವಿಕೆ ಕುರಿತು ಇನ್ನೂ ದೃಢೀಕರಿಸಿಲ್ಲ. ಆದರೆ Weibo ವೆಬ್‌ಸೈಟ್‌ನಲ್ಲಿ ಅದರ ವಿಶೇಷತೆಗಳನ್ನು ವಿವರಿಸುವ ಮಾಹಿತಿ ಸೋರಿಕೆಯಾಗಿದೆ. Huawei Mate 70 ಫೋನ್‌ಗಳು ಅಪ್ಡೇಟೆಡ್ ಕಿರಿನ್ ಚಿಪ್‌ಸೆಟ್ ಮತ್ತು ಸುಧಾರಿತ ಇಮೇಜಿಂಗ್ ಸಾಮರ್ಥ್ಯದ ಜೊತೆಗೆ ಬರಲಿದೆ ಎಂದು ಹೇಳಲಾಗುತ್ತಿದೆ. ಅವು ವೈರ್‌ಲೆಸ್ ಚಾರ್ಜಿಂಗ್ ಮತ್ತು ಸ್ಯಾಟಲೈಟ್ ಸೆನ್ಸಾರ್‌ ಅನ್ನು ಸಹ ಹೊಂದಿರಲಿವೆ ಎಂದು ಹೇಳಲಾಗಿದೆ.

Huawei Mate 70 ಸರಣಿಯ ನಿರೀಕ್ಷಿತ ವಿಶೇಷತೆಗಳು:
ಹುವಾವೇ ಮೇಟ್ 70 ಸರಣಿಯು ಸ್ಯಾಟಲೈಟ್ ಸೆನ್ಸಾರ್ ಬೆಂಬಲದಂತಹ ಗಮನಾರ್ಹ ಅಪ್‌ಡೇಟ್ ಗಳೊಂದಿಗೆ ಮಾರುಕಟ್ಟೆಗೆ ಬರುತ್ತದೆ ಎಂದು Weibo ಮೂಲಕ ಟಿಪ್‌ಸ್ಟರ್ ಸ್ಮಾರ್ಟ್ ಪಿಕಾಚು ಪೋಸ್ಟ್ ಮೂಲಕ ವಿವರಿಸಿದ್ದಾರೆ. ಇದು ಹೊಸ ವೇರಿಯಬಲ್ ಅಪರ್ಚರ್ ತಂತ್ರಜ್ಞಾನ ಮತ್ತು ಪೆರಿಸ್ಕೋಪ್ ಟೆಲಿಫೋಟೋ ಸೆನ್ಸಾರ್ ಅನ್ನು ಹೊಂದಿದೆ ಎಂದು ಹೇಳಲಾಗುತ್ತಿದೆ. ತಲ್ಲೀನಗೊಳಿಸುವ ವೀಡಿಯೊ ಮತ್ತು ಆಡಿಯೊ ಅನುಭವವನ್ನು ಒದಗಿಸಲು ಹ್ಯಾಂಡ್‌ಸೆಟ್‌ಗಳು 3D ಲೋಕಲ್ ಜೂಮ್ ವೈಶಿಷ್ಟ್ಯವನ್ನು ನೀಡುವ ಸಾಧ್ಯತೆ ಇದ್ದು, ಇದು ಅಕ್ಟೋಬರ್‌ನಲ್ಲಿ ಲಾಂಚ್ ಆಗುವ ನಿರೀಕ್ಷೆಯಿದೆ.

Huawei Mate 70 ಲೈನ್‌ಅಪ್ Hongmeng ಕರ್ನಲ್‌ನಲ್ಲಿ ನಿರ್ಮಿಸಲಾದ HarmonyOS ನೆಕ್ಸ್ಟ್ ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯನಿರ್ವಹಿಸಲು ಸಿದ್ದವಾಗಿದೆ. ಇದು AI ಆಧಾರಿತ ವೈಶಿಷ್ಟ್ಯದ ಜೊತೆಗೆ ಕಿರಿನ್ ಚಿಪ್‌ ನಿಂದ ರವಾನೆಯಾಗುವ ನಿರೀಕ್ಷೆಯಿದೆ. ಮುಂಬರುವ ಸ್ಮಾರ್ಟ್‌ಫೋನ್‌ಗಳು 1.5K ರೆಸಲ್ಯೂಶನ್ ಡಿಸ್‌ಪ್ಲೇಗಳನ್ನು ಹೊಂದಿರಲಿವೆ ಎಂದು ಹೇಳಲಾಗುತ್ತಿದೆ.

Huawei Mate 60 ಬೆಲೆ, ವಿಶೇಷಣಗಳು:

Huawei Mate 60 ಅನ್ನು ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಬಿಡುಗಡೆ ಮಾಡಲಾಗಿದ್ದು, CNY 5,999 ಅಂದರೆ ಸುಮಾರು ರೂ. 68,500 ಆರಂಭಿಕ ಬೆಲೆಯೊಂದಿಗೆ ಪ್ರಾರಂಭಿಸಲಾಯಿತು. ಇದು ಹಾರ್ಮನಿ OS 4 ನಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು 6.69 ಇಂಚಿನ LTPO OLED (1,216x2,688 ಪಿಕ್ಸೆಲ್‌ಗಳ) ಡಿಸ್‌ಪ್ಲೇಯನ್ನು 120Hz ವರೆಗಿನ ಅಡಾಪ್ಟಿವ್ ರಿಫ್ರೆಶ್ ರೇಟ್ ಹೊಂದಿರಲಿದೆ. ಇದು 50 MP ಪ್ರಾಥಮಿಕ ಸೆನ್ಸಾರ್ ಒಳಗೊಂಡಿರುವ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಸೆಲ್ಫಿಗಾಗಿ ಮುಂಭಾಗದಲ್ಲಿ 8 MP ಸೆನ್ಸಾರ್ ಕ್ಯಾಮೆರಾ ಹೊಂದಿದೆ.

Huawei Mate 60 ಇದು 66W ವೇಗದ ಚಾರ್ಜಿಂಗ್, 50W ವೈರ್‌ಲೆಸ್ ವೇಗದ ಚಾರ್ಜಿಂಗ್ ಮತ್ತು ರಿವರ್ಸ್ ವೈರ್‌ಲೆಸ್ ಚಾರ್ಜಿಂಗ್‌ನೊಂದಿಗೆ Huawei Mate 60 ನಲ್ಲಿ 4,750Ah ಬ್ಯಾಟರಿಯನ್ನು ಪ್ಯಾಕ್ ಮಾಡಿದೆ. ಇದು ನೀರಿನ ಪ್ರತಿರೋಧಕ್ಕಾಗಿ IP68 ರೇಟ್ ಮಾಡಲ್ಪಟ್ಟಿದೆ ಮತ್ತು 256GB, 512GB, ಮತ್ತು 1TB ಆನ್‌ಬೋರ್ಡ್ ಸ್ಟೋರೇಜ್ ಆಯ್ಕೆಗಳಲ್ಲಿ ಲಭ್ಯವಿದೆ. ಹ್ಯಾಂಡ್‌ಸೆಟ್ ಎರಡು ಮಾರ್ಗ ಬೀಡೌ ಸ್ಯಾಟಲೈಟ್ ಸೆನ್ಸಾರ್ ಕಾರ್ಯವನ್ನು ಸಹ ನಿರ್ವಹಿಸಲಿದೆ.