ಹುವಾವೆ ಸ್ಮಾರ್ಟ್‌ಫೋನ್‌ ಜಾಹೀರಾತಿಗೆ ಮರುಳಾಗಬೇಡಿ: ಇಲ್ಲಿದೆ ಅದರ ಕರಾಳ ಮುಖ..!

| Updated: Thursday, August 23, 2018, 10:32 [IST]

ಚೀನಾ ಮೂಲದ ಸ್ಮಾರ್ಟ್‌ಫೋನ್‌ಗಳು ಮಾರುಕಟ್ಟೆಯಲ್ಲಿ ದೊಡ್ಡ ಮಟ್ಟ ಸದ್ದು ಮಾಡುತ್ತಿವೆ, ಈ ಎಲ್ಲಾ ಸ್ಮಾರ್ಟ್‌ಫೋನ್ ಕಂಪನಿಗಳು ಹೆಚ್ಚಾಗಿ ತಮ್ಮ ಸ್ಮಾರ್ಟ್‌ಫೋನಿನಲ್ಲಿರುವ ಸೆಲ್ಪೀ ಕ್ಯಾಮೆರಾವನ್ನು ಹೈಲೈಟ್ ಮಾಡಿ ಸ್ಮಾರ್ಟ್‌ಫೋನ್ ಅನ್ನು ಮಾರಾಟ ಮಾಡುತ್ತಿವೆ. ತಮ್ಮ ಸ್ಮಾರ್ಟ್‌ಫೋನಿನಲ್ಲಿಯೇ ತೆಗೆದ ಚಿತ್ರಗಳು ಇದು ಫೋಟೋಗಳನ್ನು ತೋರಿಸಿ ನಂಬಿಸುತ್ತವೆ. ಫೋಟೋಗಳನ್ನು ನೋಡಿದ ಮಂದಿ ನಾವು ಹೀಗೆ ಫೋಟೋಗಳನ್ನು ಕ್ಲಿಕಿಸಿ ಕೊಳ್ಳಬಹುದು ಎನ್ನುವ ಕಾರಣಕ್ಕೆ ಸ್ಮಾರ್ಟ್‌ಫೋನ್‌ಗಳನ್ನು ಕೊಳ್ಳುತ್ತಿದ್ದಾರೆ.

ಹುವಾವೆ ಸ್ಮಾರ್ಟ್‌ಫೋನ್‌ ಜಾಹೀರಾತಿಗೆ ಮರುಳಾಗಬೇಡಿ: ಇಲ್ಲಿದೆ ಅದರ ಕರಾಳ ಮುಖ..!

ಆದರೆ ಇದರಲ್ಲಿಯೇ ಸ್ಮಾರ್ಟ್‌ಫೋನ್‌ ಕಂಪನಿಗಳು ಜನರನ್ನು ಮೋಸ ಮಾಡುತ್ತಿದೆ. ತಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಕ್ಲಿಕಿಸಿದ ಫೋಟೋ ಎಂದು ಬಿಂಬಿಸುವ ಫೋಟೋಗಳನ್ನು ಟಾಪ್ ಎಂಡ್ DSLRಗಳಲ್ಲಿ ಕ್ಲಿಕಿಸುವುದು ಮಾತ್ರವಲ್ಲದೇ ಸುಳ್ಳು ಪ್ರಚಾರವನ್ನು ಮಾಡುತ್ತಿವೆ. ಇದೇ ಮಾದರಿಯಲ್ಲಿ ಚೀನಾ ಮೂಲದ ವಿಶ್ವದ ಎರಡನೇ ಅತೀ ದೊಡ್ಡ ಸ್ಮಾರ್ಟ್‌ಫೋನ್ ಮಾರಾಟ ಕಂಪನಿ ಹುವಾವೆ ಸುಳ್ಳು ಫೋಟೋಗಳನ್ನು ಕ್ಲಿಕಿಸಿ ಜನರನ್ನು ಯಾಮಾರಿಸುತ್ತಿದೆ.

ಫೇಕ್ ನೋವಾ 3 ಸೆಲ್ಫಿ:

ಇತ್ತೀಚಿಗಷ್ಟೆ ಮಾರುಕಟ್ಟೆಯಲ್ಲಿ ಕಾಣಿಸಿಕೊಂಡ ಹುವಾವೆ ನೋವಾ 3 ಸ್ಮಾರ್ಟ್‌ಫೋನ್ ಸೆಲ್ಫಿಗಾಗಿಯೇ ಹೆಚ್ಚು ಸದ್ದು ಮಾಡಿತ್ತು, ಇದರಲ್ಲಿ ಹೆಚ್ಚಿನ ಗುಣಮಟ್ಟದ ಸೆಲ್ಫಿಗಳನ್ನು ಹಾಕಬಹುದು ಎಂದು ಆಡ್ ಅನ್ನು ನೀಡಿತ್ತು, ನಮ್ಮ ಸ್ಮಾರ್ಟ್‌ಫೋನ್‌ನಿನಲ್ಲಿಯೇ ತೆಗೆದ ಚಿತ್ರಗಳು ಎಂದು ಒಂದಷ್ಟು ಸೆಲ್ಫಿಗಳನ್ನು ಹಾಕಿತ್ತು. ಆದರೆ ಅದು ಫೇಕ್ ಎನ್ನಲಾಗಿದ್ದು, ಸದ್ಯ ಬಿಡುಗಡೆಗೊಂಡಿರುವ ಮತ್ತೊಂದು ಚಿತ್ರ ಅದನ್ನು ಸಾಕ್ಷಿಕರಿಸಿದೆ.

DSLR ಕ್ಯಾಮೆರಾದಲ್ಲಿ ತೆಗೆದಿದ್ದು:

ನೋವಾ 3 ಸೆಲ್ಫಿ ಎಂದು ಬಿಂಬಿಸಲಾಗಿರುವ ಚಿತ್ರವನ್ನು DSLR ಕ್ಯಾಮೆರಾದಲ್ಲಿ ಸೆರೆಹಿಡಿಯುತ್ತಿರುವ ಫೋಟೋವೊಂದು ವೈರಲ್ ಆಗಿದ್ದು, ಇದು ಹುವಾವೆ ಸ್ಮಾರ್ಟ್‌ಫೋನ್ ಸುಳ್ಳು ಜಾಹೀರಾತಿಗೆ ಹಿಡಿದ ಕೈಗನ್ನಡಿಯಾಗಿದೆ. ಸ್ಮಾರ್ಟ್‌ಫೋನಿನಲ್ಲಿ ಎಂದಿಗೂ ಅಷ್ಟು ಗುಣಮಟ್ಟದ ಫೋಟೋವನ್ನು ತೆಗೆಯಲು ಸಾಧ್ಯವೇ ಇಲ್ಲ ಎನ್ನಲಾಗಿದೆ.

ಫೋಟೋ ಹಾಕಿದ ನಟಿ:

ನೋವಾ 3 ಸೆಲ್ಫಿ ಆಡ್ ನಲ್ಲಿ ಕಾಣಿಸಿಕೊಂಡಿರುವ ನಟಿಯೊಬ್ಬಳು ಹಾಕಿಕೊಂಡಿರುವ ಫೋಟೋದಲ್ಲಿ ಈ ಸತ್ಯಾಂಶ ಹೊರಗೆ ಬಂದಿದೆ. ಆಕೆ ಆಡ್‌ ಚಿತ್ರಿಕರಣದ ವೇಳೆ ತೆಗೆದಿದ ಫೋಟೋದಲ್ಲಿ DSLR ಕ್ಯಾಮೆರಾ ಅವರ ಫೋಟೋವನ್ನು ಕ್ಲಿಕಿಸಿರುವುದನ್ನು ಕಾಣಬಹುದಾಗಿದೆ.

ಡಿಲೀಟ್;

ಆಕೆ ಇನ್‌ಸ್ಟಾಗ್ರಾಮ್‌ನಲ್ಲಿ ಫೋಟೋವನ್ನು ಹಾಕಿದ್ದು, ಸುಳ್ಳಿನ ಫೋಟೋ ವೈರಲ್ ಆಗುತ್ತಿದ್ದಂತೆ ಅದನ್ನು ಡಿಲೀಟ್ ಮಾಡಿದ್ದಾರೆ ಎನ್ನಲಾಗಿದೆ. ಸದ್ಯ ಈ ಫೋಟೋ ಟೆಕ್ ಲೋಕದಲ್ಲಿ ಸಾಕಷ್ಟು ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ಎಲ್ಲಾರು ಹುವಾವೆ ಕಂಪನಿಯ ಸುಳ್ಳೀನ ಪ್ರಚಾರಕ್ಕೆ ಧಿಕ್ಕಾರ ಕೂಗುತ್ತಿದ್ದಾರೆ.

ಇದು ಎರಡನೇ ಬಾರಿ:

ಈ ರೀತಿಯಲ್ಲಿ ಸುಳ್ಳು ಫೋಟೋವನ್ನು ಹಾಕಿ ಸಿಕ್ಕಿಹಾಕಿಕೊಂಡಿರುವ ಹುವಾವೆ, ಇದೇ ಮಾದರಿಯಲ್ಲಿ ಹಿಂದೆಯೋ ಫೇಕ್ ಫೋಟೋವನ್ನು ಹಾಕಿ ಪ್ರಚಾರವನ್ನು ಪಡೆದುಕೊಂಡಿತ್ತು, ಆಗಲು ಮಾಹಿತಿ ಲೀಕ್ ಆಗಿ ಜನರಿಂದ ನಿಂದನೆಗೆ ಗುರಿಯಾಗಿತ್ತು.

ಈ ಶಾಕಿಂಗ್ ಫೇಸ್‌ಬುಕ್ 'ರಹಸ್ಯಗಳ' ಬಗ್ಗೆ ಖಂಡಿತ ನೀವು ತಿಳಿದಿಲ್ಲ.!!

ವಿಶ್ವದಲ್ಲಿಯೇ ಅತ್ಯಂತ ಹೆಚ್ಚು ಬಳಕೆದಾರರನ್ನು ಹೊಂದಿರುವ ಸಾಮಾಜಿಕ ಜಾಲತಾಣ 'ಫೇಸ್‌ಬುಕ್' ಬಗ್ಗೆ ನಿಮಗೆಷ್ಟು ಗೊತ್ತು ಎಂದು ಕೇಳಿದರೆ ಉತ್ತರಿಸದಿರುವರ ಸಂಖ್ಯೆ ಕಡಿಮೆಯೇ. ಏಕೆಂದರೆ, ಇಡೀ ಪ್ರಪಂಚದಲ್ಲಿ ಅತಿ ಹೆಚ್ಚು ಬಳಕೆದಾರರನ್ನು ಹೊಂದಿರುವ ಫೇಸ್‌ಬುಕ್ ಅದಕ್ಕಿಂತಲೂ ಹೆಚ್ಚು ಜನಪ್ರಿಯತೆಯನ್ನು ಗಳಿಸಿದೆ ಎಂದರೆ ಆಶ್ಚರ್ಯವೇನಿಲ್ಲ.

ಆದರೆ, ವಿಶ್ವದ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ದೇಶಗಳಿಗಿಂತ ಹೆಚ್ಚು ಸದಸ್ಯರನ್ನು ಹೊಂದಿರುವ ಫೇಸ್‌ಬುಕ್‌ ತನ್ನಲ್ಲಿ ಕೆಲವೊಂದು ರಹಸ್ಯಗಳನ್ನು ಬಚ್ಚಿಟ್ಟುಕೊಂಡಿದೆ. ಫೇಸ್‌ಬುಕ್ ಒಳಗೆ ನಿಮಗೆ ತಿಳಿಯದ ಮಾಹಿತಿಗಳು ಅಡಗಿರುತ್ತದೆ. ಇಂತಹ ರಹಸ್ಯ ಅಥವಾ ವಿಶೇಷ ಮಾಹಿತಿಗಳು ಖಂಡಿತವಾಗಿಯೂ ನಿಮ್ಮ ಕುತೋಹಲವನ್ನು ಸಹ ಪರಿಹರಿಸುತ್ತದೆ ಎನ್ನಬಹುದು.

ಹಾಗಾಗಿ, ಇಂದಿನ ಲೇಖನದಲ್ಲಿ ಬೃಹತ್ ಗಾತ್ರದ ಫೇಸ್‌ಬುಕ್ ತನ್ನಲ್ಲಿ ಬಚ್ಚಿಟ್ಟುಕೊಂಡಿರುವ ಕೆಲವೊಂದು ರಹಸ್ಯಗಳು ಯಾವುವು ಎಂಬುದನ್ನು ತಿಳಿಯಿರಿ. ಮೊದಲೇ ಹೇಳಿದಂತೆ, ಫೇಸ್‌ಬುಕ್‌ನಲ್ಲಿನ ಈ ಅಂಶಗಳು ಹೆಚ್ಚು ಪ್ರಸಿದ್ಧವಾಗಿದ್ದು ನಿಮ್ಮನ್ನು ದಿಗ್ಮೂಢಗೊಳಿಸುವುದು ನಿಜ. ಹಾಗಿದ್ದರೆ ಆ ಅಂಶಗಳೇನು ಎಂಬುದನ್ನು ಮುಂದೆ ತಿಳಿಯೋಣ.