ಗ್ಯಾಜೆಟ್ ಗ್ರಾಹಕರಿಗೆ ಮಾರಕವಾಯ್ತು ಕೇಂದ್ರ ಸರ್ಕಾರದ ಹೊಸ ನಿರ್ಧಾರ!!

ಯಾವುದಕ್ಕೆ ಎಷ್ಟು ಸುಂಕ ಏರಿಕೆ?

ಈ ಮೊದಲು ವಿದೇಶಗಳಿಂದ ತರಿಸಿಕೊಳ್ಳುತ್ತಿದ್ದ ಸ್ಮಾರ್ಟ್‌ಫೋನ್‌ಗಳಿಗೆ ಯಾವುದೇ ಆಮದು ಸುಂಕ ಇರಲಿಲ್ಲ. ಇದೀಗ ಶೇ ಸ್ಮಾರ್ಟ್‌ಫೋನ್‌ಗಳಿಗೆ ಶೇ 15 ರಷ್ಟು ಸುಂಕ ವಿಧಿಸಲಾಗಿದೆ.!! ಟೆಲಿವಿಷನ್‌ ಮೇಲಿನ ಆಮದು ಸುಂಕ ಶೇ 10 ರಿಂದ ಶೇ 20ಕ್ಕೆ ಏರಿಕೆ ಮಾಡಲಾಗಿದ್ದರೆ, ಕೆಲ ಉತ್ಪನ್ನಗಳ ಮೇಲಿನ ಸುಂಕವು ದುಪ್ಪಟ್ಟಾಗಿದೆ.

ದೇಶಿ ತಯಾರಕರ ರಕ್ಷಣೆ!?

ಎಲೆಕ್ಟ್ರಾನಿಕ್ ಉತ್ಪನ್ನಗಳು ವಿದೇಶದಿಂದ ಕಡಿಮೆ ಬೆಲೆಗೆ ಆಮದಾಗುತ್ತಿರುವುದರಿಮದ ದೇಶೀಯ ತಯಾರಕರಿಗೆ ತೊಂದರೆಯಾಗುತ್ತಿದೆ ಎಂದು ಹಣಕಾಸು ಸಚಿವಾಲಯ ಹೇಳಿತ್ತು.! ಆದರೆ, ಆಗುತ್ತಿರುವದೇ ಬೇರೆ.! ಏಕೆಂದರೆ, ಹಲವು ದೇಶಿಯ ಬಹುತೇಕ ಅಸಂಘಟಿತ ಕೈಗಾರಿಗೆಗಳು ಈಗಲೂ ವಿದೇಶಿ ಮೂಲವಸ್ತುಗಳನ್ನೇ ನಂಬಿಕೊಂಡಿವೆ.!!

ಅಸಂಘಟಿತ ಸಂಸ್ಥೆಗಳ ನಿರ್ಗಮನ!!

ಆಮದು ಸುಂಕವನ್ನು ಹೆಚ್ಚಿಸಿರುವುದು ಹಲವು ದೇಶೀಯ ಅಸಂಘಟಿತ ಅಥವಾ ಬ್ರಾಂಡೆಡ್ ಅಲ್ಲದ ಸಂಸ್ಥೆಗಳ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತಿದೆ. ಚೀನಾದಿಂದ ಅಗ್ಗದ ಬೆಲೆಯಲ್ಲಿ ಉಪಕರಣಗಳನ್ನು ಆಮದು ಮಾಡಿಕೊಳ್ಳುತ್ತಿದ್ದ ಹಲವು ಸಂಸ್ಥೆಗಳಿಗೆ ಈ ನೀತಿಯಿಂದ ದೊಡ್ಡ ಹೊಡೆತ ಬಿದ್ದಿದೆ ಎಂದು ಮಾರುಕಟ್ಟೆಯಲ್ಲಿ ವಿಶ್ಲೇಶಿಸಲಾಗಿದೆ.!!

ಗ್ರಾಹಕರಿಗೂ ಬರೆ!!

ದೇಶಿ ತಯಾರಕರ ಹಿತಾಸಕ್ತಿ ರಕ್ಷಿಸಿ ಅವರಿಗೆ ಉತ್ತೇಜನ ನೀಡುವ ಉದ್ದೇಶದಿಂದ ಆಮದು ಶುಲ್ಕ ಹೆಚ್ಚಿಸಿರುವುದರಿಂದ ಗ್ರಾಹಕರಿಗೂ ಕೂಡ ನಷ್ಟವಾಗಲಿದೆ. ಮೊಬೈಲ್, ಟಿವಿ ಸೇರಿ ಬಹುತೇಕ ಎಲ್ಲಾ ಗ್ಯಾಜೆಟ್‌ಗಳ ಬೆಲೆ ಹೆಚ್ಚುವುದರಿಂದ ಗ್ರಾಹಕರಿಗೆ ಇವುಗಳನ್ನು ಕೊಳ್ಳುವ ಶಕ್ತಿ ಕಡಿಮೆಯಾಗಲಿದೆ.!!

ಕೆಲವರಿಗೆ ಮಾತ್ರ ಲಾಭ.!!

ಅಗ್ಗದ ಬೆಲೆಯ ವಸ್ತುಗಳ ಮೂಲಕ ಭಾರಿ ಮಾರುಕಟ್ಟೆ ವಿಸ್ತರಿಸುತ್ತಿರುವ ಚೀನಾ ಸೇರಿ ಎಲ್ಲಾ ವಿದೇಶಿ ಮೊಬೈಲ್‌ ಕಂಪೆನಿಗಳಿಗೆ ಕೇಂದ್ರ ಸರ್ಕಾರ ಬಿಗ್ ಶಾಕ್ ನೀಡಿದೆ ಎಂಬುದು ಸುಳ್ಳಾಗಿದೆ.! ಆಮದು ಶುಲ್ಕ ಹೆಚ್ಚಿಸಿರುವುದರಿಂದ ಸರ್ಕಾರ ಮತ್ತು ಇತರೆ ಕೆಲವು ಕಂಪೆನಿಗಳಿಗೆ ಮಾತ್ರ ಹೆಚ್ಚು ಲಾಭವಾಗಲಿದ್ದು, ಇದು ಜನರಿಗೆ ಬಹುದೊಡ್ಡ ಶಾಕ್ ಎನ್ನಬಹುದು.!!