ಇನ್ಮುಂದೆ ನಿಮ್ಮ ATM ಕಾರ್ಡ್ ಹಣವನ್ನು ಕದಿಯಲು ಯಾರಿಂದಲೂ ಸಾಧ್ಯವಿಲ್ಲಾ!!..ಏಕೆ ಗೊತ್ತಾ?

ಬಯೊ ಮೆಟ್ರಿಕ್‌ ಎಟಿಎಂ

ಡೆಬಿಟ್ ಕಾರ್ಡ್‌/ ಪಿನ್‌ ವಂಚನೆ ತಡೆಯಲು ಹಲವು ಬ್ಯಾಂಕ್‌ಗಳು ಬಯೊ ಮೆಟ್ರಿಕ್‌ ಆಧಾರಿತ ಎಟಿಎಂಗಳನ್ನು ಪರಿಚಯಿಸಿವೆ. ಇದರಿಂದ ಗ್ರಾಮೀಣ ಭಾಗದ ಅನಕ್ಷರಸ್ಥ ಗ್ರಾಹಕರನ್ನು ತಲುಪಲೂ ಬ್ಯಾಂಕ್‌ಗಳಿಗೆ ಅನುಕೂಲವಾಗಿದೆ. ಈ ತಂತ್ರಜ್ಞಾನದಿಂದ ಪಿನ್‌ ಮರೆಯುವ ಅಥವಾ ಬೇರೆಯವರು ದುರ್ಬಳಕೆ ಮಾಡುವ ಆತಂಕ ಇರುವುದಿಲ್ಲ.

ಹೆಬ್ಬೆಟ್ಟಿನ ಗುರುತು!!

ಪಿನ್‌ ಬಳಸುವ ಬದಲಿಗೆ ಹೆಬ್ಬೆಟ್ಟಿನ ಗುರುತು ನೀಡಿ ಹಣ ವರ್ಗಾವಣೆ ನಡೆಸುವ ಸೌಲಭ್ಯವನ್ನು ಬಯೊ ಮೆಟ್ರಿಕ್‌ ಎಟಿಎಂಗಳಲ್ಲಿ ಜಾರಿಗೆ ತರಲಾಗುತ್ತಿದೆ.! ಅನಕ್ಷರಸ್ಥರೂ ಕೂಡ ಯಾವುದೇ ಭಯವಿಲ್ಲದೇ ಬ್ಯಾಂಕ್ ವ್ಯವಹಾರ ಮಾಡಬಹುದಾಗಿದ್ದು, ಹೆಬ್ಬೆಟ್ಟಿನ ಗುರುತಿನ ಮೂಲಕ ಹೆಚ್ಚಿನ ಸುರಕ್ಷತೆ ದೊರೆಯುತ್ತದೆ!!

ಕಣ್ಣನ್ನು ಸ್ಕ್ಯಾನ್ ಮಾಡುತ್ತವೆ ಎಟಿಎಂಗಳು.!!

ಹೆಬ್ಬೆಟ್ಟಿನ ಗುರುತನ್ನು ಸಹ ನಕಲು ಮಾಡಿ ಹಣ ಖದಿಯುವ ಖದೀಮರಿರುತ್ತಾರೆ. ಹಾಗಾಗಿಗೇ, ಕ್ಯಾಮೆರಾದಲ್ಲಿ ಕಣ್ಣನ್ನು ಸ್ಕ್ಯಾನ್ ಮಾಡುವ ವ್ಯವಸ್ಥೆ ಸಹ ಶೀಘ್ರದಲ್ಲಿಯೇ ಎಟಿಎಂಗಳಲ್ಲಿ ಜಾರಿಗೆ ಬರಲಿದೆ. ಹೆಬ್ಬೆಟ್ಟಿನ ಗುರುತು ಮತ್ತು ಕಣ್ಣಿನ ಗುರುತು ಎರಡೂ ಇದ್ದರೆ ಯಾರೂ ಮೋಸ ಮಾಡಲು ಸಾಧ್ಯವೇ ಇಲ್ಲ ಎನ್ನಬಹುದು.!!

ಚಿಪ್‌ ಆಧಾರಿತ ಕಾರ್ಡ್‌ ಬಂದಿವೆ.!!

ಕಾರ್ಡ್ ಬಳಕೆದಾರನ ಖಾತೆಯ ಮಾಹಿತಿಯನ್ನು ಒಂದು ಚಿಪ್‌ನಲ್ಲಿ ಸಂಗ್ರಹಿಸಿಡಲಾಗುತ್ತದೆ. ಜೊತೆಗೆ ಆ ಮಾಹಿತಿಯು ಗೂಢಲಿಪಿಯಲ್ಲಿ (ಎನ್‌ಕ್ರಿಪ್ಟ್) ಇರುತ್ತದೆ. ಈ ಚಿಪ್‌ ಆಧಾರಿತ ಕಾರ್ಡ್‌ ‘ಪಿನ್‌' ನೀಡಿದರೆ ಮಾತ್ರವೇ ಹಣ ವರ್ಗಾವಣೆ ಸಾಧ್ಯ. ಹೀಗಾಗಿ ಕಾರ್ಡ್‌ ನಕಲು ಮಾಡಲು ಆಗುವುದಿಲ್ಲ. ಹಾಗಾಗಿ, ಮುಂದೆ ಚಿಪ್‌ಕಾರ್ಡ್‌ಗಳ ಮೂಲಕ ಹಣ ವ್ಯವಹಾರ ಯೋಗ್ಯ.!!