ಕೆಲವು ನಕಲಿ ಪಾಸ್ ಪೋರ್ಟ್ ವೆಬ್ ಸೈಟ್ ಗಳ ಬಗ್ಗೆ ಎಚ್ಚರಿಕೆ ನೀಡಿದ ಸರ್ಕಾರ

By Gizbot Bureau

Published: Tuesday, November 12, 2019, 13:34 [IST]

ನಿಮ್ಮ ಪಾಸ್ ಪೋರ್ಟ್ ಗೆ ಸಂಬಂಧಿಸಿದ ಸೇವೆಗಳನ್ನು ನೀಡುವುದಾಗಿ ಹೇಳುವ ಕೆಲವು ವೆಬ್ ಸೈಟ್ ಗಳ ಬಗ್ಗೆ ಎಚ್ಚರಿಕೆ ವಹಿಸುವಂತೆ ವಿದೇಶಾಂಗ ಸಚಿವಾಲಯವು ನಾಗರೀಕರಿಗೆ ಎಚ್ಚರಿಗೆ ನೀಡಿದೆ. ಪಾಸ್ ಪೋರ್ಟ್ ರಿನೀವಲ್ ಅಥವಾ ಹೊಸ ಪಾಸ್ ಪೋರ್ಟ್ ಗೆ ಅರ್ಜಿ ಸಲ್ಲಿಸುವಾಗ ಈ ನಕಲಿ ವೆಬ್ ಸೈಟ್ ಗಳ ಬಗ್ಗೆ ಜನರು ಜಾಗೃತರಾಗಿರಬೇಕು ಎಂದು ಅದು ಹೇಳಿದೆ. ಈ ಫೇಕ್ ವೆಬ್ ಸೈಟ್ ಗಳು ಕೇವಲ ಅತಿಯಾದ ಶುಲ್ಕ ಪಡೆಯುವುದು ಮಾತ್ರವಲ್ಲ ಬದಲಾಗಿ ನಿಮ್ಮ ಡಾಟಾ ಕದಿಯುವ ಕೆಲಸವನ್ನು ಕೂಡ ಮಾಡುತ್ತವೆ. ಇತ್ತೀಚೆಗೆ ನಕಲಿ ವೆಬ್ ಸೈಟ್ ಗಳು ಮಾತ್ರವಲ್ಲ ಬದಲಾಗಿ ಬಾಹ್ಯ ವ್ಯವಹಾರಗಳ ಸಚಿವಾಲಯದೊಂದಿಗೆ ಕಾರ್ಯ ನಿರ್ವಹಿಸುತ್ತಿರುವುದಾಗಿ ಹೇಳಿಕೊಳ್ಳುವ ಕೆಲವು ಮೊಬೈಲ್ ಅಪ್ಲಿಕೇಷನ್ ಗಳ ಸಂಖ್ಯೆಯೂ ಕೂಡ ಅಧಿಕವಾಗುತ್ತಿದೆಯಂತೆ.

ನಿಮಗೆ ತಿಳಿದಿರಬೇಕಾಗಿರುವ ಪ್ರಮುಖ ಅಂಶವೇನೆಂದರೆ ಪಾಸ್ ಪೋರ್ಟ್ ಸೇವೆಗಳಿಗಾಗಿ ಇರುವ ಅಧಿಕೃತ ವೆಬ್ ಸೈಟ್ ಯಾವುದೆಂದರೆ "passportindia.gov.in" ( ಕೆಲವೊಮ್ಮೆ ಇದು "portal2.passportindia.gov.in" ಎಂದು ತೆರೆದುಕೊಳ್ಳುತ್ತದೆ. ಆದರೆ ಡೊಮೈನ್ ಯಾವಾಗಲೂ ಕೂಡ gov.in ಆಗಿರುತ್ತದೆ). ಇದು ಅಧಿಕೃತ ಆಪ್ "mPassport Seva". ಇದು ಆಂಡ್ರಾಯ್ಡ್ ಮತ್ತು ಐಓಎಸ್ ಎರಡರಲ್ಲೂ ಕೂಡ ಲಭ್ಯವಿದೆ. ಇವುಗಳನ್ನು ಹೊರತು ಪಡಿಸಿ ಹಲವು ನಕಲಿ ಆಪ್ ಗಳಿವೆ. ಅವುಗಳ ಬಗ್ಗೆ ನಾಗರೀಕರು ಎಚ್ಚರ ವಹಿಸಿ ಎಂದು ಸಚಿವಾಲಯವು ಎಚ್ಚರಿಕೆ ನೀಡಿದೆ.