ಭಾರತ ಸರ್ಕಾರದ ವಾಟ್ಸಾಪ್‌ ಮಾದರಿ Sandes ಆಪ್‌ಗೆ ಸೈನ್‌ ಇನ್‌ ಆಗುವುದು ಹೇಗೆ?

ಹೌದು, ಭಾರತ ಸರ್ಕಾರ ವಾಟ್ಸಾಪ್‌ಗೆ ಪರ್ಯಾಯವಾಗಿ Sandes ಅಪ್ಲಿಕೇಶನ್‌ ಅನ್ನು ಪರಿಚಯಸಿದೆ. ಈ Sandes ಅಪ್ಲಿಕೇಶನ್ ಅನ್ನು ಸರ್ಕಾರಿ ಅಧಿಕಾರಿಗಳು ಮತ್ತು ವೈಯಕ್ತಿಕ ಬಳಕೆದಾರರು ಬಳಸಬಹುದು. ಸೈನ್ ಅಪ್ ಮಾಡಲು ಇದಕ್ಕೆ ಮೊಬೈಲ್ ಸಂಖ್ಯೆ ಅಥವಾ ಸರ್ಕಾರಿ ಇಮೇಲ್ ಐಡಿ ಅಗತ್ಯವಿದೆ. ಸೈನ್ ಅಪ್ ಮಾಡಿದ ನಂತರ, ಬಳಕೆದಾರರು ಸಂದೇಶಗಳನ್ನು ಕಳುಹಿಸಬಹುದು ಮತ್ತು ಸ್ವೀಕರಿಸಬಹುದು ಮತ್ತು ಹೊಸ ಗುಂಪುಗಳನ್ನು ರಚಿಸಬಹುದು ಅಥವಾ ಚಿತ್ರಗಳು ಮತ್ತು ವೀಡಿಯೊಗಳಂತಹ ಮಲ್ಟಿಮೀಡಿಯಾ ವಿಷಯವನ್ನು ಕಳುಹಿಸಬಹುದು. ಹಾಗಾದ್ರೆ Sandes ಅಪ್ಲಿಕೇಶನ್‌ಗೆ ಸೈನ್‌ ಅಪ್‌ ಮಾಡುವುದು ಹೇಗೆ? ಬಳಸುವುದು ಹೇಗೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ವಾಟ್ಸಾಪ್ ಮತ್ತು ಇತರ ಪ್ರಮುಖ ಇನ್ಸಟಂಟ್‌ ಮೆಸೇಜಿಂಗ್‌ ಅಪ್ಲಿಕೇಶನ್‌ಗಳಂತೆಯೇ, Sandes ಅಪ್ಲಿಕೇಶನ್‌ ಎಂಡ್‌ ಟು ಎಂಡ್‌ ಎನ್‌ಕ್ರಿಪ್ಟ್ ಚಾಟ್‌ ಅನ್ನು ಹೊಂದಿದೆ. ಇದರಲ್ಲಿ ಸಂದೇಶಗಳನ್ನು ಕಳುಹಿಸಲು ಮತ್ತು ಸ್ವೀಕರಿಸಲು ಅಥವಾ ಸಂಪರ್ಕಗಳ ನಡುವೆ ಚಿತ್ರಗಳು ಮತ್ತು ವೀಡಿಯೊಗಳನ್ನು ಹಂಚಿಕೊಳ್ಳಲು ಅಪ್ಲಿಕೇಶನ್ ಅನ್ನು ಬಳಸಬಹುದು. ಇದು ಸಂಪರ್ಕ ಹಂಚಿಕೆ ಮತ್ತು ಗುಂಪು ಚಾಟ್‌ಗಳನ್ನು ಸಹ ಅನುಮತಿಸುತ್ತದೆ. ಇದಲ್ಲದೆ, ಬಳಕೆದಾರರು ಸಂದೇಶಗಳನ್ನು ಲೈವ್‌ ಮಾಡಬಹುದು. ಇದಲ್ಲದೆ ಸಂವಾದ್ ಎಂಬ ಎರಡನೇ ಆಪ್ ಸಹ ಕೆಲಸದಲ್ಲಿದೆ ಎಂದು ಸರ್ಕಾರದ ಮೂಲಗಳು ದೃಡಪಡಿಸಿವೆ. "ಈ ಅಪ್ಲಿಕೇಶನ್‌ಗಳನ್ನು ಸಂಪೂರ್ಣವಾಗಿ ಭಾರತ ಸರ್ಕಾರ ಅಭಿವೃದ್ಧಿಪಡಿಸುತ್ತಿದೆ.

Sandes ಅಪ್ಲಿಕೇಶನ್‌ಗೆ ಸೈನ್ ಅಪ್ ಮಾಡುವುದು ಹೇಗೆ?

ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ನೀವು ಆರಂಭದಲ್ಲಿ Sandes ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬೇಕಾಗುತ್ತದೆ. ಇದು ಸರ್ಕಾರದ ಜಿಮ್ಸ್ ಪೋರ್ಟಲ್ ಮೂಲಕ ಆಂಡ್ರಾಯ್ಡ್ 5.0 ಮತ್ತು ಅದಕ್ಕಿಂತ ಹೆಚ್ಚಿನದರಲ್ಲಿ ಚಾಲನೆಯಲ್ಲಿರುವ ಸ್ಮಾರ್ಟ್‌ಫೋನ್‌ಗಳಿಗಾಗಿ ಎಪಿಕೆ ಫೈಲ್‌ನಲ್ಲಿ ಡೌನ್‌ಲೋಡ್ ಮಾಡಲು ಲಭ್ಯವಿದೆ. ಐಒಎಸ್ ಬಳಕೆದಾರರಿಗಾಗಿ, ಅಪ್ಲಿಕೇಶನ್ ಸ್ಟೋರ್ ಮೂಲಕ ಡೌನ್‌ಲೋಡ್ ಮಾಡಲು ಲಭ್ಯವಿದೆ ಮತ್ತು ಐಫೋನ್, ಐಪ್ಯಾಡ್ ಮತ್ತು ಐಒಎಸ್ 12.0 ನಲ್ಲಿ ಚಾಲನೆಯಲ್ಲಿರುವ ಐಪಾಡ್ ಟಚ್‌ಗೆ ಹೊಂದಿಕೊಳ್ಳುತ್ತದೆ.

ಇನ್ನು ಒಮ್ಮೆ ಡೌನ್‌ಲೋಡ್ ಮಾಡಿದ ನಂತರ, ನಿಮ್ಮ ಮೊಬೈಲ್ ಸಂಖ್ಯೆ ಅಥವಾ ಇಮೇಲ್ ಐಡಿ ಬಳಸಿ ಸ್ಯಾಂಡೆಸ್ ಅಪ್ಲಿಕೇಶನ್‌ನಲ್ಲಿ ಸೈನ್ ಅಪ್ ಮಾಡಬಹುದು. ದೃಡೀಕರಣಕ್ಕಾಗಿ ಅಪ್ಲಿಕೇಶನ್ ನಿಮಗೆ ಆರು-ಅಂಕಿಯ ಒಟಿಪಿಯನ್ನು ಕಳುಹಿಸುತ್ತದೆ. ಇಮೇಲ್ ಐಡಿಗಳನ್ನು ಸರ್ಕಾರಿ ಐಡಿಗಳಿಗೆ ಮಾತ್ರ ಸೀಮಿತಗೊಳಿಸಲಾಗಿದೆ. ನೀವು ಜಿಮೇಲ್, ಹಾಟ್ಮೇಲ್ ಅಥವಾ ಇತರ ಇಮೇಲ್ ಖಾತೆಯೊಂದಿಗೆ ಸೈನ್ ಅಪ್ ಮಾಡಲು ಪ್ರಯತ್ನಿಸಿದರೆ, ಆ ಡೊಮೇನ್‌ನಿಂದ ಇಮೇಲ್‌ಗಳನ್ನು ಅನುಮತಿಸಲಾಗುವುದಿಲ್ಲ ಎಂಬ ಸೂಚನೆಯನ್ನು ನೀವು ನೋಡುತ್ತೀರಿ.

ಇದಲ್ಲದೆ ಸರ್ಕಾರಕ್ಕೆ ಸಂಬಂಧಿಸಿದ @ mygov.in ಖಾತೆಗಳಂತಹ ಖಾತೆಗಳನ್ನು ಸಹ ಸ್ವೀಕರಿಸಲಾಗುವುದಿಲ್ಲ. ಈ ಅಪ್ಲಿಕೇಶನ್‌ನಲ್ಲಿ ನೋಂದಾಯಿಸಲು ಅಧಿಕೃತ @ gov.in ಇಮೇಲ್‌ಗಳನ್ನು ಮಾತ್ರ ಬಳಸಬಹುದು. ಇಲ್ಲದಿದ್ದರೆ, ನಿಮ್ಮ ಫೋನ್ ಸಂಖ್ಯೆಯನ್ನು ನೀವು ಬಳಸಬೇಕಾಗುತ್ತದೆ. Sandes ಅಪ್ಲಿಕೇಶನ್‌ನಲ್ಲಿ ಸೈನ್ ಅಪ್ ಮಾಡಿದ ನಂತರ ನಿಮ್ಮ ಪ್ರೊಫೈಲ್ ಅನ್ನು ಸಹ ನೀವು ಸಂಪಾದಿಸಬಹುದು ಅಥವಾ ನಿಮ್ಮ ಸ್ಥಿತಿಯನ್ನು ಆಯ್ಕೆ ಮಾಡಬಹುದು. ನಿಮ್ಮ ಪ್ರೊಫೈಲ್ ಅನ್ನು ನೀವು ವಾಟ್ಸಾಪ್‌ನಲ್ಲಿ ಆಪ್ಡೇಟ್‌ ಮಾಡಿದಂತೆಯೇ ಇದರಲ್ಲಿಯೂ ಸಹ ಕಾರ್ಯನಿರ್ವಹಿಸುತ್ತದೆ.