ದೇಶದ ಅತೀ ದೊಡ್ಡ ಹ್ಯಾಕಿಂಗ್: ಕಾರ್ಮಿಕರ ಭವಿಷ್ಯನಿಧಿಗೆ ಕನ್ನ..!

Written By:

    ಮೊನ್ನೆ ತಾನೇ ಸುಪ್ರೀಂ ಕೋರ್ಟ್ ವೈಬ್ ಸೈಟ್ ಹ್ಯಾಕ್ ಮಾಡಿದ ಘಟನೆಯೂ ಮರೆಯಾಗುವ ಮುನ್ನವೇ, ಕಾರ್ಮಿಕರ ಭವಿಷ್ಯನಿಧಿ ಸಂಘಟನೆಯ (EPFO) ವೆಬ್‌ಸೈಟ್ ಗೆ ಕನ್ನ ಹಾಕಲಾಗಿದ್ದು, ಭಾರೀ ಪ್ರಮಾಣದ ಬಳಕೆದಾರರ ಮಾಹಿತಿಯೂ ಕಳ್ಳತನವಾಗಿದೆ ಎನ್ನಲಾಗಿದೆ, ದೇಶದ ಅತೀ ದೊಡ್ಡ ಹ್ಯಾಕಿಂಗ್ ಎಂದು ವರದಿಯಾಗಿದೆ.

    ದೇಶದ ಅತೀ ದೊಡ್ಡ ಹ್ಯಾಕಿಂಗ್: ಕಾರ್ಮಿಕರ ಭವಿಷ್ಯನಿಧಿಗೆ ಕನ್ನ..!

    ದೇಶದಲ್ಲಿ 2017ರ ಏಪ್ರಿಲ್‌ನಿಂದ 2018ರ ಜನವರಿ ವರೆಗೆ ಒಟ್ಟು 114 ಸರ್ಕಾರಿ ವೆಬ್‌ಸೈಟ್‌ಗಳು ದೇಶ-ವಿದೇಶದ ಹ್ಯಾಕರ್‌ಗಳ ದಾಳಿಗೆ ತುತ್ತಾಗಿದ್ದು, ಸರ್ಕಾರಿ ವೆಬ್‌ಸೈಟ್‌ಗಳಿಗೆ ಹೆಚ್ಚಿನ ಭದ್ರತೆಯೂ ಇಲ್ಲದಿರುವುದೇ ಇದಕ್ಕೆ ಕಾರಣವಾಗಿದೆ ಎನ್ನಲಾಗಿದೆ. ಈ ಕುರಿತು ಮಾಹಿತಿ ಮತ್ತು ತಂತ್ರಜ್ಞಾನ ಇಲಾಖೆ ಮಾಹಿತಿಯನ್ನು ನೀಡಿದೆ.

    ತಂತ್ರಜ್ಞಾನ ಮಾಹಿತಿಗಾಗಿ ಕನ್ನಡ ಗಿಜ್‌ಬಾಟ್ ಫೇಸ್‌ಬುಕ್ ಪೇಜ್ ಲೈಕ್ ಮಾಡಿ

    ಒಂದೇ ಸೈಟಿನಲ್ಲಿ ಹಲವು ಮಾಹಿತಿ:

    ಕಾರ್ಮಿಕರ ಭವಿಷ್ಯನಿಧಿ ಸಂಘಟನೆಯ (EPFO) ವೆಬ್‌ಸೈಟ್ ಗೆ ಕನ್ನ ಹಾಕುವ ಮೂಲಕ ಒಂದೇ ಕಲ್ಲಿನಲ್ಲಿ ಹ್ಯಾಕರ್ಸ್‌ಗಳು ಹಲವು ಮಾಹಿತಿಗಳನ್ನು ಸುಲಭವಾಗಿ ಪಡೆದುಕೊಂಡಿದ್ದಾರೆ ಎನ್ನಲಾಗಿದೆ. ಬ್ಯಾಂಕ್ ಖಾತೆ ಮಾಹಿತಿ, ಆಧಾರ್ ಮಾಹಿತಿ, ವೇತನದ ಮಾಹಿತಿ, ವಿಳಾಸ, ಕೆಲಸದ ಮಾಹಿತಿ ಸೇರಿದಂತೆ ಎಲ್ಲಾ ಮಾಹಿತಿಗಳು ಹ್ಯಾಕರ್ಸ್‌ಗಳ ಪಾಲಾಗಿದೆ ಎನ್ನಲಾಗಿದೆ.

    2.7 ಕೋಟಿ ಬಳಕೆದಾರರ ಮಾಹಿತಿ:

    ಆಧಾರ್ ಜೋಡಣೆ ವೆಬ್‌ಪೋರ್ಟಲ್ ಮೂಲಕ ಕಾರ್ಮಿಕರ ಭವಿಷ್ಯನಿಧಿ ಸಂಘಟನೆಯ (EPFO) ವೆಬ್‌ಸೈಟ್ ಗೆ ಕನ್ನ ಹಾಕಲಾಗಿದ್ದು ಸುಮಾರು 2.7 ಕೋಟಿ ಸದಸ್ಯರ ದತ್ತಾಂಶ ಕಳವಾಗಿರುವ ಬಗ್ಗೆ ಮಾಹಿತಿಯೂ ದೊರೆತಿದ್ದು, EPFO ಸದಸ್ಯರಿಗೆ ಆತಂಕ ಎದುರಾಗಿದೆ.

    ದುರ್ಬಳಕೆ ಸಾಧ್ಯತೆ:

    ಈಗಾಗಲೇ ಹ್ಯಾಕರ್‌ಗಳು ಆಧಾರ್ ಜೋಡಣೆ ವೆಬ್‌ಪೋರ್ಟಲ್ ಮೂಲಕ ಕಾರ್ಮಿಕರ ಭವಿಷ್ಯನಿಧಿ ಸಂಘಟನೆಯ (EPFO) ವೆಬ್‌ಸೈಟ್ ಪ್ರವೇಶವನ್ನು ಪಡೆದಿದ್ದು, ಅಲ್ಲಿರುವ ನೌಕರರ ಮಾಹಿತಿಯನ್ನು ದುರ್ಬಳಕೆ ಮಾಡಿಕೊಳ್ಳುವ ಸಾಧ್ಯತೆ ಇದೆ.

    ತಾತ್ಕಾಲಿಕವಾಗಿ ಸ್ಥಗಿತ:

    ಹ್ಯಾಕರ್‌ಗಳು ದಾಳಿ ಮಾಡಿರುವ ಹಿನ್ನಲೆಯಲ್ಲಿ ಕಾರ್ಮಿಕರ ಭವಿಷ್ಯನಿಧಿ ಸಂಘಟನೆಯ (EPFO) ವೆಬ್‌ಸೈಟ್ ಅನ್ನು ತಾತ್ಕಾಲಿಕವಾಗಿ ಬಂದ್ ಮಾಡಲಾಗಿದ್ದು, ವೆಬ್‌ಪೋರ್ಟಲ್‌ನ ದೋಷಗಳನ್ನು ಸರಿಪಡಿಸಲು ಸಚಿವಾಲಯದ ತಾಂತ್ರಿಕ ತಂಡದ ನೆರವು ಕೋರಲಾಗಿದೆ. ಶೀಘ್ರವೇ ಸರಿಪಡಿಸುವ ಸಾಧ್ಯತೆ ಇದೆ.

    Karnataka Election 2018: Chunavana app will find your booth in click - GIZBOT KANNADA
    ಆಧಾರ್ ಲಿಂಕ್‌ನಿಂದಲೇ ತೊಂದರೆ:

    ಆಧಾರ್ ಲಿಂಕ್‌ನಿಂದಲೇ ತೊಂದರೆ:

    ಕಾರ್ಮಿಕರ ಭವಿಷ್ಯನಿಧಿಗೆ ಆಧಾರ್ ಲಿಂಕ್ ಮಾಡಲು ಮುಂದಾದ ಸಂದರ್ಭದಲ್ಲಿ ಈ ಹ್ಯಾಕಿಂಗ್ ನಡೆದಿದ್ದು, ಆಧಾರ್ ಲಿಂಕ್‌ನಿಂದಲೇ ಎಲ್ಲಾ ಕಡೆಗಳಲ್ಲಿಯೂ ಹೆಚ್ಚಿನ ತೊಂದರೆಯೂ ಉಂಟಾಗುತ್ತಿದೆ ಎನ್ನಲಾಗಿದೆ. ಈ ಹಿನ್ನಲೆಯಲ್ಲಿ ಆಧಾರ್ ಲಿಂಕ್‌ ವಿಚಾರವಾಗಿ ಸಾರ್ವಜನಿಕ ವಲಯದಲ್ಲಿ ಸಾಕಷ್ಟು ಟೀಕೆಗಳು ವ್ಯಕ್ತವಾಗಿದೆ.

    ತಂತ್ರಜ್ಞಾನ ಮಾಹಿತಿಗಾಗಿ ಕನ್ನಡ ಗಿಜ್‌ಬಾಟ್ ಫೇಸ್‌ಬುಕ್ ಪೇಜ್ ಲೈಕ್ ಮಾಡಿ

    English summary
    Indian Provident Fund Portal Hacked 27 M Users Sensitive Data at Risk. to know more visit kannada.gizbot.com
    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more