ಭಾರತೀಯರು ಮೊಬೈಲ್‌ ಖರೀದಿಸುತ್ತಿಲ್ಲ : ಏಕೆ ಗೊತ್ತೇ ?

By Suneel

Published: Thursday, February 11, 2016, 14:44 [IST]

ಭಾರತದಲ್ಲಿ ಸ್ಮಾರ್ಟ್‌ಫೋನ್‌ ಮಾರುಕಟ್ಟೆ ಶೀಘ್ರವಾಗಿ ಅಭಿವೃದ್ದಿಗೊಂಡಿದೆ. ಆದರೆ ಈಗ ಹೊಸ ಸುದ್ದಿ ಏನಪ್ಪಾ ಅಂದ್ರೆ ಭಾರತೀಯರು ಇನ್ನು 12 ತಿಂಗಳ ಕಾಲ ಯಾವುದೇ ಸ್ಮಾರ್ಟ್‌ಫೋನ್‌ ಅನ್ನು ಖರೀದಿಸಲು ಇಷ್ಟಪಡುವುದಿಲ್ಲವಂತೆ. ಹೀಗೆ ಹೇಳಿರುವುದು ಬಹುರಾಷ್ಟ್ರೀಯ ವ್ಯವಸ್ಥಾಪನೆ ಸಮಾಲೋಚನೆ ಕಂಪನಿ ಅಕ್ಸೆಂಚರ್. ಸಮೀಕ್ಷೆ ಪ್ರಕಾರ ಅಕ್ಸೆಂಚರ್‌ ಈ ಮಾಹಿತಿಯನ್ನು ಹೊರಹಾಕಿದ್ದು, ಈ ಬಗ್ಗೆ ಹೆಚ್ಚಿನ ಮಾಹಿತಿ ತಿಳಿಯಲು ಲೇಖನದ ಸ್ಲೈಡರ್‌ಗಳನ್ನು ಓದಿರಿ.

ಭಾರತ ಸ್ಮಾರ್ಟ್‌ಫೋನ್‌ಗಳ ಮಾರುಕಟ್ಟೆ

ಡಿಜಿಟಲ್‌ ಗ್ರಾಹಕರ ಸಮೀಕ್ಷೆ

ಬಹುರಾಷ್ಟ್ರೀಯ ವ್ಯವಸ್ಥಾಪನೆಯ ಸಮಾಲೋಚನೆ ಸೇವೆಗಳ ಕಂಪನಿಯಾದ ಅಕ್ಸೆಂಚರ್‌ ಕಂಪನಿ ಡಿಜಿಟಲ್‌ ಗ್ರಾಹಕರ ಸಮೀಕ್ಷೆಯೊಂದನ್ನು ಕೈಗೊಂಡು "ಭಾರತೀಯರು ಇನ್ನು 12 ತಿಂಗಳುಗಳ ಕಾಲ ಯಾವುದೇ ಫೋನ್‌ ಅನ್ನು ಅಪ್‌ಗ್ರೇಡ್‌ ಮಾಡುವುದಿಲ್ಲ"ಎಂದು ಮಾಹಿತಿ ನೀಡಿದೆ.

ಸ್ಮಾರ್ಟ್‌ಫೋನ್‌ ಸರ್ವೀಸ್‌

ಹೆಚ್ಚು ಸ್ಮಾರ್ಟ್‌ಫೋನ್‌ ಬಳಕೆದಾರರು ಕೇವಲ ಇರುವ ಸ್ಮಾರ್ಟ್‌ಫೋನ್‌ಗಳನ್ನೇ ಸರ್ವೀಸ್‌ ಮಾಡಿಸಲು ಮಾತ್ರ ಇಚ್ಚಿಸುತ್ತಿದ್ದಾರೆ.

ಕೇವಲ ಶೇಕಡ 48 ಖರೀದಿದಾರರು

ಮುಂಬರುವ 12 ತಿಂಗಳಲ್ಲಿ ಕೇವಲ ಶೇಕಡ 48 ರಷ್ಟು ಗ್ರಾಹಕರು ಮಾತ್ರ ಸ್ಮಾರ್ಟ್‌ಫೋನ್‌ ಖರೀದಿಸಲು ಯೋಚಿಸುತ್ತಿದ್ದಾರೆ.

ಖರೀದಿ ಅಂದಾಜು

ಕಳೆದ ವರ್ಚಕ್ಕಿಂತ 6 ಅಂಕಗಳಷ್ಟು ಖರೀದಿ ಅಂದಾಜು ಮುಗ್ಗರಿಸಿದೆ. ಅಲ್ಲದೇ 2014 ನೇ ಇಸವಿಗೆ ಹೋಲಿಸಿದರೆ 9 ಅಂಕಗಳಷ್ಟು ಖರೀದಿ ಮುಗ್ಗರಿಸಿದೆ. 2014 ರಲ್ಲಿ ಶೇಕಡ 80 ರಷ್ಟು ಜನರು ಹೊಸ ಸ್ಮಾರ್ಟ್‌ಫೋನ್‌ಗಳನ್ನು ಕೊಳ್ಳಲು ಬಯಸಿದ್ದರು ಎಂದು ಅಕ್ಸೆಂಚರ್‌ ಹೇಳಿದೆ.

3G, 4G ಗೆ ಹಣ ವ್ಯಯ

ಈಗಾಗಲೇ ಸ್ಮಾರ್ಟ್‌ಫೋನ್‌ ಖರೀದಿಸಿರುವವರು ಬಹುಶಃ ಹಣವನ್ನು 3G, 4G ಇಂಟರ್ನೆಟ್‌ ಸೇವೆಗಾಗಿ ವ್ಯಯಿಸುತ್ತಿರಬಹುದು ಎನ್ನಲಾಗಿದೆ. ಭಾರತದಲ್ಲಿ ಶೇಕಡ 32 ರಷ್ಟು ಜನರು ಮೊಬೈಲ್‌ ಸೇವೆಗಳ ಮೇಲೆ ಹಣವನ್ನು ಮುಂದಿನ ವರ್ಷಗಳಲ್ಲಿ ವ್ಯಯಿಸುವುದಾಗಿ ಹೇಳಿದ್ದಾರೆ ಎಂದು ಸಮೀಕ್ಷೆಯಲ್ಲಿ ಹೇಳಲಾಗಿದೆ.