ಅಂತರ್ಜಾಲದ ಹೆಚ್ಚು ಬಳಕೆ ರೋಗಕ್ಕೆ ಮೂಲ

ಜಗತ್ತಿನಾದ್ಯಂತ 6 ಶೇಕಡದಷ್ಟು ಜನರು ಅಂತರ್ಜಾಲ ಚಟದಿಂದ ಬಳಲುತ್ತಿದ್ದು ಇದು ಅವರ ಆರೋಗ್ಯದ ಮೇಲೆ ದುಷ್ಪರಿಣಾಮವನ್ನು ಬೀರುತ್ತಿದೆ ಎಂದು ಅಧ್ಯಯನ ತಿಳಿಸಿದೆ.

ಹಾಂಕ್ ಕಾಂಗ್‌ನ ವಿಶ್ವವಿದ್ಯಾಲಯದ ಸಂಶೋಧಕರು ಈ ಅಧ್ಯಯನವನ್ನು ಕೈಗೊಂಡಿದ್ದು 164 ಅಂತರ್ಜಾಲ ಬಳಕೆದಾರರಲ್ಲಿ ಶೇಕಡಾ 6 ರಷ್ಟು ಜನರು ಆರೋಗ್ಯ ಸಂಬಂಧಿ ಕಾಯಿಲೆಗಳಿಂದ ಬಳಲುತ್ತಿರುವುದಾಗಿ ಸಂಶೋಧನೆ ತಿಳಿಸಿದೆ.

31 ದೇಶಗಳಲ್ಲಿ 89,000 ಕ್ಕಿಂತಲೂ ಹೆಚ್ಚಿನ ವ್ಯಕ್ತಿಗಳ ಅಂಕಿ ಅಂಶವನ್ನು ಡೇಟಾ ಕೈಗೆತ್ತಿಕೊಂಡಿದೆ. ಅಂತರ್ಜಾಲದ ಪರಿಣಾಮ ಜನರ ಮೇಲೆ ಹೇಗೆ ಗಾಢ ಪರಿಣಾಮವನ್ನು ಬೀರುತ್ತದೆ ಎಂಬುದನ್ನು ಈ ಆಧ್ಯಯನವು ತಿಳಿಸುತ್ತದೆ.

ಅಂತರ್ಜಾಲವನ್ನು ಜನರು ಹೆಚ್ಚು ಹೆಚ್ಚು ಬಳಸಿದಂತೆ ಇದು ಜನರ ಜೀವನ ಗುಣಮಟ್ಟದ ಮೇಲೆ ಕೆಟ್ಟ ಪರಿಣಾಮವನ್ನು ಬೀರುತ್ತಿದೆ ಎಂದು ಸಂಶೋಧನೆ ತಿಳಿಸಿದೆ. ಜನರ ಜೀವನ ಮೌಲ್ಯಗಳು ಇದರಿಂದ ಕುಸಿಯುತ್ತಿದೆ ಎಂದು ಸಂಶೋಧನೆ ಭಯ ವ್ಯಕ್ತಪಡಿಸಿದೆ.