ವಿಶ್ವದ ದೊಡ್ಡ ಸಾಮಾಜಿಕ ಜಾಲ ತಾಣಗಳಾದ ಫೇಸ್ ಬುಕ್, ಟ್ವಿಟರ್, ಲಿಂಕ್ಡ್ ಇನ್, ಫ್ಲಿಕರ್ ಮುಂತಾದವು, ನಿಮ್ಮ ಖಾಸಗಿ ಮಾಹಿತಿ ಯನ್ನು ಉಪಯೋಗಿಸಿಕೊಂಡು ಜಾಹೀರಾತು ಕಂಪನಿಗಳಿಗೆ ಒದಗಿಸುತ್ತಿದೆ ಎಂದು ಮೂಲಗಳು ತಿಳಿಸಿವೆ.

ಅದರಲ್ಲೂ ಆಂಡ್ರಾಯ್ಡ್ ಹಾಗು ಆಪಲ್ ನ ಐ.ಓ.ಎಸ್ ನ ಸ್ಮಾರ್ಟ್ ಫೋನ್ ಗಳಿಂದ ಕಳಿಸುವ ಎಸ್.ಎಂ.ಎಸ್ ಹಾಗು ಚಿತ್ರಗಳನ್ನು ಸುಲಭವಾಗಿ ಓದಲು ಸಾದ್ಯವಿದ್ದು, ಈ ವೆಬ್ಸೈಟ್ಗಳು ಅನಧೀಕೃತವಾಗಿ ಈ ರೀತಿ ಮಾಡಿರುವುದಾಗಿ ಒಪ್ಪಿಕೊಂಡಿವೆ ಎಂದು ಡೈಲಿ ಮೇಲ್ ಪತ್ರಿಕೆ ವರದಿ ಮಾಡಿದೆ.

ಸ್ಮಾರ್ಟ್ ಫೋನ್ ಮೂಲಕ ಟ್ವಿಟರ್ ಬಳಸುವ ಖಾತೆದಾರರ ಇ-ಮೇಲ್ ಹಾಗು ಫೋನ್ ನಂಬರಗಳನ್ನ ತನ್ನ ಸರ್ವರ್ಗಳಲ್ಲಿ ಸಂಗ್ರಹಿಸಿದ್ದಾಗಿ ಹೇಳಿಕೊಂಡಿದೆ.

ಈ ರೀತಿಯ ಅಪಾಯವಿರುವುದರಿಂದ ನೀವು ಸಾಮಾಜಿಕ ಜಾಲ ತಾಣಗಳಲ್ಲಿ ನಿಮ್ಮ ಖಾಸಗಿ ವಿಷಯವನ್ನು ಆದಷ್ಟು ಕಡಿಮೆ ಹಂಚಿಕೊಳ್ಳುವುದು ಒಳಿತು.