iOS 26 ಮತ್ತು iPadOS 26: ಬೆಂಬಲಿತ ಎಲ್ಲಾ iPhone ಮತ್ತು iPad ಪಟ್ಟಿ ಇಲ್ಲಿದೆ!

ಆಪಲ್ ತನ್ನ ವಾರ್ಷಿಕ ವರ್ಲ್ಡ್‌ವೈಡ್ ಡೆವಲಪರ್ಸ್ ಕಾನ್ಫರೆನ್ಸ್ (WWDC) 2025 ರಲ್ಲಿ iOS 26 ಮತ್ತು iPadOS 26 ಅನ್ನು ಬಿಡುಗಡೆ ಮಾಡಿದೆ. ಈ ಹೊಸ ಆಪರೇಟಿಂಗ್ ಸಿಸ್ಟಮ್‌ಗಳು 'ಲಿಕ್ವಿಡ್ ಗ್ಲಾಸ್' ವಿನ್ಯಾಸ ಭಾಷೆ ಮತ್ತು ಸುಧಾರಿತ Apple ಇಂಟೆಲಿಜೆನ್ಸ್ ವೈಶಿಷ್ಟ್ಯಗಳನ್ನು ಒಳಗೊಂಡಿವೆ. ಆದರೆ, ಕೆಲವು ಹಳೆಯ iPhone ಮತ್ತು iPad ಮಾದರಿಗಳು ಈ ಅಪ್‌ಡೇಟ್‌ಗಳನ್ನು ಪಡೆಯುವುದಿಲ್ಲ. ಹಾಗಾಗಿ, ಈ ಲೇಖನದಲ್ಲಿ . ಹೊಸ OS ನವೀಕರಣಗಳೊಂದಿಗೆ ಹೊಂದಿಕೆಯಾಗುವ ಎಲ್ಲಾ ಸ್ಮಾರ್ಟ್‌ಫೋನ್‌ಗಳು ಮತ್ತು ಟ್ಯಾಬ್ಲೆಟ್‌ಗಳ ಪಟ್ಟಿಯನ್ನು ಸಹ ನಾವು ಸಂಗ್ರಹಿಸಿದ್ದೇವೆ. ಅದಕ್ಕೂ ಮೊದಲು, ಯಾವ ಐಫೋನ್ ಮತ್ತು ಐಪ್ಯಾಡ್ ಮಾದರಿಗಳು iOS 26 ಮತ್ತು iPadOS 26 ಗೆ ಹೊಂದಿಕೆಯಾಗುವುದಿಲ್ಲ ಎಂಬುದನ್ನು ಮೊದಲು ನೋಡೋಣ.

ಯಾವ ಐಫೋನ್ ಮತ್ತು ಐಪ್ಯಾಡ್ ಮಾದರಿಗಳು iOS 26 ಮತ್ತು iPadOS 26 ಗೆ ಹೊಂದಿಕೆಯಾಗುವುದಿಲ್ಲ?
Apple ದೃಢಪಡಿಸಿದಂತೆ, iPhone XR ಮತ್ತು iPhone XS ಮಾದರಿಗಳು iOS 26 ಅಪ್‌ಡೇಟ್ ಅನ್ನು ಸ್ವೀಕರಿಸುವುದಿಲ್ಲ. ಅದೇ ರೀತಿ, 7ನೇ ತಲೆಮಾರಿನ iPad (2019) iPadOS 26 ಅಪ್‌ಡೇಟ್ ಅನ್ನು ಬೆಂಬಲಿಸುವುದಿಲ್ಲ. ಸಾಮಾನ್ಯವಾಗಿ, Apple ನವೀಕರಣಗಳಿಗೆ ಕಟ್‌ಆಫ್ ಸಾಧನದ ವಯಸ್ಸು ಅಥವಾ ಅದರ ಹಾರ್ಡ್‌ವೇರ್ ಸಾಮರ್ಥ್ಯಗಳನ್ನು ಆಧರಿಸಿರುತ್ತದೆ. iPhone XR ಮತ್ತು iPhone XS 2018 ರಲ್ಲಿ ಬಿಡುಗಡೆಯಾಗಿದ್ದು, A12 ಬಯೋನಿಕ್ ಚಿಪ್‌ಸೆಟ್ ಅನ್ನು ಹೊಂದಿವೆ. 7ನೇ ತಲೆಮಾರಿನ iPad (2019) A10 ಫ್ಯೂಷನ್ ಚಿಪ್ ಅನ್ನು ಒಳಗೊಂಡಿದೆ. ಈ ಸಾಧನಗಳು ಪ್ರಮುಖ OS ಅಪ್‌ಗ್ರೇಡ್‌ಗಳನ್ನು ಪಡೆಯದಿದ್ದರೂ, Apple ಮುಂದಿನ ಕೆಲವು ವರ್ಷಗಳವರೆಗೆ ಭದ್ರತಾ ಅಪ್‌ಡೇಟ್‌ಗಳನ್ನು ಒದಗಿಸುವ ನಿರೀಕ್ಷೆಯಿದೆ.

iOS 26 ಗೆ ಹೊಂದಿಕೆಯಾಗುವ iPhone ಮಾದರಿಗಳು:
iOS 26 ಅಪ್‌ಡೇಟ್ ಈ ಕೆಳಗಿನ iPhone ಮಾದರಿಗಳಿಗೆ ಲಭ್ಯವಿರುತ್ತದೆ:

• iPhone 16 ಸರಣಿ: iPhone 16e, iPhone 16, iPhone 16 Plus, iPhone 16 Pro, iPhone 16 Pro Max
• iPhone 15 ಸರಣಿ: iPhone 15, iPhone 15 Plus, iPhone 15 Pro, iPhone 15 Pro Max
• iPhone 14 ಸರಣಿ: iPhone 14, iPhone 14 Plus, iPhone 14 Pro, iPhone 14 Pro Max
• iPhone 13 ಸರಣಿ: iPhone 13, iPhone 13 mini, iPhone 13 Pro, iPhone 13 Pro Max
• iPhone 12 ಸರಣಿ: iPhone 12, iPhone 12 mini, iPhone 12 Pro, iPhone 12 Pro Max
• iPhone 11 ಸರಣಿ: iPhone 11, iPhone 11 Pro, iPhone 11 Pro Max
• iPhone SE: 2ನೇ ತಲೆಮಾರಿನ ಮತ್ತು ನಂತರದ ಮಾದರಿಗಳು

iPadOS 26 ಗೆ ಹೊಂದಿಕೆಯಾಗುವ iPad ಮಾದರಿಗಳು:
iPadOS 26 ಸಾಫ್ಟ್‌ವೇರ್ ಅಪ್‌ಡೇಟ್ ಈ ಕೆಳಗಿನ iPad ಮಾದರಿಗಳಿಗೆ ಲಭ್ಯವಿರುತ್ತದೆ:

• iPad Pro: iPad Pro (M4), iPad Pro 12.9-ಇಂಚಿನ (3ನೇ ತಲೆಮಾರಿನ ಮತ್ತು ನಂತರದ), iPad Pro 11-ಇಂಚಿನ (1ನೇ ತಲೆಮಾರಿನ ಮತ್ತು ನಂತರದ)
• iPad Air: iPad Air (M3), iPad Air (M2), iPad Air (3ನೇ ತಲೆಮಾರಿನ ಮತ್ತು ನಂತರದ)
• iPad: iPad (A16), iPad (8ನೇ ತಲೆಮಾರಿನ ಮತ್ತು ನಂತರದ)
• iPad mini: iPad mini (A17 Pro), iPad mini (5ನೇ ತಲೆಮಾರಿನ ಮತ್ತು ನಂತರದ)

iOS 26 ಡೆವಲಪರ್ ಬೀಟಾ 1 ಅನ್ನು ಹೇಗೆ ಸ್ಥಾಪಿಸುವುದು
iOS 26 ಮತ್ತು iPadOS 26 ನ ಡೆವಲಪರ್ ಬೀಟಾ ಆವೃತ್ತಿಗಳು ಈಗಾಗಲೇ ಡೌನ್‌ಲೋಡ್‌ಗೆ ಲಭ್ಯವಿದೆ. iOS 26 ಡೆವಲಪರ್ ಬೀಟಾ 1 ನವೀಕರಣವನ್ನು ಸ್ಥಾಪಿಸುವ ಮೊದಲು, ಐಫೋನ್ ಬಳಕೆದಾರರು ಕೆಲವು ಪ್ರಮುಖ ಅಂಶಗಳನ್ನು ಗಮನಿಸಬೇಕು. ಡೆವಲಪರ್ ಬೀಟಾ ಆವೃತ್ತಿಗಳು OS ನ ಪೂರ್ವ-ಬಿಡುಗಡೆ ಆವೃತ್ತಿಗಳಾಗಿವೆ. ಇವುಗಳನ್ನು ಮುಖ್ಯವಾಗಿ ಡೆವಲಪರ್‌ಗಳು ಹೊಸ ವೈಶಿಷ್ಟ್ಯಗಳು ಮತ್ತು ಅಪ್ಲಿಕೇಶನ್‌ಗಳನ್ನು ಪರೀಕ್ಷಿಸಲು ಬಳಸುತ್ತಾರೆ. OS ಅನ್ನು ಸಾರ್ವಜನಿಕವಾಗಿ ಬಿಡುಗಡೆ ಮಾಡುವ ಮೊದಲು ನೀವು ಇದನ್ನು ಪ್ರಯತ್ನಿಸಲು ಅವಕಾಶವಿದ್ದರೂ, ಈ ನವೀಕರಣಗಳು ದೋಷಗಳನ್ನು ಹೊಂದಿರಬಹುದು. ಇದು ಸಾಧನದ ಕಾರ್ಯಕ್ಷಮತೆ, ಬ್ಯಾಟರಿ ಬಾಳಿಕೆಗೆ ತೊಂದರೆ ನೀಡಬಹುದು ಅಥವಾ ಪ್ರಮುಖ ಡೇಟಾ ನಷ್ಟಕ್ಕೆ ಕಾರಣವಾಗಬಹುದು ಹೀಗಾಗಿ, iOS 26 ಡೆವಲಪರ್ ಬೀಟಾ 1 ಅನ್ನು ಸ್ಥಾಪಿಸುವ ಮೊದಲು ನಿಮ್ಮ ಡೇಟಾವನ್ನು ಸಂಪೂರ್ಣವಾಗಿ ಬ್ಯಾಕಪ್ ಮಾಡಲು Apple ಬಲವಾಗಿ ಸಲಹೆ ನೀಡುತ್ತದೆ. ಡೇಟಾ ಬ್ಯಾಕಪ್ ಪೂರ್ಣಗೊಂಡ ನಂತರ, ನವೀಕರಣವನ್ನು ಪ್ರವೇಶಿಸಲು ನಿಮಗೆ Apple ಡೆವಲಪರ್ ಖಾತೆಯ ಅಗತ್ಯವಿದೆ. ಅದನ್ನು ಪಡೆಯುವ ವಿಧಾನ ಹೀಗಿದೆ:

ನಿಮ್ಮ ವೆಬ್ ಬ್ರೌಸರ್‌ನಲ್ಲಿ beta.apple.com ಗೆ ನ್ಯಾವಿಗೇಟ್ ಮಾಡಿ.
"ಸೈನ್ ಅಪ್" ಬಟನ್ ಟ್ಯಾಪ್ ಮಾಡಿ ಮತ್ತು ನಿಮ್ಮ Apple ID ಯೊಂದಿಗೆ ಲಾಗಿನ್ ಮಾಡಿ.
ನಿಯಮಗಳು ಮತ್ತು ಷರತ್ತುಗಳನ್ನು ಓದಿ, ಮತ್ತು ನೀವು ಅವುಗಳನ್ನು ಒಪ್ಪಿಕೊಂಡರೆ "ಸ್ವೀಕರಿಸಿ" ಬಟನ್ ಟ್ಯಾಪ್ ಮಾಡಿ.
ನಿಮ್ಮ ಐಫೋನ್‌ನಲ್ಲಿ, ಸೆಟ್ಟಿಂಗ್‌ಗಳು > ಜೆನರಲ್ > ಸಾಫ್ಟ್‌ವೇರ್ ಅಪ್‌ಡೇಟ್ ಗೆ ಹೋಗಿ.
"ಬೀಟಾ ಅಪ್‌ಡೇಟ್‌ಗಳು" ಆಯ್ಕೆಮಾಡಿ ಮತ್ತು ಅಲ್ಲಿ "ಡೆವಲಪರ್ ಬೀಟಾ" ಆಯ್ಕೆಯನ್ನು ಆರಿಸಿ.

ಒಮ್ಮೆ ನೀವು "ಡೆವಲಪರ್ ಬೀಟಾ" ಆಯ್ಕೆಯನ್ನು ಆರಿಸಿದ ನಂತರ, ಐಫೋನ್‌ಗೆ ಹೊಸ ಅಪ್‌ಡೇಟ್ ಲಭ್ಯವಿದ್ದಾಗ ಅದು ಸಾಫ್ಟ್‌ವೇರ್ ಅಪ್‌ಡೇಟ್ ಪುಟದಲ್ಲಿ ಕಾಣಿಸುತ್ತದೆ. ನೀವು ಡೆವಲಪರ್ ಬೀಟಾ ನವೀಕರಣಗಳನ್ನು ಸ್ವೀಕರಿಸುವುದನ್ನು ನಿಲ್ಲಿಸಲು ಬಯಸಿದರೆ, ಅದೇ ಸೆಟ್ಟಿಂಗ್ಸ್‌ನಲ್ಲಿ ಆಯ್ಕೆಯನ್ನು ಆಫ್ ಮಾಡಬಹುದು. ಬೀಟಾ ಆವೃತ್ತಿಗಳನ್ನು ಸ್ಥಾಪಿಸುವಾಗ ಎಚ್ಚರಿಕೆ ವಹಿಸುವುದು ಯಾವಾಗಲೂ ಉತ್ತಮ.iOS 26 ಮತ್ತು iPadOS 26 ಸಾರ್ವಜನಿಕ ಬಿಡುಗಡೆಯು ಈ ವರ್ಷದ ಕೊನೆಯಲ್ಲಿ, iPhone 17 ಸರಣಿಯ ಬಿಡುಗಡೆಯ ಸಮಯದಲ್ಲಿ ನಡೆಯುವ ನಿರೀಕ್ಷೆಯಿದೆ.ನಿಮ್ಮ ಸಾಧನವು ಈ ಹೊಸ ಅಪ್‌ಡೇಟ್‌ಗಳನ್ನು ಪಡೆಯಲಿದೆಯೇ? ಎಂಬುದನ್ನು ಈ ಕೆಳಗೆ ಕಾಮೆಂಟ್ ಮಾಡಿ ತಿಳಿಸಿ.