364 ವಜ್ರದ ಹರಳುಗಳಿರುವ ದುಬಾರಿ ಐಫೋನ್‌

By Ashwath

Updated: Tuesday, June 18, 2013, 10:28 [IST]

ಹಣಕಾಸು ಮಂತ್ರಿ ಚಿದಂಬರಂ ಜನತೆಯಲ್ಲಿ ಚಿನ್ನಕೊಳ್ಳ ಬೇಡಿ ಎಂದು ವಿನಂತಿಸಿದರೂ ಚಿನ್ನ ಕೊಳ್ಳುವವರ ಸಂಖ್ಯೆಯೇನು ಕಮ್ಮಿಯಾಗಿಲ್ಲ. ಅದಕ್ಕಾಗಿ ಏನೋ ಈಗ ಹೊಸ ಚಿನ್ನ ಮತ್ತು ವಜ್ರದಿಂದ ನಿರ್ಮಿ‌ಸಿದ ಹೊಸ ಐಫೋನ್‌ 5 ಮಾರುಕಟ್ಟೆಗೆ ಬಂದಿದೆ. ಸಮಾಧಾನ ಸಂಗತಿ ಆದ್ರೆ ಈ ಐಫೋನ್‌ ಭಾರತದಲ್ಲಿ ಬಿಡುಗಡೆಯಾಗಿಲ್ಲ. ಈ ಐಫೋನ್‌ ಇಂಗ್ಲೆಂಡ್‌ನಲ್ಲಿ ಬಿಡುಗಡೆಯಾಗಿದೆ. ಚಿನ್ನದ ಫೋನ್‌ಗಳನ್ನು ವಿನ್ಯಾಸ ಮಾಡುವುದರಲ್ಲಿ ಹೆಸರಾದ ಲಂಡನ್‌ ಮೂಲದ ಗೋಲ್ಡ್‌ಜಿನೆ(Goldgenie) ಕಂಪೆನಿ 200 ಗ್ರಾಂ ಚಿನ್ನ ಮತ್ತು 364 ವಜ್ರದ ಹರಳು ಹಾಕಿ ಹೊಸ ಐಫೋನ್‌ 5 ಯನ್ನು ವಿನ್ಯಾಸ ಮಾಡಿದ್ದಾರೆ. ಈ ಐಫೋನ್ ಬೆಲೆ ಬರೋಬ್ಬರಿ 68 ಸಾವಿರ ಡಾಲರ್‌( 62 ಲಕ್ಷ ರೂಪಾಯಿ) ಸದ್ಯಕ್ಕೆ , ಒಂದು ಐಫೋನ್‌ ತಯಾರಿಸಿದ್ದು ಗ್ರಾಹಕರು ಆರ್ಡರ್‌ ಮಾಡಿದ್ದಲ್ಲಿ ಮುಂದಿನ ದಿನಗಳಲ್ಲಿ ತಯಾರಿಸಿ ಕೊಡಲಿದ್ದೇವೆ ಎಂದು ಕಂಪೆನಿ ಹೇಳಿದೆ. ಐಫೋನ್‌ ಸುತ್ತಲೂ ವಜ್ರದ ಹರಳುಗಳನ್ನು ಹಾಕಿ ಹೇಗೆ ವಿನ್ಯಾಸ ಮಾಡಿದ್ದಾರೆ ಎನ್ನುವುದಕ್ಕೆ ಆ ಐಫೋನ್ ಫೋಟೋ ಇಲ್ಲಿದೆ. ಒಂದೊಂದೆ ಪುಟವನ್ನು ತಿರುಗಿಸಿ ಸುಂದರ ಚಿನ್ನ,ವಜ್ರದ ಐಫೋನ್‌ 5 ನೋಡಿಕೊಂಡು ಹೋಗಿ.