ಕ್ಷಣಗಣನೆ ಶುರು! ನಾಳೆಯೇ ಅಗ್ಗದ iPhone SE 4 ಲಾಂಚ್; ಮಸ್ತ್ ಫೀಚರ್ಸ್‌.. ರೇಟ್​​ ಇಷ್ಟೆನಾ?

ಐಫೋನ್ ಪ್ರಿಯರ ಕಾಯುವಿಕೆ ಮುಗಿಯಿತು! ಆಪಲ್‌ ನಾಳೆಯೇ ಅಗ್ಗದ ಐಫೋನ್‌ ಬಿಡುಗಡೆ ಮಾಡಲಿದೆ. ಹೌದು, ಕಳೆದ ವರ್ಷ ಆ್ಯಪಲ್​ ಕಂಪನಿ ಬಹುನಿರೀಕ್ಷಿತ ಐಫೋನ್​ 16 ಸರಣಿಯನ್ನು ಪರಿಚಯಿಸಿತ್ತು. ಸದ್ಯ ಮಾರುಕಟ್ಟೆಯಲ್ಲಿ ಮಾರಾಟ ನಡೆಸುತ್ತಿದೆ. ಇದೀಗ ನಾಳೆ (ಫೆಬ್ರವರಿ 19) ಅಗ್ಗದ ಆಪಲ್ ಐಫೋನ್ SE 4 (iPhone SE 4) ಮೊಬೈಲ್ ಅಧಿಕೃತವಾಗಿ ಲೋಕಾರ್ಪಣೆಯಾಗಲಿದೆ. ಸ್ಮಾರ್ಟ್‌ಫೋನ್‌ ಪ್ರಿಯರು ಈ ಹೊಸ ಐಫೋನ್ ಬಿಡುಗಡೆಗಾಗಿ ಕಾಯುತ್ತಿದ್ದಾರೆ. ಬನ್ನಿ, ಈ ಐಫೋನ್ SE 4 ಬೆಲೆ ಮತ್ತು ವಿಶೇಷತೆಗಳನ್ನು ತಿಳಿಯೋಣ.

ಬಹುತೇಕರು ಹೊಸ ಐಫೋನ್​ ಖರೀದಿಸಲು ಸಜ್ಜಾಗಿದ್ದಾರೆ. ಅವರಿಗೆ ಇದು ಸಿಹಿಸುದ್ದಿ ಆಗಿದೆ. ಈ ಕಡಿಮೆ ಬಜೆಟ್ ಐಫೋನ್ SE 4 ಮೊಬೈಲ್‌ ನಾಳೆ ಅಧಿಕೃತವಾಗಿ ಬಿಡುಗಡೆಯಾಗಲಿದೆ. ಇದರ ಬೆಲೆ ಕಡಿಮೆ ಇರುತ್ತದೆ ಮತ್ತು ಇದು ಪ್ರೀಮಿಯಂ ಸ್ಮಾರ್ಟ್‌ಫೋನ್ ಆಗಿದೆ. ಕಂಪನಿಯು 2022 ರಲ್ಲಿ ಐಫೋನ್ SE 3 ಅನ್ನು ಬಿಡುಗಡೆ ಮಾಡಿತ್ತು. ಇದೀಗ, ಹೊಸ ಐಫೋನ್ ಹಲವು ಅಪ್ಡೇಟ್ ವೈಶಿಷ್ಟ್ಯಗಳೊಂದಿಗೆ ಬರುತ್ತಿದೆ. ಇದು ಐಫೋನ್ SE 3 ಫೋನಿಗೆ ಹೋಲಿಸಿದರೆ ದೊಡ್ಡ ಡಿಸ್ಪ್ಲೇ, ಹೆಚ್ಚು ಶಕ್ತಿಶಾಲಿ ಪ್ರೊಸೆಸರ್ ಮತ್ತು ದೊಡ್ಡ ಬ್ಯಾಟರಿ ಹೊಂದಿದೆ.

ಐಫೋನ್ SE 4 ಬಿಡುಗಡೆ ವಿವರ

ಆಪಲ್ ಸಿಇಒ ಟಿಮ್ ಕುಕ್ ಇತ್ತೀಚೆಗೆ ತಮ್ಮ ಎಕ್ಸ್‌ ಖಾತೆಯಲ್ಲಿ 'ಕುಟುಂಬದ ಹೊಸ ಸದಸ್ಯರನ್ನು ಭೇಟಿ ಮಾಡಲು ಸಿದ್ಧರಾಗಿ' ಎಂದು ಪೋಸ್ಟ್ ಮಾಡಿದ್ದರು. ಇಲ್ಲಿ ಯಾವುದೇ ಫೋನಿನ ಹೆಸರನ್ನು ಉಲ್ಲೇಖಿಸಿಲ್ಲ. ಆದರೆ, ಕುಟುಂಬಕ್ಕೆ ಸೇರುವ ಈ ಹೊಸ ಸದಸ್ಯ ಐಫೋನ್ SE 4 ಆಗಿದೆ. ತಮ್ಮ ಪೋಸ್ಟ್‌ನಲ್ಲಿ ಆಪಲ್ ಸಿಇಒ ಹೊಸ ಐಫೋನ್ ಅನ್ನು ಫೆಬ್ರವರಿ 19 ರಂದು ಬಿಡುಗಡೆ ಮಾಡಲಾಗುವುದು ಎಂದು ತಿಳಿಸಿದ್ದರು. ನಾಳೆ ಐಫೋನ್​ SE4 ಲಾಂಚ್​ ಆಗಲಿದ್ದು, ಇದರ ಬೆಲೆ ಲೀಕ್​ ಆಗಿದೆ.

ಐಫೋನ್ SE 4 ಬೆಲೆ

ಐಫೋನ್ SE 4 ಮೊಬೈಲ್‌ನ ಬೆಲೆ ಐಫೋನ್ 15 ಗಿಂತಲೂ ಕಡಿಮೆ ಇರಲಿದೆ. ವರದಿಯ ಪ್ರಕಾರ, ಈ ಫೋನನ್ನು 43,490 ರೂ.ಗೆ ($499) ಬಿಡುಗಡೆ ಮಾಡುವ ಸಾಧ್ಯತೆಯಿದೆ. ಭಾರತದಲ್ಲಿ ಐಫೋನ್ SE 4 ಅನ್ನು 50 ಸಾವಿರ ರೂ.ಗಿಂತ ಕಡಿಮೆ ಬೆಲೆಯಲ್ಲಿ ಪರಿಚಯಿಸುವ ಸಾಧ್ಯತೆಯಿದೆ. ಕಂಪನಿಯು ಐಫೋನ್ SE 4 ಜೊತೆಗೆ ಹೊಸ ಪವರ್‌ಬೀಟ್ಸ್ ಪ್ರೊ 2 ಇಯರ್‌ಬಡ್‌ಗಳನ್ನು ಸಹ ಬಿಡುಗಡೆ ಮಾಡಬಹುದು ಎಂದು ಹೇಳಲಾಗುತ್ತಿದೆ. ಆದರೆ, ಈ ಆಪಲ್ ಲಾಂಚ್ ಈವೆಂಟ್‌ನಲ್ಲಿ ಪರಿಚಯಿಸಲಾಗುವ ಉತ್ಪನ್ನಗಳ ಸಂಪೂರ್ಣ ವಿವರ ಬಹಿರಂಗವಾಗಿಲ್ಲ.

ಐಫೋನ್ SE 4 ವೈಶಿಷ್ಟ್ಯಗಳು

ಡಿಸ್ಪ್ಲೇ ವಿವರ

ಐಫೋನ್ SE 4 ಸ್ಮಾರ್ಟ್‌ಫೋನ್ 6.1 ಇಂಚಿನ ಡಿಸ್ಪ್ಲೇಯನ್ನು ಹೊಂದಿರುತ್ತದೆ. ಈ ಕಾಂಪ್ಯಾಕ್ಟ್ ಐಫೋನ್ ಡಿಸ್ಪ್ಲೇಯನ್ನು OLED ಪ್ಯಾನೆಲ್‌ನಲ್ಲಿ ನಿರ್ಮಿಸಲಾಗಿದೆ. ಈ ಫೋನ್ ಸೂಪರ್ ರೆಟಿನಾ XDR ಡಿಸ್ಪ್ಲೇಯನ್ನು ಹೊಂದಿರಲಿದೆ. ಇದು 460ppi ಪಿಕ್ಸೆಲ್ ಸಾಂದ್ರತೆಯನ್ನು ಸಪೋರ್ಟ್‌ ಮಾಡಲಿದೆ.

ಪ್ರೊಸೆಸರ್ ಸಾಮರ್ಥ್ಯ

ಈ ಅಗ್ಗದ ಐಫೋನ್ SE 4 ಅನ್ನು ಬಯೋನಿಕ್ A18 ಪ್ರೊಸೆಸರ್‌ನೊಂದಿಗೆ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲಾಗುತ್ತದೆ. ವಿಶೇಷವಾಗಿ ಐಫೋನ್ 16 ಬಯೋನಿಕ್ A18 ಪ್ರೊಸೆಸರ್‌ ಅನ್ನು ಹೊಂದಿದೆ. ಇದು ಸರಾಗವಾಗಿ ಮತ್ತು ವೇಗವಾಗಿ ಕಾರ್ಯನಿರ್ವಹಿಸುತ್ತದೆ. ಐಫೋನ್ 16 ಸರಣಿಯಂತೆ, ಐಫೋನ್ SE 4 ಸಹ 8GB RAM ಅನ್ನು ಹೊಂದಿರುತ್ತದೆ. ಐಫೋನ್ SE 4 ಅನ್ನು ಆಪಲ್ ಇಂಟೆಲಿಜೆನ್ಸ್ ತಂತ್ರಜ್ಞಾನದೊಂದಿಗೆ ಬಿಡುಗಡೆ ಮಾಡಲಾಗುವುದು.

ಕ್ಯಾಮೆರಾ ಸೆಟಪ್

ಮುಂಬರುವ ಐಫೋನ್ SE 4 ಮೊಬೈಲ್ 48 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಹೊಂದಿರುವ ಸಾಧ್ಯತೆಯಿದೆ. ಇದು ಫ್ಲ್ಯಾಷ್‌ ಲೈಟ್ ಜೊತೆಗೆ ಬರುತ್ತದೆ. ಈ ಹೊಸ ಐಫೋನ್ SE 4 ಸ್ಮಾರ್ಟ್‌ಫೋನ್ ಸೆಲ್ಫಿ ಮತ್ತು ವಿಡಿಯೋ ಕರೆಗಾಗಿ 12 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಹೊಂದಿರುತ್ತದೆ.