iPhone: ನೀವು ಐಫೋನ್ ಹೊಂದಿದ್ದರೆ ಇಲ್ಲಿದೆ ಖುಷಿ ಸುದ್ದಿ ! ಇಂಟರ್ನೆಟ್‌ ಸಂಪರ್ಕ ಇಲ್ಲದೆಯೂ ಕಳಿಸಬಹುದು ಸಂದೇಶ !

ವಿಭಿನ್ನ ಫೀಚರ್ಸ್‌ ಮೂಲಕ ತನ್ನದೇ ಆದ ಗ್ರಾಹಕರನ್ನು ಹೊಂದಿರುವ ಟೆಕ್ ದೈತ್ಯ ಆಪಲ್ ಸಂಸ್ಥೆ ತನ್ನ ಗ್ರಾಹಕರಿಗೆ ಅನುಕೂಲವಾಗಲೆಂದು ನಿರಂತರವಾಗಿ ಹೊಸ ಹೊಸ ಅಪ್ಡೇಟ್‌ಗಳನ್ನು ತರುತ್ತಾ ಇರುವುದನ್ನು ನಾವು ಗಮನಿಸಿದ್ದೇವೆ. ಆಪಲ್‌ ತನ್ನ WWDC 2024 ಕಾರ್ಯಕ್ರಮದಲ್ಲಿ ಓಎಸ್‌ ಅಪ್‌ಡೇಟ್‌ ಮಾಡಿದ್ದು, ಅಪ್‌ಡೇಟ್‌ ಓಎಸ್‌ ನೂತನ ಆಯ್ಕೆಗಳನ್ನು ಪಡೆದಿವೆ. ಹೊಸ ಓಎಸ್‌ನಲ್ಲಿ ಸಾಕಷ್ಟು ಅಚ್ಚರಿ ಹಾಗೂ ಕುತೂಹಲಕಾರಿ ಫೀಚರ್ಸ್‌ ಸೇರ್ಪಡೆಯಾಗಿವೆ. ಇದೀಗ ಅಂತಹದ್ದೇ ನೂತನ ಸಾಫ್ಟ್‌ವೇರ್ ಒಂದನ್ನು ಅಳವಡಿಸಿಕೊಳ್ಳುವ ಮೂಲಕ ಐಫೋನ್ iPhone) ಬಳಕೆದಾರರು ನೆಟ್‌ವರ್ಕ್ ಅಥವಾ ವೈಫೈ ಸಂಪರ್ಕ ಇಲ್ಲದೆಯೇ ಮೆಸೇಜ್ ಕಳಿಸುವ ತಂತ್ರಜ್ಞಾನವನ್ನು ಅಭಿವೃದ್ದಿಪಡಿಸಿದೆ ಹಾಗಾದ್ರೆ ಏನಿದು ನೂತನ ತಂತ್ರಜ್ಞಾನ ಎಂಬ ಅಂಶವನ್ನು ತಿಳಿಯಲು ಈ ಲೇಖನ ಪೂರ್ತಿಯಾಗಿ ಓದಿ.

Apple ನ iOS 18 ಅಪ್‌ಡೇಟ್ ಅನ್ನು ಅಭಿವೃದ್ದಿಪಡಿಸಿದ್ದು, ಇದು ಸ್ಯಾಟಲೈಟ್ ಕನೆಕ್ಷನ್ ಇಲ್ಲದೆಯೇ ಇತರರೊಂದಿಗೆ ಅಂದರೆ ಸ್ನೇಹಿತರು, ಕುಟುಂಬಸ್ಥರ ಜೊತೆ ಸಂಪರ್ಕ ಸಾಧಿಸಲು ಸಹಕಾರಿಯಾಗಿದೆ. ಅಂದರೆ ಐಫೋನ್ ಬಳಕೆದಾರರು ಇಂಟರ್ನೆಟ್ ಅಥವಾ Wi-Fi ಇಲ್ಲದೆಯೂ ಸಹ ಸಂಪರ್ಕದಲ್ಲಿರಬಹುದೆಂದು ಖಚಿತಪಡಿಸುತ್ತದೆ. ಈ ವೈಶಿಷ್ಟ್ಯವನ್ನು WWDC 2024 ಈವೆಂಟ್‌ನಲ್ಲಿ ಮರು ವಿನ್ಯಾಸಗೊಳಿಸಲಾದ ಫೋಟೋ ಅಪ್ಲಿಕೇಶನ್, ಕಂಟ್ರೋಲ್ ಸ್ಟೇಷನ್ ಮತ್ತು Apple ಇಂಟೆಲಿಜೆನ್ಸ್‌ನಂತಹ ಇತರೆ ಅಪ್‌ಡೇಟ್ ಗಳ ಜೊತೆಗೆ ಅನಾವರಣಗೊಳಿಸಲಾಗಿದೆ.

ವಿಶೇಷವಾಗಿ SMS ಕಳುಹಿಸಲು ಅಥವಾ ಕರೆಗಳನ್ನು ಮಾಡಲು ಸಿಗ್ನಲ್ ಅಗತ್ಯವಿರುವುದು ನಮಗೆಲ್ಲಾ ತಿಳಿದಿರುವ ಅಂಶ ಸ್ಯಾಟಲೈಟ್ ಸಂದೇಶ ಕಳುಹಿಸುವಿಕೆಯ ವೈಶಿಷ್ಟ್ಯವು ಈಗ ಬಳಕೆದಾರರಿಗೆ ಹತ್ತಿರದ ಸ್ಯಾಟಲೈಟ್ ಮೂಲಕ ಸಂದೇಶಗಳನ್ನು ಕಳುಹಿಸಲು ಅನುಮತಿಸುತ್ತದೆ. ಇದರರ್ಥ ಪರ್ವತ ಶ್ರೇಣಿಗಳು ಅಥವಾ ಸಮುದ್ರದ ಮಧ್ಯದಂತಹ ಯಾವುದೇ ಸಿಗ್ನಲ್ ಇಲ್ಲದ ಪ್ರದೇಶಗಳಲ್ಲಿಯೂ ಸಹ ಬಳಕೆದಾರರು ಸೆಲ್ಯುಲಾರ್ ಅಥವಾ ವೈ ಫೈ ಸೇವೆ ಇಲ್ಲದೆಯೂ ಸಹ iMessage ಅಥವಾ SMS ಮೂಲಕ ಸ್ನೇಹಿತರು ಮತ್ತು ಕುಟುಂಬದೊಂದಿಗೆ ಸಂವಹನ ಮಾಡಬಹುದು.

ಐಫೋನ್ ಬಳಕೆದಾರರು iMessage ಮತ್ತು SMS ಮೂಲಕ ಸಾಮಾನ್ಯ ವಿಷಯ ಮತ್ತು ಎಮೋಜಿಗಳನ್ನು ಕಳುಹಿಸಬಹುದು ಮತ್ತು ಸ್ವೀಕರಿಸಬಹುದು. ಉಪಗ್ರಹದ ಮೂಲಕ ಕಳುಹಿಸಲಾದ ಸಂದೇಶಗಳು ಎಂಡ್ ಟು ಎಂಡ್ ಎನ್‌ಕ್ರಿಪ್ಟ್ ಆಗಿರಲಿದೆ ಎಂದು ಆಪಲ್ ಸಂಸ್ಥೆ ಭರವಸೆ ನೀಡಿದೆ. ಗಮನಾರ್ಹ ವಿಷಯವೆಂದರೆ, ಉಪಗ್ರಹದ ಮೂಲಕ ಸಂದೇಶಗಳು iOS 18 ನಲ್ಲಿ ಲಭ್ಯವಿರುತ್ತವೆ ಜೊತೆಗೆ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ iPhone 14 ಮತ್ತು ಮುಂದಿನ ಸ್ಯಾಟಲೈಟ್ ವೈಶಿಷ್ಟ್ಯಗಳೊಂದಿಗೆ ಬರುವ ಐಫೋನ್‌ಗಳಲ್ಲಿ ಲಭ್ಯವಿರುತ್ತದೆ.

ದೂರದ ಪ್ರದೇಶಗಳಿಗೆ ಪ್ರಯಾಣ ಬೆಳೆಸುವವರು, ತಮ್ಮನ್ನು ತಾವು ಎಕ್ಸ್‌ಪ್ಲೋರ್ ಮಾಡಲು ಬಯಸುವವರಿಗೆ ಈ ವೈಶಿಷ್ಟ್ಯವು ಸೂಕ್ತವಾಗಿದೆ. ಪರ್ವತಗಳಲ್ಲಿ ಟ್ರೆಕ್ಕಿಂಗ್ ಅಥವಾ ಸಮುದ್ರದಂತಹ ಸ್ಥಳಗಳಲ್ಲಿ ಪ್ರಯಾಣಿಸುತ್ತಿರುವವರು ನೆಟ್‌ವರ್ಕ್ ಇಲ್ಲದ ಸಂದರ್ಭದಲ್ಲಿ ಬಳಕೆದಾರರು ಸ್ನೇಹಿತರು ಮತ್ತು ಕುಟುಂಬದೊಂದಿಗೆ ಸಂಪರ್ಕದಲ್ಲಿರಬಹುದು. ಇದಲ್ಲದೆ iPhone ಬಳಕೆದಾರರು ಈಗ ಸಂದೇಶವನ್ನು ನಿಗದಿಪಡಿಸಬಹುದು ಮತ್ತು iMessage ನಲ್ಲಿ ಯಾವುದೇ ಅಕ್ಷರ, ಪದ, ಪದಗುಚ್ಛ ಅಥವಾ ಎಮೋಜಿಗೆ ತಮಾಷೆಯ ಅನಿಮೇಟೆಡ್ ಪರಿಣಾಮಗಳನ್ನು ಕೂಡ ತಮ್ಮ ಆಪ್ತರಿಗೆ ರವಾನೆ ಮಾಡಬಹುದಾಗಿದೆ.

ಯಾವುದೇ ಸಮಯದಲ್ಲಿ ಅಥವಾ ತುರ್ತು ಸಂದರ್ಭದಲ್ಲಿ ಈ ನೂತನ ಸಾಫ್ಟ್‌ವೇರ್ ಸಹಕಾರಿಯಾಗಿರಲಿದೆ. ಸೂಕ್ಷ್ಮ ಸಂದೇಶಗಳನ್ನು ಸ್ನೇಹಿತರು, ಕುಟುಂಬಸ್ಥರಿಗೆ ರವಾನಿಸಲು ಅಥವಾ ಸಹೋದ್ಯೋಗಿಗಳಿಂದ ಇಮೇಲ್‌ಗಳಂತಹ ಹೆಚ್ಚು ಮುಖ್ಯವಾದ ಸಂದೇಶಗಳನ್ನು ತುರ್ತಾಗಿ ಕಳಿಸಲು ಈ iMessage ನಿಮಗೆ ಸಹಾಯ ಮಾಡಲಿದೆ. iMessage ಮತ್ತು ಪ್ರಾಥಮಿಕ ವರ್ಗವನ್ನು ಬಳಸದವರಿಗೆ iOS 18 RCS ಸಂದೇಶ ಕಳುಹಿಸುವಿಕೆ ಬೆಂಬಲವನ್ನು ನೀಡುತ್ತದೆ.