ಮೀಡಿಯಾಟೆಕ್‌ನ ಹೊಸ ಪ್ರೊಸೆಸರ್‌ ಬೆಂಬಲಿಸಲಿದೆ iQOO Z1 ಫೋನ್‌!

ಹೌದು, ಮೀಡಿಯಾ ಟೆಕ್‌ 5G ಡೈಮೆನ್ಸಿಟಿ 1000+ ಫ್ಲ್ಯಾಗ್‌ಶಿಪ್ ಚಿಪ್‌ಸೆಟ್ ಪ್ರೊಸೆಸರ್‌ ಅನ್ನು ಪರಿಚಯಿಸಿದೆ. ಈ 5G ಚಿಪ್‌ ಪ್ರೊಸೆಸರ್‌ ಅನ್ನು ಬಳಸುವ ಸ್ಮಾರ್ಟ್‌ಫೋನ್‌ ಅನ್ನು ಪರಿಚಯಿಸುವ ಮೊದಲ ಸಸಾಲಿನ ಕಂಪೆನಿಗಳಲ್ಲಿ ಇದೀಗ ಐಕ್ಯೂ ಕಂಪೆನಿ ಕೂಡ ಸೇರಿಕೊಂಡಿದೆ. ಸದ್ಯ ಇದೀಗ iQOO ಸ್ವತಃ ತನ್ನ ಅಧಿಕೃತ ವೀಬೊ ಖಾತೆಯ ಮೂಲಕ ದೃಡಪಡಿಸದ್ದು, ಈ ಸ್ಮಾರ್ಟ್‌ಫೋನ್ ಅನ್ನು iQOO Z1 ಎಂದು ಹೆಸರಿಸಲಾಗಿದೆ. ಅಷ್ಟೇ ಅಲ್ಲ ಈ ಹ್ಯಾಂಡ್‌ಸೆಟ್ ಅನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡಲು ಬ್ರ್ಯಾಂಡ್ ಯೋಜಿಸುತ್ತಿದೆ ಎಂದು ಚೀನಾದ ಟಿಪ್‌ಸ್ಟರ್‌ ವರದಿ ಆಗಿದೆ.

ಇನ್ನು IQOO Z1 ಸ್ಮಾರ್ಟ್‌ಫೋನ್‌ 5G ಡೈಮೆನ್ಸಿಟಿ 1000+ ಫ್ಲ್ಯಾಗ್‌ಶಿಪ್ ಚಿಪ್‌ಸೆಟ್ ಪ್ರೊಸೆಸರ್‌ ಅನ್ನು ಒಳಗೊಂಡಿರಲಿದ್ದು, ಉತ್ತಮ ಅನುಭವ ನೀಡಲಿದೆ ಎನ್ನಲಾಗ್ತಿದೆ. ಸದ್ಯ ಈ ಸ್ಮಾರ್ಟ್‌ಫೋನ್‌ ಬಿಡುಗಡೆಯ ದಿನಾಂಕದ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ. ಇದಲ್ಲದೆ ಈ ಸ್ಮಾರ್ಟ್‌ಫೋನ್‌ ಮೀಡಿಯಾ ಟೆಕ್ ಡೈಮೆನ್ಸಿಟಿ 1000+ ಎಸ್‌ಒಸಿ ವೇಗವನ್ನ ಪಡೆದುಕೊಂಡಿದೆ. ಇನ್ನು ಈ ಡಿವೈಸ್‌ 144 Hz ರಿಫ್ರೆಶ್ ರೇಟ್‌ ಹೊಂದಿರುವ ಸ್ಕ್ರೀನ್‌ ಅನ್ನು ಹೊಂದಿರಬಹುದು ಎಂದು ನಿರೀಕ್ಷಿಸಲಾಗಿದೆ. ಅಲ್ಲದೆ ಇತ್ತೀಚೆಗೆ ಬಿಡುಗಡೆಯಾದ iQOO ನಿಯೋ 3 ಸಹ 144Hz ಡಿಸ್ಪ್ಲೇ ಹೊಂದಿದೆ.

ಇದಲ್ಲದೆ IQOO Z1 ಸ್ಮಾರ್ಟ್‌ಫೋನ್‌ 5G ಅನ್ನು ಬೆಂಬಲಿಸಲಿದೆ. ಏಕೆಂದರೆ ಇತ್ತೀಚಿನ ಡೈಮೆನ್ಸಿಟಿ 1000+ SoC ಮೀಡಿಯಾ ಟೆಕ್ ನಿಂದ 5G ಚಿಪ್ ಆಗಿದೆ. ಇನ್ನು ಹೊಸದಾಗಿ ಪ್ರಾರಂಭಿಸಲಾದ ಮೀಡಿಯಾಟೆಕ್ ಡೈಮೆನ್ಸಿಟಿ 1000+ ಪ್ರೊಸೆಸರ್ ಅನ್ನು ಸ್ನಾಪ್‌ಡ್ರಾಗನ್ 825 ರಂತೆಯೇ 7 ಎನ್ಎಂ ಪ್ರಕ್ರಿಯೆಯಲ್ಲಿ ನಿರ್ಮಿಸಲಾಗಿದೆ. ಇದು ನಾಲ್ಕು ಕಾರ್ಟೆಕ್ಸ್-ಎ 77 ಕೋರ್‌ಗಳನ್ನು ಮತ್ತು ನಾಲ್ಕು ಕಾರ್ಟೆಕ್ಸ್-ಎ 55 ಘಟಕಗಳನ್ನು ನೀಡುತ್ತದೆ. ಜೊತೆಗೆ ಕಂಪನಿಯ 5G ಅಲ್ಟ್ರಾಸೇವ್ ವಿದ್ಯುತ್ ಉಳಿತಾಯ ಟೆಕ್ನಾಲಜಿಯನ್ನು ಹೊಂದಿದೆ.

ಅಲ್ಲದೆ ಈ ಪ್ರೊಸೆಸರ್‌ನ ನೆಟ್‌ವರ್ಕ್‌ ಎಕೋ ಮತ್ತು ಡೇಟಾ ಪ್ರಸರಣ ಪರಿಸ್ಥಿತಿಗಳಿಗೆ ಅನುಗುಣವಾಗಿ ಪ್ರೊಸೆಸರ್ ಮೋಡೆಮ್ನ ವರ್ಕಿಂಗ್ ಮೋಡ್ ಅನ್ನು ಕ್ರಿಯಾತ್ಮಕವಾಗಿ ಹೊಂದಿಸಲು ಇದು ಅನುಮತಿಸುತ್ತದೆ. ಇದು ವಿದ್ಯುತ್ ಸಂರಚನೆ ಮತ್ತು ಆಪರೇಟಿಂಗ್ ಆವರ್ತನವನ್ನು ಸಹ ಒಳಗೊಂಡಿದೆ. ಜೊತೆಗೆ ಈ ಚಿಪ್ ಮೀಡಿಯಾಟೆಕ್‌ನ ಹೈಪರ್ ಎಂಜೈನ್ 2.0 ಗೇಮ್ ಆಪ್ಟಿಮೈಸೇಶನ್ ಎಂಜಿನ್‌ನೊಂದಿಗೆ ಬರುತ್ತದೆ. ಇದಲ್ಲದೆ, ಐಕ್ಯೂಒ 3 ಆಂಡ್ರಾಯ್ಡ್ 11 ಮತ್ತು ಆಂಡ್ರಾಯ್ಡ್ 12 ನವೀಕರಣಗಳನ್ನು ಸ್ವೀಕರಿಸಲಿದೆ ಎಂದು ಕಂಪನಿ ಹೇಳಿಕೊಂಡಿದೆ.