ಮೀಡಿಯಾಟೆಕ್ ಡೈಮೆನ್ಸಿಟಿ 9300+ ಚಿಪ್‌ಸೆಟ್ ಜೊತೆಗೆ ಶೀಘ್ರದಲ್ಲೇ ಬರಲಿದೆ iQoo Z9 Turbo+ ಸ್ಮಾರ್ಟ್‌ಫೋನ್ !

ಜಾಗತಿಕ ಮೊಬೈಲ್ ಮಾರುಕಟ್ಟೆಯಲ್ಲಿ iQoo ಮೊಬೈಲ್‌ಗಳಿಗೆ ಬಹಳ ಬೇಡಿಕೆ ಇದೆ. ಇತ್ತೀಚಿನ ದಿನಗಳಲ್ಲಿ ಮಾರುಕಟ್ಟೆಯಲ್ಲಿ ಈ iQoo ಸಂಸ್ಥೆಯ ಮೊಬೈಲ್‌ಗಳು ಕೂಡ ಸದ್ದು ಮಾಡುತ್ತಿದ್ದು, ದೊಡ್ಡ ದೊಡ್ಡ ಬ್ರ್ಯಾಂಡ್‌ನ ಮೊಬೈಲ್‌ಗಳೀಗೆ ತೀವ್ರ ಪೈಪೋಟಿ ನೀಡುತ್ತಿವೆ. ಈ ನಡುವೆ ಸಂಸ್ಥೆ ತನ್ನ ನೂತನ ಮೊಬೈಲ್ ಒಂದನ್ನು ಬಿಡುಗಡೆಗೆ ಸಿದ್ದವಾಗುತ್ತಿದೆ ಎಂಬ ಅಂಶ ವಿವಿಧ ವೆಬ್‌ಸೈಟ್‌ಗಳಲ್ಲಿ ಹರಿದಾಡುತ್ತಿದೆ. ಹೌದು, ಸಂಸ್ಥೆ ಇದೀಗ ತನ್ನ iQoo Z9 Turbo+ ಹೆಸರಿನ ನೂತನ ಸ್ಮಾರ್ಟ್‌ಫೋನ್‌ ಬಿಡುಗಡೆ ಮಾಡಲು ತಯಾರಿ ನಡೆಸುತ್ತಿದೆ ಎಂಬ ಮಾಹಿತಿ ಸೋರಿಕೆಯಾಗಿದೆ. ಈ ಕುರಿತು ಸಂಸ್ಥೆ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲವಾದರೂ ಕೆಲವು ವೆಬ್‌ಪೇಜ್‌ಗಳು ಮಾಹಿತಿ ಸೋರಿಕೆಯಾಗಿದೆ.

ಟಿಪ್‌ಸ್ಟರ್ ಹಂಚಿಕೊಂಡ ವಿವರಗಳ ಪ್ರಕಾರ iQoo Z9 ಸರಣಿಯ ಸ್ಮಾರ್ಟ್‌ಫೋನ್‌ಗಳ ಸಾಲಿಗೆ ಹೊಸ ಮಾದರಿಯ ಸೇರ್ಪಡೆಯೊಂದಿಗೆ ಶೀಘ್ರದಲ್ಲೇ ವಿಸ್ತರಿಸಬಹುದು ಎಂದು ಹೇಳಲಾಗುತ್ತಿದೆ. ಈ ಸರಣಿಯಲ್ಲಿ ಪ್ರಸ್ತುತ iQoo Z9, iQoo Z9x ಮತ್ತು iQoo Z9 ಟರ್ಬೊ ಮೊಬೈಲ್‌ಗಳು ಇರುವುದನ್ನು ಗಮನಿಸಬಹುದಾಗಿದೆ. ಈ ಮಾದರಿಗಳನ್ನು ಏಪ್ರಿಲ್‌ನಲ್ಲಿ ಅನಾವರಣಗೊಳಿಸಲಾಗಿದೆ. ಇದೀಗ iQoo Z9 Turbo+ ಮಾದರಿಯ ಬಿಡುಗಡೆಗೆ ಕೆಲಸ ನಡೆಯುತ್ತಿದ್ದು ಇದು iQoo Z9 ಸರಣಿಯ ಸಾಲಿಗೆ ಸೇರುವ ಸೇರುವ ಸಾಧ್ಯತೆಯಿದೆ ಎಂದು ಹೇಳಲಾಗುತ್ತಿದೆ.

ಹ್ಯಾಂಡ್‌ಸೆಟ್‌ ಕುರಿತಾದ ವದಂತಿಗೆ ಪುಷ್ಟಿ ನೀಡಬಹುದಾದ ಚಿಪ್‌ಸೆಟ್‌ನ ವಿವರಗಳು ಆನ್‌ಲೈನ್‌ನಲ್ಲಿ ಸೋರಿಕೆಯಾಗಿವೆ. ಅದರ ಮಾನಿಕರ್‌ನಲ್ಲಿ "ಪ್ಲಸ್" ಎಂದು ನೀಡಲಾಗಿದೆ. ಇದು ಪ್ರಸ್ತುತ ಟರ್ಬೊ ಮಾದರಿಗಿಂತ ಹೆಚ್ಚಿನ ವಿಶೇಷಣಗಳೊಂದಿಗೆ ಪ್ರಾರಂಭಿಸುವ ಸಾಧ್ಯತೆಯಿದೆ.

iQoo Z9 Turbo+ ಬಿಡುಗಡೆ, ನಿರೀಕ್ಷಿತ ಫೀಚರ್ಸ್:

ಉದ್ದೇಶಿತ iQoo Z9 Turbo+ ಸ್ಮಾರ್ಟ್‌ಫೋನ್‌ ಅಭಿವೃದ್ಧಿಯ ಹಂತದಲ್ಲಿದೆ ಮತ್ತು ಶೀಘ್ರದಲ್ಲೇ ಪ್ರಾರಂಭಿಸಬಹುದು ಎಮದು ಟಿಪ್‌ಸ್ಟರ್ ಡಿಜಿಟಲ್ ಚಾಟ್ ಸ್ಟೇಷನ್ ಮೂಲಕ Weibo ಪೋಸ್ಟ್‌ ಮಾಹಿತಿಯನ್ನು ನೀಡಿದೆ. ಮತ್ತೊಂದು Weibo ಖಾತೆಯಾಗಿರುವ ಮೆಂಗ್‌ಡರ್ ಡಿಜಿಟಲ್ ಈ ಸ್ಮಾರ್ಟ್‌ಫೋನ್‌ ಕುರಿತು ಮಾಹಿತಿ ನೀಡಿದ್ದು, ಟರ್ಬೊ + ಮಾದರಿಯು ಕಳೆದ ತಿಂಗಳು ಮೀಡಿಯಾ ಟೆಕ್ ಬಿಡುಗಡೆ ಮಾಡಿದ ಹೈ ಎಂಡ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 9300 + ಚಿಪ್‌ಸೆಟ್ ಅನ್ನು ಒಳಗೊಂಡಿರುವ ನಿರೀಕ್ಷೆಯಿದೆ ಎಂದು ಹೇಳುತ್ತದೆ.

ವದಂತಿಯಲ್ಲಿ Turbo+ ಮಾದರಿಯ ಯಾವುದೇ ವಿವರಗಳಿಲ್ಲದಿದ್ದರೂ iQoo Z9 Turbo ನ ಈ ರೂಪಾಂತರವು ಅಸ್ತಿತ್ವದಲ್ಲಿರುವುದರಿಂದ iQoo Z9 Turbo ಗಿಂತ ಉತ್ತಮವಾದ ವಿಶೇಷಣಗಳನ್ನು ನೀಡುವ ಸಾಧ್ಯತೆಯಿದೆ ಎಂದು ನಾವು ಊಹಿಸಬಹುದು.

iQoo Z9 ಟರ್ಬೊ ವಿಶೇಷತೆಗಳು:

iQoo Z9 ಟರ್ಬೊ ಇದು Snapdragon 8s Gen 3 ಚಿಪ್‌ಸೆಟ್‌ನಿಂದ ಚಾಲಿತವಾಗಿದೆ ಮತ್ತು 80W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 6,000mAh ಬ್ಯಾಟರಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು 6.78 ಇಂಚಿನ 144Hz ಫುಲ್ HD+ AMOLED ಡಿಸ್‌ಪ್ಲೇ ಹೊಂದಿದೆ ಮತ್ತು ಆಂಡ್ರಾಯ್ಡ್‌ 14 ಆಧಾರಿತ OriginOS 4 ನೊಂದಿಗೆ ರವಾನಿಸುತ್ತದೆ.

ದೃಗ್ವಿಜ್ಞಾನಕ್ಕಾಗಿ iQoo Z9 Turbo ಡ್ಯುಯಲ್ ಹಿಂಬದಿಯ ಕ್ಯಾಮೆರಾ ಘಟಕವನ್ನು ಒಳಗೊಂಡಿದೆ, ಇದು 50MP ಹೊಸ Sony LYT-600 ಪ್ರಾಥಮಿಕ ಸೆನ್ಸಾರ್ ಮತ್ತು ಅಲ್ಟ್ರಾ ವೈಡ್ ಆಂಗಲ್ ಲೆನ್ಸ್‌ನೊಂದಿಗೆ 8MP ಸೆನ್ಸಾರ್ ಒಳಗೊಂಡಿದೆ. ಮುಂಭಾಗದ ಕ್ಯಾಮೆರಾವು 16MP ಸೆನ್ಸಾರ್ ಹೊಂದಿದೆ. ಚೀನಾದಲ್ಲಿ ಇದರ 12GB+ 256GB ವೇರಿಯಂಟ್‌ ನ ಬೆಲೆ CNY 1,999 ಅಂದರೆ ಸುಮಾರು 23,000 ರೂ. ಬೆಲೆ ಹೊಂದಿದೆ