ಆಪಲ್ ಐಪ್ಯಾಡ್ ಖರೀದಿಸುವ ಆಸೆ ನಿಮಗಿದೆಯೇ?..ಈಗ ನೀವು ಖರೀದಿಸಬಹುದು!!

‘ಐಪ್ಯಾಡ್ ಮಿನಿ 4’!!

7.9 ಇಂಚಿನ ಡಿಸ್‌ಪ್ಲೇ ಹೊಂದಿರುವ ಐಪ್ಯಾಡ್ ಮಿನಿ 4 ಕಡಿಮೆ ಗಾತ್ರದ ಮತ್ತು ನಾಜೂಕಾಗಿ ಇರುವಂತಹ ಟ್ಯಾಬ್ ಬಯಸುವವರಿಗೆ ಸೂಕ್ತ ಸಾಧನವಾಗಿದೆ. ಇದರಲ್ಲಿ ‘ಎ-8' ಪ್ರೊಸೆಸರ್ ಅಳವಡಿಸಲಾಗಿದ್ದು, ಹಿಂಬದಿ 8 ಮತ್ತು ಮುಂಬದಿ 1.2 ಮೆಗಾಪಿಕ್ಸಲ್ ಕ್ಯಾಮರಾಗಳಿವೆ. ಒಮ್ಮೆ ಚಾರ್ಜ್ ಮಾಡಿದರೆ 10 ಗಂಟೆ ಕೆಲಸ ಮಾಡುವ ಸಾಮರ್ಥ್ಯವನ್ನು ಈ ಐಪ್ಯಾಡ್ ಮಿನಿ 4 ಹೊಂದಿದೆ.

‘ಐಪ್ಯಾಡ್ ಮಿನಿ 4’ ಬೆಲೆ?

ಐಪ್ಯಾಡ್ ಮಿನಿ 4 ಎರಡು ಮಾದರಿಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ. 128 ಜಿಬಿ ಮತ್ತು ವೈಫೈ ಸೌಲಭ್ಯ ಬೆಲೆ 33,800 ರೂಪಾಯಿಗಳಾಗಿದ್ದರೆ, 128 ಜಿಬಿ, ವೈಫೈ ಸೌಲಭ್ಯ ಮತ್ತು ಸಿಮ್ ಅಳವಡಿಸಬಹುದಾದ ಐಪ್ಯಾಡ್ ಮಿನಿ 4 ಸಾಧನದ ಬೆಲೆ 44,500 ರೂಪಾಯಿಗಳಾಗಿವೆ. ಹಾಗಾದರೆ, ಇನ್ನೇಕೆ ತಡ?

‘ಐಪ್ಯಾಡ್ ಪ್ರೊ 12.9’!!

ಕಚೇರಿ ಕೆಲಸಗಳಿಗಾಗಿ ಬಳಸುವ ಹೈಎಂಡ್ ಕಂಪ್ಯೂಟರ್ ಮತ್ತು ಐ ಮ್ಯಾಕ್ ರೀತಿಯಲ್ಲಿಯೇ ಕೆಲಸ ಮಾಡುವ ಐಪ್ಯಾಡ್ ಪ್ರೊ 12.9 ಖರೀದಿಗೆ ಉತ್ತಮವಾದ ಸಾಧನವಾಗಿದೆ. 12.9' 12.9 ಇಂಚು ಡಿಸ್‌ಪ್ಲೇ, ‘ಎ10ಎಕ್ಸ್' ಪ್ರೊಸೆಸರ್ ಅನ್ನು ಹೊಂದಿದೆ. ಮಲ್ಟಿಟಾಸ್ಕಿಂಗ್ ಸೌಲಭ್ಯವೂ ಇರುವ ಈ ಸಾಧನದಲ್ಲಿ ಎರಡು ಅಥವಾ ಮೂರು ಅಪ್ಲಿಕೇಷನ್‌ಗಳನ್ನು ಒಮ್ಮೆಗೆ ಬಳಸಬಹುದು. ಹಿಂಬದಿ 12, ಮುಂದೆ 7 ಮೆಗಾಪಿಕ್ಸಲ್ ಕ್ಯಾಮೆರಾಳನ್ನು ಹೊಂದಿರುವ ಈ ಲ್ಯಾಪ್‌ಟಾಪ್ ಅನ್ನು ಕಿಬೋರ್ಡ್ ಜೋಡಿಸಿ ಲ್ಯಾಪ್ ಟಾಪ್ ರೀತಿ ಬಳಸಿಕೊಳ್ಳಬಹುದು.

‘ಐಪ್ಯಾಡ್ ಪ್ರೊ 12.9' ಬೆಲೆ?

ಐಪ್ಯಾಡ್ ಪ್ರೊ 12.9 ಆರು ಮಾದರಿಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ. 64ಜಿಬಿ ವೈ-ಫೈ ಮಾದರಿಯ ಐಪ್ಯಾಡ್ ಪ್ರೊ 12.9 ಬೆಲೆ 63,500 ರೂಪಾಯಿಗಳಾಗಿದೆ, ಇದೇ ರೀತಿಯಲ್ಲಿ, 246ಬಿಬಿ ವೈ-ಫೈ ಮಾದರಿ ಸಾಧನದ ಬೆಲೆ 76,200 ರೂ, 512 ಬಿಬಿ ವೈ-ಫೈ ಮಾದರಿ ಸಾಧನದ ಬೆಲೆ ರೂ. 93,200, 64 ಬಿಬಿ ವೈ-ಫೈ ಸಿಮ್ ಸಪೋರ್ಟ್ ಸಾಧನದ ಬೆಲೆ 74,100 ರೂ. 256 ಬಿಬಿ, ವೈ-ಫೈ ಸಿಮ್ ಸಪೋರ್ಟ್ ಸಾಧನದ ಬೆಲೆ 86,800 ರೂ ಹಾಗೂ 512 ಬಿಬಿ ವೈ-ಫೈ ಸಿಮ್ ಸಪೋರ್ಟ್ ಸಾಧನದ ಬೆಲೆ 1,03,800 ರೂಪಾಯಿಗಳಾಗಿವೆ.

'ಐಪ್ಯಾಡ್ ಪ್ರೊ 10.5'!!

ಐಪ್ಯಾಡ್ ಪ್ರೊ 12.9 ಗಿಂತ ಸ್ವಲ್ಪ ಚಿಕ್ಕದಾದ ಈ 'ಐಪ್ಯಾಡ್ ಪ್ರೊ 10.5' ಗ್ಯಾಜೆಟ್ 10.5 ಇಂಚಿನ ಡಿಸ್‌ಪ್ಲೇ ಹೊಂದಿದೆ. ಒಮ್ಮೆ ಚಾರ್ಜ್ ಮಾಡಿದರೆ 10 ಗಂಟೆ ಕೆಲಸ ಮಾಡುವ ಇದರಲ್ಲಿ ಫೋಟೊ ಎಡಿಟಿಂಗ್, ವಿಡಿಯೊ ಎಡಿಟಿಂಗ್ ಮಾಡುವುದು ಸುಲಭ. ಇನ್ನು ಎ10ಎಕ್ಸ್ ಪ್ರೊಸೆಸರ್ ಅನ್ನು ಈ 'ಐಪ್ಯಾಡ್ ಪ್ರೊ 10.5' ಸಾಧನದಲ್ಲಿ ಬಳಸಲಾಗಿದೆ.

'ಐಪ್ಯಾಡ್ ಪ್ರೊ 10.5 ಬೆಲೆ?

'ಐಪ್ಯಾಡ್ ಪ್ರೊ 10.5' ಆರು ಮಾದರಿಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ. 64ಜಿಬಿ ವೈ-ಫೈ ಮಾದರಿಯ ಐಪ್ಯಾಡ್ ಪ್ರೊ 10.5' ಬೆಲೆ 50,800 ರೂಪಾಯಿಗಳಾಗಿವೆ. ಇದೇ ರೀತಿಯಲ್ಲಿ,256 ಜಿಬಿ ವೈ-ಫೈ ಮಾದರಿ ಸಾಧನದ ಬೆಲೆ 63,500 ರೂ, 512 ಜಿಬಿ ವೈ-ಫೈ ಮಾದರಿ ಸಾಧನದ ಬೆಲೆ 80,500 ರೂ, 64 ಬಿಬಿ ವೈ-ಫೈ ಸಿಮ್ ಸಪೋರ್ಟ್ ಮಾದರಿ ಸಾಧನದ ಬೆಲೆ 61,400ರೂ, 256 ಬಿಬ ವೈ-ಫೈ ಸಿಮ್ ಸಪೋರ್ಟ್ ಸಾಧನದ ಬೆಲೆ 74,100 ರೂ, 512 ಬಿಬಿ, ವೈ-ಫೈ ಸಿಮ್ ಸಪೋರ್ಟ್ ಸಾಧನದ ಬೆಲೆ 91,100 ರೂಪಾಯಿಗಳಾಗಿವೆ.

How to Send Message to Multiple Contacts on WhatsApp - GIZBOT KANNADA

ಐಪ್ಯಾಡ್ (2018)

ಇತ್ತೀಚಿಗಷ್ಟೆ ದೇಶದ ಮಾರುಕಟ್ಟೆಗೆ ಲಗ್ಗೆ ಇಟ್ಟಿರುವ ಆಪಲ್ ಸಂಸ್ಥೆಯ ಮೊದಲ ಸಾಧನ ಐಪ್ಯಾಡ್ (2018) ಕೈಗೆಟುಕುವ ಬೆಲೆಯಲ್ಲಿ ದೊರೆಯುತ್ತಿದೆ.ಕಳೆದ ವರ್ಷ ಹೈ ಎಂಡ್ ಮಾದರಿಯಲ್ಲಿ ತಂತ್ರಜ್ಞಾನ ಪ್ರಿಯರ ಗಮನ ಸೆಳೆದ ‘ಐ ಪ್ಯಾಡ್ ಪ್ರೊ'ನ ಸಹೋದರನಂತಿರುವ ಐಪ್ಯಾಡ್ (2018) ಸಾಧನದಲ್ಲಿ 9.7 ಇಂಚಿನ ಡಿಸ್‌ಪ್ಲೇ ನೀಡಲಾಗಿದೆ. ಎ-10 ಪ್ರೊಸೆಸರ್ ಒಳಗೊಂಡಿರುವ ಈ ಸಾಧನ ಮಿಂಚಿನ ವೇಗದಲ್ಲಿ ಕೆಲಸ ಮಾಡುತ್ತದೆ.

ಐಪ್ಯಾಡ್ (2018) ಬೆಲೆ?

ಐಪ್ಯಾಡ್ (2018) ನಾಲ್ಕು ಮಾದರಿಗಳಲ್ಲಿ ಮಾರುಕಟ್ಟೆಯಲ್ಲಿ ಲಭ್ಯವಿದೆ. 32 ಜಿಬಿ ವೈ-ಫೈ ಮಾದರಿಯ ಐಪ್ಯಾಡ್ (2018) ಬೆಲೆ 28,900 ರೂಪಾಯಿಗಳಾಗಿವೆ. 128 ಜಿಬಿ ವೈ-ಫೈ ಮಾದರಿ ಸಾಧನದ ಬೆಲೆ 35,700 ರೂ, 32 ಬಿಬಿ ವೈ-ಫೈ ಸಿಮ್ ಸಪೋರ್ಟ್ ಮಾದರಿ ಸಾಧನದ ಬೆಲೆ 38,000 ರೂ, ಹಾಗೂ 128 ಬಿಬಿ ವೈ-ಫೈ ಸಿಮ್ ಸಪೋರ್ಟ್ ಮಾದರಿ ಸಾಧನದ ಬೆಲೆ 46,300 ರೂಪಾಯಿಗಳಾಗಿವೆ.