ತನ್ನದೇ ವಾಷಿಂಗ್ ಮಷಿನ್, ಫ್ರಿಡ್ಜ್ ಬಿಡುಗಡೆ ಮಾಡುತ್ತಿದೆ ಫ್ಲಿಪ್‌ಕಾರ್ಟ್!..ಖರೀದಿಗೆ ರೆಡಿಯಾಗಿ!!

ಹಬ್ಬದ ಸಂಭ್ರಮಕ್ಕೆ ಭಾರೀ ಕೊಡುಗೆ!

ಹಬ್ಬಗಳ ಸಂಭ್ರಮದಲ್ಲಿರುವ ಭಾರತೀಯರಿಗೆ ಫ್ಲಿಪ್‌ಕಾರ್ಟ್ ಕಂಪೆನಿಯು ನೂತನ ಬ್ರ್ಯಾಂಡ್‌ನ ಅಡಿಯಲ್ಲಿ 3 ಪ್ರಮುಖ ಗೃಹಪಯೋಗಿ ಎಲೆಕ್ಟ್ರಾನಿಕ್ ಸಾಧನಗಳನ್ನು ಪರಿಚಯಿಸುತ್ತಿದೆ. ಮಾರ್ಕ್ ವಾಷಿಂಗ್ ಮಷಿನ್, 565L ಕೃತಕ ಬುದ್ದಿಮತ್ತೆ ರೆಫ್ರಿಜರೇಟರ್ ಹಾಗೂ ಮಾರ್ಕ್ ಇನ್ವರ್ಟರ್ ಎಸಿ ಮೂರು ಸಾಧನಗಳು ಶೀಘ್ರದಲ್ಲೇ ಮಾರುಕಟ್ಟೆಗೆ ಬರುವ ಬಗ್ಗೆ ಫ್ಲಿಪ್‌ಕಾರ್ಟ್ ಹೇಳಿದೆ. ಹಾಗಾದರೆ, ಫ್ಲಿಪ್‌ಕಾರ್ಟ್ ಕಂಪೆನಿಯ ಈ ಮೂರು ಸಾಧನಗಳ ವಿಶೇಷತೆಗಳನ್ನು ಹೇಗಿವೆ ಮುಂದೆ ತಿಳಿಯಿರಿ.

ಮಾರ್ಕ್ ವಾಷಿಂಗ್ ಮಷಿನ್!

ಮನೆಗೊಂದು ಅತ್ಯುತ್ತಮ ವಾಷಿಂಗ್ ಮಷಿನ್ ಬೇಕೆಂದರೆ ಖಂಡಿತವಾಗಿ ಇದು ನಿಮಗೆ ಸಿಹಿಸುದ್ದಿ. ಏಕೆಂದರೆ, 7.5 KG ಸಾಮರ್ಥ್ಯದ ಸಂಪೂರ್ಣ ಸ್ವಯಂಚಾಲಿತ ಫ್ರಂಟ್ ಲೋಡ್ ವಾಷಿಂಗ್ ಮಷಿನ್ ಒಂದು ಕೇವಲ 16,999 ರೂಪಾಯಿಗಳಿಗೆ ಪರಿಚಯವಾಗುತ್ತಿದೆ. ಕೇವಲ 18 ನಿಮಿಷಗಳಲ್ಲಿ ತೊಳೆಯಲು ಅನುಮತಿಸುವ ಎಕ್ಸ್ಪ್ರೆಸ್ ವಾಶ್ ವೈಶಿಷ್ಟ್ಯವನ್ನು ಹೊಂದಿರುವ ಮಾರ್ಕ್ ವಾಷಿಂಗ್ ಮಷಿನ್ ಫ್ರಂಟ್ ಲೋಡ್ ವಾಷಿಂಗ್ ಮಷಿನ್‌ಗಳಲ್ಲಿಯೇ ಅತ್ಯಂತ ಕಡಿಮೆ ಬೆಲೆಯ ಗುಟ್ಟಮಟ್ಟದ ಸಾಧನವಾಗಿದೆ.

565L ಕೃತಕ ಬುದ್ದಿಮತ್ತೆ ರೆಫ್ರಿಜರೇಟರ್!

ಎಕ್ಸ್ಪ್ರೆಸ್ ಕೂಲಿಂಗ್ ಮತ್ತು ಘನೀಕರಣದಂತಹ ಹೆಚ್ಚು ಅಗತ್ಯವಿರುವ ಕಾರ್ಯಗಳನ್ನು ನೀಡುವ ಅತ್ಯುತ್ತಮ 565L ಸೈಡ್ ಬೈ ಸೈಡ್ 'ಮಾರ್ಕ್ ರೆಫ್ರಿಜರೇಟರ್' ಮಾರುಕಟ್ಟೆಗೆ ಪರಿಚಯವಾಗುತ್ತಿದೆ. ಕೃತಕ ಬುದ್ಧಿಮತ್ತೆ ಆಧಾರಿತ ಸ್ಮಾರ್ಟ್ ಡಿಜಿಟಲ್ ಸಂವೇದಕಗಳಂತಹ ತಂತ್ರಜ್ಞಾನವನ್ನು ಹೊತ್ತಿರುವ ಈ ರೆಫ್ರಿಜರೇಟರ್ ಬೆಲೆ 39,999 ಸಾವಿರ ರೂಪಾಯಿಗಳಾಗಿವೆ. ಮಾರುಕಟ್ಟೆಯಲ್ಲಿ 70,000+ ರೂ.ಗಳಿಗಿಂತ ಹೆಚ್ಚು ಬೆಲೆಯಲ್ಲಿ ಇಂತಹ ರೆಫ್ರಿಜರೇಟರ್‌ಗಳು ಲಭ್ಯವಿರಬಹುದು ಎಂದು ಫ್ಲಿಪ್‌ಕಾರ್ಟ್ ಹೇಳಿದೆ. (ವಿಡಿಯೋ ನೋಡಿ)

ಮಾರ್ಕ್ ಇನ್ವರ್ಟರ್ ಎಸಿ

ಮಾರ್ಕ್ ಬ್ರ್ಯಾಂಡ್‌ನ ಅಡಿಯಲ್ಲಿ ಮಾರುಕಟ್ಟೆಗೆ ಪರಿಚಯವಾಗುತ್ತಿರುವ ಫ್ಲಿಪ್‌ಕಾರ್ಟ್ 'ಮಾರ್ಕ್ ಇನ್ವರ್ಟರ್ ಎಸಿ' ನಿಜವಾಗಿಯೋ ನಿಮ್ಮ ಗಮನ ಸೆಳೆಯಲಿದೆ. ಏರುಪೇರುಗಳಿಲ್ಲದೆ ನಿಖರವಾದ ತಾಪಮಾನ, ವಿದ್ಯುತ್ ಬಿಲ್‌ನಲ್ಲಿನ ಉಳಿತಾಯವನ್ನು ಯಾವಾಗಲೂ ನಿರ್ವಹಿಸುವಂತಹ ತಂತ್ರಜ್ಞಾನವನ್ನು ಹೊಂದಿರುವ ಈ ಇನ್ವರ್ಟರ್ ಎಸಿ 25,999 ರೂ.ಗಳಿಗೆ ಲಭ್ಯವಿದೆ. ಇತರೆ ಕಂಪೆನಿಗಳಿಗೆ ಹೋಲಿಸಿದರೆ ಇದು 25% ಕಡಿಮೆ ಬೆಲೆಗೆ ಮಾರಾಟವಾಗುತ್ತಿದೆ ಎಂದರೆ ಆಶ್ಚರ್ಯವೇನಿಲ್ಲ.