ಕೇವಲ 849ರೂ. ಬೆಲೆಗೆ ಅತ್ಯಾಕರ್ಷಕವಾದ ಇಯರ್‌ಬಡ್ಸ್‌ ಪರಿಚಯಿಸಿದ ಐಟೆಲ್‌!

ಐಟೆಲ್‌ ಕಂಪೆನಿಯ ಡಿವೈಸ್‌ಗಳಿಗೆ ಭಾರತದಲ್ಲಿ ಉತ್ತಮವಾದ ಬೇಡಿಕೆಯಿದೆ. ತನ್ನ ಎಂಟ್ರಿ ಲೆವೆಲ್‌ ಸ್ಮಾರ್ಟ್‌ಫೋನ್‌ಗಳಿಂದ ಮಾತ್ರವಲ್ಲದೆ ಕೈಗೆಟಕುವ ಇಯರ್‌ಬಡ್ಸ್‌ಗಳ ಮೂಲಕ ಕೂಡ ಸೈ ಎನಿಸಿಕೊಂಡಿದೆ. ಸದ್ಯ ಇದೀಗ ಅದರ ಮುಂದುವರೆದಂತೆ ಐಟೆಲ್‌ ಇಯರ್‌ಬಡ್ಸ್‌ T1 ಪ್ರೊ ಅನ್ನು ಭಾರತದಲ್ಲಿ ಅನಾವರಣಗೊಳಿಸಲಾಗಿದೆ.

ಹೌದು, ಐಟೆಲ್‌ ಕಂಪೆನಿ ಭಾರತದಲ್ಲಿ ಹೊಸ ಐಟೆಲ್‌ ಇಯರ್‌ಬಡ್ಸ್ T1 ಪ್ರೊ ಅನ್ನು ಬಿಡುಗಡೆ ಮಾಡಿದೆ. ಇದು 10mm ಬಾಸ್ ಬೂಸ್ಟ್ ಡ್ರೈವರ್‌ಗಳು, AI ENC, 35 ಗಂಟೆಗಳ ಮ್ಯೂಸಿಕ್‌ ಪ್ಲೇ ಬ್ಯಾಕ್‌ ಟೈಂ ಅನ್ನು ನೀಡಲಿದೆ. ಇನ್ನುಳಿದಂತೆ ಈ ಇಯರ್‌ಬಡ್ಸ್‌ ಯಾವೆಲ್ಲಾ ಫೀಚರ್ಸ್‌ಗಳೊಂದಿಗೆ ಬರಲಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಐಟೆಲ್‌ T1 ಪ್ರೊ ಇಯರ್‌ಬಡ್ಸ್‌ ಫೀಚರ್ಸ್‌ ಹೇಗಿದೆ?
ಐಟೆಲ್‌ T1 ಪ್ರೊ ಇಯರ್‌ಬಡ್ಸ್‌ ಸ್ಟೆಮ್ ವಿನ್ಯಾಸದೊಂದಿಗೆ ಸಂಪೂರ್ಣ ಇನ್-ಇಯರ್ ಇಯರ್‌ಬಡ್ಸ್ ಆಗಿದೆ. ಈ ಇಯರ್‌ಬಡ್ಸ್‌ IPX5-ರೇಟೆಡ್ ಆಗಿದ್ದು, ನೀರಿನ ಸ್ಪ್ಲಾಶ್‌ಗಳು ಅಥವಾ ನೀರಿನ ಸೋರಿಕೆಯನ್ನು ಪ್ರತಿರೋಧಿಸುವ ಸಾಮರ್ಥ್ಯವನ್ನು ಪಡೆದುಕೊಂಡಿವೆ. ಆದರಿಂದ ಇದನ್ನು ನೀವು ಮಳೆಗಾಲದಲ್ಲಿಯೂ ಸಹ ಬಳಸಿಕೊಳ್ಳುವುದಕ್ಕೆ ಅವಕಾಶವಿದೆ. ಇನ್ನು ಈ ಇಯರ್‌ಬಡ್ಸ್‌ಗಳ ಶೈಲಿ ಮತ್ತು ಸ್ಥಿತಿಸ್ಥಾಪಕತ್ವವನ್ನು ಸಂಯೋಜಿಸಲು ವಿನ್ಯಾಸಗೊಳಿಸಲಾಗಿದೆ.

ಐಟೆಲ್‌ T1 ಪ್ರೊ ಇಯರ್‌ಬಡ್ಸ್‌ 10mm ಬಾಸ್ ಬೂಸ್ಟ್ ಡ್ರೈವರ್‌ಗಳೊಂದಿಗೆ ಅಳವಡಿಸಲಾಗಿದೆ. ಇನ್ನು ಡ್ರೈವರ್ ಸೆಟಪ್ ಅನ್ನು ಬಾಸ್ ಔಟ್‌ಪುಟ್ ಅನ್ನು ಹೆಚ್ಚಿಸಲು ಮತ್ತು ತಲ್ಲೀನಗೊಳಿಸುವ ಇನ್ನೂ ಶಕ್ತಿಯುತವಾದ ಆಡಿಯೊ ಔಟ್‌ಪುಟ್ ಅನ್ನು ನೀಡಲು ವಿನ್ಯಾಸಗೊಳಿಸಲಾಗಿದೆ. ಇದಲ್ಲದೆ AI ENC ವ್ಯವಸ್ಥೆಯನ್ನು ಸಹ ಹೊಂದಿದ್ದು, ವಾತಾವರಣದ ಶಬ್ದವನ್ನು ಸ್ವಯಂಚಾಲಿತವಾಗಿ ವಿಶ್ಲೇಷಿಸುತ್ತದೆ. ಜೊತೆಗೆ ಉತ್ತಮ ಗುಣಮಟ್ಟದ ಕಾಲ್‌ ಮಾಡುವ ಆಡಿಯೋಗಾಗಿ ಪ್ರತಿ ಇಯರ್‌ಬಡ್‌ನಲ್ಲಿ ಮೈಕ್ ಅನ್ನು ಸಹ ನೀಡಲಾಗಿದೆ.

ಐಟೆಲ್‌ T1 ಪ್ರೊ ನಲ್ಲಿ ಪ್ರತಿ ಇಯರ್‌ಬಡ್ಸ್‌ ಕೂಡ ಟಚ್‌ ಕಂಟ್ರೋಲ್‌ಗಳನ್ನು ಹೊಂದಿದೆ. ಇದು ಮ್ಯೂಸಿಕ್‌ ಪ್ಲೇಬ್ಯಾಕ್, ಕರೆ ಸ್ವೀಕರಿಸುವಿಕೆ ಅಥವಾ ನಿರಾಕರಣೆ ಇತ್ಯಾದಿಗಳಿಗೆ ಸ್ಮಾರ್ಟ್ ಟಚ್ ಕಂಟ್ರೋಲ್‌ಗಳೊಂದಿಗೆ ಬರಲಿದೆ. ಜೊತೆಗೆ ಮ್ಯೂಸಿಕ್‌ ಪ್ಲೇಬ್ಯಾಕ್ ಅನ್ನು ಕೂಡ ಸ್ಟಾಪ್‌ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ. ಇದಲ್ಲದೆ ಹೆಚ್ಚುವರಿಯಾಗಿ , ಸಂಯೋಜಿತ ಧ್ವನಿ ಸಹಾಯಕವನ್ನು ಬಳಸಿಕೊಂಡು ಬಳಕೆದಾರರು ತಮ್ಮ ಧ್ವನಿಯೊಂದಿಗೆ ಇಯರ್‌ಬಡ್ಸ್‌ಗಳನ್ನು ಸಹ ಕಂಟ್ರೋಲ್‌ ಮಾಡಬಹುದಾಗಿದೆ.

ಐಟೆಲ್‌ T1 ಪ್ರೊ ಕನೆಕ್ಟಿವಿಟಿ-ವೈಸ್ ಬ್ಲೂಟೂತ್ 5.3 ಅನ್ನು ಬೆಂಬಲಿಸುತ್ತದೆ. ಇದು 30 ಅಡಿ ವ್ಯಾಪ್ತಿಯೊಳಗೆ ಕಂಟ್ಯಾಕ್ಟ್‌ಲೆಸ್‌ ಕನೆಕ್ಟಿವಿಟಿಯನ್ನು ನೀಡಲಿದೆ. ಇನ್ನು ಬ್ಯಾಟರಿ ಉಪಯೋಗಕ್ಕೆ ಸಂಬಂಧಿಸಿದಂತೆ ಇದು ಪ್ರತಿ ಇಯರ್‌ಬಡ್‌ನಲ್ಲಿ 30mAh ಬ್ಯಾಟರಿಯನ್ನು ಹೊಂದಿದೆ. ಅಲ್ಲದೆ ಚಾರ್ಜಿಂಗ್ ಕೇಸ್ USB-C ಚಾರ್ಜಿಂಗ್‌ನೊಂದಿಗೆ 500mAh ಬ್ಯಾಟರಿಯನ್ನು ಕೂಡ ಹೊಂದಿದೆ. ಇದರ ಕೇಸ್‌ ಪ್ರತಿ ಮೊಗ್ಗುಗಳಿಗೆ ಆರು ಫುಲ್‌ ಚಾರ್ಜಿಂಗ್ ಸೈಕಲ್ ನೀಡಲಿದೆ ಎಂದು ಹೇಳಲಾಗಿದೆ.

ಐಟೆಲ್‌ ಇಯರ್‌ಬಡ್ಸ್‌ T1 ಪ್ರೊ ಅನ್ನು ಅಧಿಕೃತ ವೆಬ್‌ಸೈಟ್‌ನಲ್ಲಿ 849ರೂ. ಬೆಲೆಯೊಂದಿಗೆ ಪಟ್ಟಿ ಮಾಡಲಾಗಿದೆ. ಇದು ಅತ್ಯಂತ ಕೈಗೆಟುಕುವ ಬೆಲೆಯ ಇಯರ್‌ಬಡ್ಸ್‌ ಆಗಿದ್ದು, ಬೂದು ಮತ್ತು ಡೀಪ್‌ ಬ್ಲೂ ಕಲರ್‌ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ. ಇದನ್ನು ಭಾರತದಾದ್ಯಂತದ ಪ್ರಮುಖ ಚಿಲ್ಲರೆ ಮಳಿಗೆಗಳಿಂದ ಇದನ್ನು ಖರೀದಿಸಬಹುದು.

ಇದಲ್ಲದೆ ಇತ್ತೀಚಿಗೆ ಐಟೆಲ್‌ ಕಂಪೆನಿ ಹೊಸ ಐಟೆಲ್‌ P40 ಸ್ಮಾರ್ಟ್‌ಫೋನ್ ಪರಿಚಯಿಸಿದೆ. ಈ ಸ್ಮಾರ್ಟ್‌ಫೋನ್‌ 6.6 ಇಂಚಿನ ಹೆಚ್‌ಡಿ + ಐಪಿಎಸ್‌ ವಾಟರ್‌ಡ್ರಾಪ್ ಡಿಸ್‌ಪ್ಲೇ ಹೊಂದಿದ್ದು, 1612 X 720 ಪಿಕ್ಸೆಲ್‌ ರೆಸಲ್ಯೂಶನ್‌ ಸಾಮರ್ಥ್ಯ ಪಡೆದುಕೊಂಡಿದೆ. ಹಾಗೆಯೇ 120 Hz ಟಚ್ ಸ್ಯಾಂಪ್ಲಿಂಗ್ ರೇಟ್‌ನೊಂದಿಗೆ ಕಾಣಿಸಿಕೊಂಡಿದೆ. ಆಕ್ಟೋ ಕೋರ್ SC9863A ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸುವ ಈ ಫೋನ್ ಉತ್ತಮ ಕಾರ್ಯಕ್ಷಮತೆಯನ್ನು ನೀಡಲಿದೆ. ಜೊತೆಗೆ ಇದು ಆಂಡ್ರಾಯ್ಡ್ 12 (ಗೋ ಎಡಿಷನ್) ಆಪರೇಟಿಂಗ್ ಸಿಸ್ಟಮ್ ನಲ್ಲಿ ರನ್‌ ಆಗಲಿದೆ.