ತೆರಿಗೆ ಪಾವತಿದಾರರೇ ಗಮನಿಸಿ: ಆದಾಯ ತೆರಿಗೆ ಇಲಾಖೆ ವೆಬ್‌ಸೈಟ್‌ ತಾತ್ಕಾಲಿಕ ಸ್ಥಗಿತ!

ಹೌದು, ಆದಾಯ ತೆರಿಗೆ ಇಲಾಖೆಯ ವೆಬ್‌ಸೈಟ್‌ ಸದ್ಯ ಜೂನ್‌ ಒಂದರಿಂದ ಸ್ಥಗಿತವಾಗಿದೆ. ಇದು ಜೂನ್ 6 ರವರೆಗೆ ಕೂಡ ಕಾರ್ಯನಿರ್ವಹಿಸುವುದಿಲ್ಲ. ಆದ ಕಾರಣ ತೆರಿಗೆ ಪಾವತಿ ಮಾಡುವವರು ಹೊಸ ವೆಬ್‌ಸೈಟ್‌ ಪ್ರಾರಂಭವಾಗುವ ತನಕ ಕಾಯಬೇಕಿದೆ. ಆದಾಯ ಇಲಾಖೆ ಹೊಸ ವೆಬ್‌ಸೈಟ್‌ ಜಾರಿಗೊಳಿಸಲು ಮುಂದಾಗಿದ್ದು ಯಾಕೆ? ಹಾಗಾದ್ರೆ ಹೊಸ ವೆಬ್‌ಸೈಟ್‌ ಹೇಗಿರಲಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಐಟಿ ಇಲಾಖೆಯು ತೆರಿಗೆದಾರರಿಗೆ ತಮ್ಮ ಇ-ಫೈಲಿಂಗ್ ಕೆಲಸವನ್ನು ಅದಕ್ಕೆ ತಕ್ಕಂತೆ ಯೋಜಿಸುವಂತೆ ವಿನಂತಿಸಿತು. ಇದೇ ಕಾರಣಕ್ಕೆ ಆದಾಯ ತೆರಿಗೆ ಇಲಾಖೆ ಜೂನ್ 7 ರಂದು ತೆರಿಗೆ ರಿಟರ್ನ್ಸ್ ಸಲ್ಲಿಸಲು ಹೊಸ ಐಟಿಆರ್ ವೆಬ್‌ಸೈಟ್ ಅನ್ನು ಪ್ರಾರಂಭಿಸುವುದಾಗಿ ಪ್ರಕಟಿಸಿದೆ. ಹೊಸ ವೆಬ್‌ಸೈಟ್‌ ಶುರುಮಾಡುವುದಾಗಿ ಆದಾಯ ತೆರಿಗೆ ಇಲಾಖೆಯ ಅಧಿಕೃತವಾಗಿ ಈಗಾಗಲೇ ಪ್ರಕಟಿಸಿದೆ, ಆದರಿಂದ ಇಲಾಖೆಯ ಅಸ್ತಿತ್ವದಲ್ಲಿರುವ ಪೋರ್ಟಲ್ www.incometaxindiaefiling.gov.in ನಲ್ಲಿ ನೀವು ಇದೀಗ ಯಾವುದೇ ಕಾರ್ಯನಿರ್ವಹಿಸಲು ಸಾಧ್ಯವಾಗುವುದಿಲ್ಲ.

ಇನ್ನು ಹಳೆಯ ಪೋರ್ಟಲ್ www.incometaxindiaefiling.gov.in ನಿಂದ ಹೊಸ www.incometaxgov.in ಗೆ ಪರಿವರ್ತನೆ ಜೂನ್ 7 ರಿಂದ ಕಾರ್ಯರೂಪಕ್ಕೆ ಬರಲಿದೆ ಎಂದು ಹೇಳಲಾಗಿದೆ. ಸದ್ಯ ಹೊಸ ವೆಬ್‌ಸೈಟ್ ಲಿಂಕ್ ಅನ್ನು ಹೆಚ್ಚು ಬಳಕೆದಾರ ಸ್ನೇಹಿಯಾಗಿ ವಿನ್ಯಾಸಗೊಳಿಸಲಾಗಿದೆ ಮತ್ತು ಹಲವಾರು ಹೊಸ ಫೀಚರ್ಸ್‌ಗಳನ್ನು ಸಹ ಒಳಗೊಂಡಿರುತ್ತದೆ ಎಂದು ತಿಳಿದುಬಂದಿದೆ.

ಇದು ಆದಾಯ ತೆರಿಗೆ ಇಲಾಖೆ ಪ್ರಸ್ತುತ ಐಟಿಆರ್ ಇ-ಫೈಲಿಂಗ್ ವೆಬ್‌ಸೈಟ್ ಅನ್ನು ನವೀಕರಿಸುತ್ತಿದೆ. ಆದ್ದರಿಂದ ಯಾವುದೇ ಕೆಲಸಕ್ಕಾಗಿ ನೀವು ಹೊಸ ವೆಬ್‌ಸೈಟ್ ಪ್ರಾರಂಭಿಸಲು ಜೂನ್ 7 ರವರೆಗೆ ಕಾಯಬೇಕಾಗುತ್ತದೆ. ಆದರಿಂದ ತೆರಿಗೆದಾರರು ಎಚ್ಚರಿಕೆ ಇಂದ ಇರಬೆಕು. ಇದೇ ಸಮಯದಲ್ಲಿ ನಕಲಿ ವೆಬ್‌ಸೈಟ್‌ ಲಿಂಕ್‌ಗಳು ನಿಮ್ಮ ದಾರಿ ತಪ್ಪಿಸುವ ಸಾಧ್ಯತೆ ಕೂಡ ಇದೆ. ಆದರಿಂದ ತಮ್ಮ ಎಚ್ಚರಿಕೆ ತಾವಿರುವುದು ಉತ್ತಮ.